الافضل بين شفروليه كروز و هونداي النترا

الالنترا افضل من الكروز بالف مره 

الانتراء افضل بالف تلريون مره

ليه تبدل وتدفع فرق خل موترك عندك لين يودع واشترلك جديد الشفر كل ما قدم قروشك الالنترا اعتماديه
ويستعلمونها لليموزينات موتر كويس الكروز ما عيبت فيها لكن بتاخذها خذها اصفار ما ينفع مستعمل

طيب وش رأيك باللومينا ههههههههههههه شطحه صح لكنها الافضل

شوف ما عليك من كلام الناس انا اتكلم من تجربة

على مدى 4 سنوات اجمالي الصيانات اللي سويتها بدون حساب الكفرات

حوالي 2000 ريال مع فحمات الفرامل و شغل اليد و كل شيء

اذا اخذتها نظيفه ما تحتاج شيء وراح تخدم معك و حلوه بالمدينه و السفر والبنزين و كله

سيارة فعلا تعتمد عليها بعد تجربه و استخدام قاسي

النترا .. وبالتوفيق

النترا سياره جباره بالذات الموديلات من 2007 الى 2011 
وقطع غيارها رخيص ومتوفر اقول الكلام ذا عن تجربه مدة 
7سنوات فطعت خلالها 500الف كم

لو ناوي تغير اقترح عليك جديد
خذ لك كيا سيراتو نفس حجم الالنترا و الكروز
استاندر 2016 فرامل ABS و ايرباق للسواق ب42 جاهزة
و يمديك تركب طارة الفل فيها مثبت سرعة ب700 او اقل من الف
الا كان الالنترا اللي معك فل كامل مكينة 2000 فهي افضل مواصفات
لكن ان كانت 1600 فالالنترا و السيراتو الجدد اقوى مكينة 1600
 و انشط قير و ان كانت استاندر

بع و اشتري يعني و زود و اذا تبي سلف انا معك ابي سلف بعد ههههه
نص الراتب يروح للبنك الله يعيننا وياك

ابراهيم التركي 
اللومينا حقتك شكل فيه واحد قاري عليها ماشاء الله تبارك الله 
انت الوحيد الي يمدحه وفعلا انت الوحيد الي مايتحمل معك موتر 
لكن رغم السواقه الدفشه للحين متحملتك هي والشبح 
والله يعطيك خيرهن ويكفيك شرهن 

شمهرووش الي يملك اللومينا يمدحها اما الي يذمها 95% نصاب و 5% اشترى وحده وكان مغشوش فيها


انا عن نفسي عندي لومينا s 2007 وما اشتكي منها وشفني الحين عارضها للبيع بالموقع

ما أنصحك بالكروز نهائياً ، السيارات الشفر الكوري ما تنفع نهائياً وأعطالها كثير ، ابقى على سيارتك أفضل لك تعرف ايش 

فيها ومتعود عليها طالما التبديل بمستعمل ما تدري وش فيه من عيوب وغير كذا معروفة بقلة جودتها . 

أنا ما أعرف عن النترا، فقط جربت قيادتها مرة وحسيتها خفيفة شوي، 
لكن بعطيك تجربتي في كروز نفس الموديل والمواصفات الي تتكلم عليها:

عن تجربة ٤ سنوات ومشي خلالها ماوصل ٦٥ ألف كلم وما سويت أي حوادث ولله الحمد:
الموديل كروز ٢٠١٠ LT نص فل
السيارة ثابتة وقيادتها ممتعة وشكلها أحسن من سيارات ثانية كثير،ومريحة وإمكانياتها جيدة مقابل سعرها،
صيانتها الدورية في ACDelco أسعارها معقولة لحد ما، مقارنة بالوكيل
















وفي تجربتي أقولك أنتبه من الأتي حصل معي مع إني محافظ على صيانتها في المواعيد المحددة وما أغيرلها غير قطع أصلية:
















- السيارة حساسة جداً  لأي شيء بمعنى الكلمة (فيها كل شيء بحساس وكثر الحساسات يجيب مشاكل وإنذارات في الطبلون مالها أول من أخر)
- السيارة قومتها بطيئة، ما فيا ذاك التسارع على مكينة ١.٨
- ما فيها فتحة شنطة من الداخل
- كمبيوتر السيارة غيرته مرتين على الضمان وسعرة حول ٤٠٠٠ ريال
- الجير الناس تشتكي منه، وأنا كان فيه بطئ في التنقيلات وحليتها على الضمان بعد ٩ شهور استخدام وبعدها صار تمام (وللعلم زيت الجير ما يتغير حسب كلام الوكيل والزيت حقها يخدم مدى الحياة)
- حساس ABS غيرته ٣ مرات في أربع سنين، لو جا عليه تراب يخرب بنسبة ٩٠٪
- الوكيل (الجميح) صيانته غاليه مرة، وقطع الغيار كذلك
- لمبة Check Engine لعبت فيني بمعنى الكلمة و ولعت أكثر من ٢٠ مرة خلال ٤ سنوات
- لمبة ABS ولعت أكثر من ٥ مرات خلال ٤ سنوات
- لمبة حساسات الرجوع للخلف ولعت مرتين خلال ٤ سنوات
- الفرامل حسب رجلك، لكن أظن أنها جيدة جداً
- غيرت لمبة العالي ٣ مرات يمين ومرتين شمال
















نصيحة من مجرب:
الشركات الأمريكية ما نجحت بالسيارات الصغيرة، الياباني يعيش معاك أفضل وأقل خراب، وكروز للأسف أصلها دايو وأنا مجرد ما الضمان أنتهى بعت السيارة على طول وإلا كان صرفت عليها قيمة سيارة ثانية
الأمريكي قيادته أفضل لكن ما أظن بتكون فرحان مع الخرابات، 
الأن أنا جبت ياباني ومرتاح
















بالنهاية ربي يوفقك 

الكروز زفت كانت مع واحد صاحبي 2010 بعد 4 شهور وادها التشليح

االالنترا موديل 2010 من افضل السيارات ومشاكلها قليل 

الكروز ماعندي خلفيه لكن انتاج شركة شفروليه في كوريا من شركة دايو غير ناجح بالسوق

مثل الابيكا الكروز الخ    كلها مشاكل ماتخلص من تجربه

انا ارشح لك الأنترا وبجدارة موتر اعتمادي وقطع غياره متوفره ورخيصة
اما الكروز نصيحه لوجه الله بتتعبك كثير وبتخسرك كل يوم وانت في ورشة 

هذي وجهة نظري والله يوفقك انشالله