أضف سؤال أو موضوع جديد          

حل مشكلة الطقة الخلفية والاماميةفي اللومينا للفائدة

up 15 down 3
hogkal 255
قبل 5 سنه



في موضعي السابق طرحت مشكلة طقة في الجهة اليسار قدام وخلف والحمد لله اليوم لقيت حل هذه المشكلة .
بالنسبة للطقة من قدام المشكلة كانت في الكليبر حق الفرامل هو اللي كان مسوي صوت تم شده وزبط مع ان الفني يقلي تغيره افضل .
بالنسبة للطقة في الخلف المشكلة كانت في جلد الكمر سويت لها شد وزبطت الحمد لله كذلك الفني يقلي التغيير افضل لانها نص عمر .

بس عندي استفسار يا اخوان القزازة الخلفية قبل شوي انفرطت ما صارت ترفع هل تتصلح مكينة القزاز ولا لازم تغيير .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ماشاء الله الحمدلله انك لقيت حل لمشكلتك بدون خساير .
بالنسبه لمكينة القزاز مانقدر نقول لك وش مشكلتها بالظبط 
شف لك سمكري ولا كهربائي يفحصها 
يمكن مكينة القزاز مافيها شي بس يبي لها تنظيف ويظبط 
واحتمال الدينمو خربان مايبين معاك وش مشكلتها 
الا تفحصها اذكر يوم معاي الكابرس القزاز مايرفع وينزل معلق
وواصله كهرب بعضهم قال يبي له مكينة قزاز وديته لسمكري 
فك مكينة القزاز ونظفها ببخاخ ايسديلكو وظبط صار يرفع وينزل


up 1 down 1
w.asa 2027
قبل 5 سنه



مشكور عالافادة وبيض الله وجهك 
بخصوص القزاز لازم تفك الديكور وتتاكد ممكن انفك القزاز عن الدينمو
والدينمو يشتغل بدون رفع القزاز وبالتالي اذا عرفت الخلل راح تصلحها بيدك
او تروح لسمكري ويسويها 
موفق..


انا عندي نفس الشي الي تعاني منه بس خلفي 

اكتسبت منك. معلومة صراحة 
يعطيك العافية 1+ 
وبالنسبة للقزاز انت ارفعه ان سمعت صوت الدنمو شغال 
يعني في قطعة الس ترفع القزاز وتنزله هذه انكسرت بإمكانك 
بدون خساير تفك الباب وتولف حاجة  
انا ولفت مسمار والامور 100% 


up 1 down 1
salah.e 463
قبل 5 سنه



حياكم الله جميع وفعلا الواحد لازم يلف ويسأل في اكثر من ورشة لين يحل المشكلة بأقل الخسائر ولا ننسى هذه العبارة ( دائما هناك حل ). 
 بالنسبة للقزاز الكهرباء واصلة لكن القزازة فرطت ما ترفع ولا تنزل وان شاء الله يكون حل بسيط .


up 1 down 1
hogkal 255
قبل 5 سنه



مشكلة القزاز من الواير اللي يجي على المقص الداخلي اللي يكون مربوط فيه القزار، فيه ناس يولفونه ويضبط 


up 0 down 0
الحويزي1 1128
قبل 5 سنه



الله يعطيكم العافيه جميع 

بالنسبة للقزاز مكينة القزاز تم فحصها وتبين انها عطلانه رحت محلات القطع لفيت اكثر من محل حصلت مكينه ب 590  وباقي المحلات يقلون طلبية المهم لفيت اكثر من محل لقيت واحد يقلي يصلحها ويعطيني ضمان سنه المهم منا ومنا اتفقت معه في الاخير على 250 ريال .صلحها الحمد لله واعطاني عليها ضمان سنه 


up 0 down 0
hogkal 255
قبل 5 سنه



يعطيك العافية


up 1 down 0
nowait 15
قبل 5 سنه