محتاج المشورة في الايجار المنتهي بالتمليك

اذا انت من سكان الرياض فاتامين بيكون لك مناسب لن نظام تامين  تكافل الراجحي   الفراع الرئيسي بالرياض وسهل لك في انجاز يعني لاقدر الله وصار حادث 

لكن برا الرياض بتتعب معهم لني شفت ناس كثيره في تكافل الراجحي  جاين من كل مناطق المملكه والي مرسل اوراقه لهم عن طريق البريد الممتاز ويضيعون واراقه ومشاكل معه 

 هذا الي حبيت اني افيدك فيه 

يا زين  الكاش سيارةب 5 الاف   مكينة وقير  و4 كفرات  ولا   جديد   اجلس  اسدد اقصاد 5 سنوات  ودفعة  اولى  ودفعة اخيرة ورسوم  ادارية  و خرابيط
 ولا تملك خيار  تتصرف  فيها  لين تسدد   كـــــــــــــــــــــــــــــامل المبلغ   

اذا لك مجال تشتريها كاش توكل ع الله ..

انا جربت بنك الراجحي والأهلي .. طبعاً الراجحي أفضل
وأقل فائده .. 

لكن والله والى الآن أقسط انظمه عقيمه وبنوك همها الأول
الربح المادي بغير المعقول ..



وبالتوفيق للجميع إن شااء الله 

باعلمك انا وش سويت يوم أشتريت سياره إيجار منتهي بالتملك :

1- حدد السياره ( وهذا أهم شي )
2- خذ ورقه وقلم 
3- كلم كل البنوك وأسالهم عن العروض حقتهم وسجلها عندك وشوف وش اللي يوافق الشرع .
4- فكر في كل عرض وأختاره حسب مايناسب ضروفك ومصاريفك لو يضطر بك القرار إلى تغيير السياره إلى سياره أ×رى أقل قيمه .
5- إسألهم عن كل صغيره و كبيره ودقق في العقد وإسألهم في حال لاسمح الله الحوادث أو إرجاع السياره أو لاسمح الله الوفاة أو بتسافر فيها خارج المملكه وش الشروط  .... الخ 

بالنسبة لي أخترت بنك البلاد وكان هذا عام 2014 والسبب يعود إلى أن كان عندهم عرض الضمان على السياره خمس سنوات أو 200.000كلم باالإضافه إلى أن فائدتهم لم تكن عالية.

مع العلم بأني لم أكن أرغب في الأيجار المنتهي بالتملك ولكن كان على قرض شخصي .

وأنصحك نصيحه لو جه الله أنتبه تطب في قسط يضيق عليك في راتبك تراك بتكره حياتك وإذا جيت بترجع السياره لهم بيمصون دمك
 ..

أتمنى لك التوفيق

اذا انت مظطر ومافيه حل الا بلوة هاالاايجار باالتمليك
انا
اشوف واحد من الااعضاء ينصح بااخذ السيارة
من نفس الوكيل 
عاد سواء ياباني او كوري او امريكي
لن الضمان عندهم وتصليحها عندهم وكل شي عندهم
احسن من تاخذها من بنكً وردد ياليل رح للشركة رح لاالتامين الخ
واسال الله ان يفكك من سالفة هالاايجار

والله ياعيوني انا اشوف ارخص بنك من ناحية الفوائد بنك الاستثمار
لاني سالت عن الراجحي عن قرض شخصي وقالو الفوائد 24 الف ورحت لبنك الانماء طلعت الفوائد 18 الف انا الاستثمار طلع 8653 ريال فقط وهو ارخص من اللي قبله
مر الاستثمار وقول ابي مبلغ السياره
اعطيك مثال
اول شي قيمة السيارة اجار منتهي يالتمليك وشوف كم الاجمالي
ولو اخذت قرض كم تكون الفائده
انا منقهر من الاهلي تخيل خذيت تورس نص فل عام 2013 طلعت 151 الف اقساط
مقدم 8595 وشهريا 1957 وموخر 23 الف وكانت غلطه
عموما انصحك بالاستثمار لاني ناوي اطلع جمس ولقيته ب 152 وباخذه كاش
لان الاستثمار عطاني 155 الف وارجعها لهم 164 الف الفوائد حدود ال 8 الاف وكسور
تحياتي

يالغالي ماعاد به شي الابالاقساط تشتري مستعمل تصلح فيه وكل يوم في ورشة ولاجديد وتنسى وين الصناعية اهم شي القسط يناسبك ولايضيق عليك ترى السيارة وسيلة تكفيك حاجه الناس وتشيل رجلك الراجحي والبلاد الفرق بينهم 100 ريال اكثر للبلاد بالعربي تطبيق نظام التاجير وفق مصلحه المستاجر انسى بس وكل ربك واستخر قبل كل شي 

والله نصيحة اذا راتبك ضعيف لا تطب بالاقساط هي فرحتها في البداية وبعدها تندم واذا مرة معزم شف اقل قسط واهم شي سيارة توديك وتجيبك

بارك الله فيكم اخواني جميعاً ولاحرمكم الله الاجر

بالنسبة للارخص فعلاً مافيه ارخص من الراجحي وانا من سكان الرياض
لكن كثير نصحوا بالابتعاد عن الراجحي حتى لو تدفع زياده بسيطه عند بنك ثاني

اما الاقساط فحاولت لكن كشروط ممكن تقدر عليها
لكن المصيبه استغلال للنسبه لان عليك قرض توصل الى ١٣٪‏

فالتأجير مع انه مخيف الا انه الارخص 

بارك الله فيكم وبانتظار المزيد وفقنا الله واياكم

يارجال كلهم زي بعض في التأجير بس انت خلك على البنوك الاسلامية وتطلع من ذمتك لان البنوك الاسلامية فيها لجان شرعية الشركات المتحدة للتقسيط افضل السيئين على الاقل تعرف خصمك وكل شي واضح بس الفايدة والقسط عالي 

اذا منحد على الايجار المنتهي بالتفليس فخلك على شركات التأجير مثل اليسر وغيرها ،، صحيح نسبتهم اعلى من البنوك بس شروطهم عند التنازل ميسرة يعني لا قدر الله وحصل لك ظرف تقدر تتنازل عنها بسهولة ،، لكن البنوك شروطهم عن التنازل صعبة 
الكثير يقول أني ما ابي اتنازل عن السيارة لكن هي فرحتها في بدايتها وكلها كم شهر وتكتشف انك ارتكبت غلطة عمرك 

خذ من الاكسنت وفئتها عشان لا تتورط قدام

اول شي نقطه مهمه احسبها صح قبل لا تاخذ السياره شوف راتبك يسمح لحد كم 
تقدر انك تستقطع منه مثال بعد ماتطلع مصاريفك وايجار الشقه من راتبك وقصد البنك 
اذا عندك كم يبقى لك من الراتب الي يبقى لك من ااراتب شوف هل يقبل 
انك تخصم منه قصد السياره ويبقى لك شي يكفيك ممتاز 
البعض يأخذ سياره ايجار تمليك ويكون وقتها لم يحسب حسابه 
واموره ويكون قصدها عالي جدا ثم بعد كم شهر لايستطيع راتبه ان يفي متطلبات اسرته 
ويضطر ان يعرضها لتنازل بدون مقابل وفي موقع حراج طلبات تنازل كثيره 
نصيحه ثانيه خذ سيارة من البنك الي عليه راتبك وخلهم ياخذون قصدهم استقطاع 
انت ترتاح من شعلت كل شهر تمسك سرى تسدد القصد لوكان ببنك اخر حتى لو حولته 
من بنكك الى البنك الي ماخذ منه ااسياره مايصلهم على طول وهات اتصالات وازعاجات منهم 
الان طايحين البنوك بحركه في حال عدم تسديد القسط يبلغون عن السياره
تجي انت عند نقطة التفتيش يستفسر العسكري عن السيارة يجدها مطلوبه للبنك 
ينزلك منها وبسطحا تنقل للبنك والعسكري الي يمسكها ويبلغ البنك انه مسكها 
ياخذ من البنك مكافئه مجزيه تصل الى 2000 ريال 
انا معاي سيارة اجار وموظف البنك العربي اخبرني انهم يكافئون العسكري الي يمسك لهم سيارة مبلغ عنها 
اذا كان البنك ياخذ حقه استقطاع تفتك وتضمن انك ماراح تقع في مثل هذا المأزق خصوصا اذا كنت راعي سفريات 
كثيره