توليف طرمبهvxrعلى جمس 97
6
3
إضغط هنا للإخفاء
السلام عليكم ورحمه الله وبركاته
كيف حالكم ياخوان ورمضانكم مبارك والله يتقبل توبتنا
وعبادتنا يارب
زي ماوعدتكم اني اجيب موضوع غريب وعجيب وفيه مخاطره
ومشقه بسيطه وصعوبه بتداخل الافكار بالدماغ
طبعا سبق وسالت هنا عن توليف طرمبه لاندكروزر
البعض ايد الموضوع والبعض عارض
طبعا الجمس الي عندنا دلوع كل فترة وفترة تخرب الطرمبه
ونركب غيرها نوع دلفي طبعا وعلى هالموال
كل كم شهر تضرب وعلامه خرابها
1صوت زززز او تنسيم كفر
2تاخر بالتشغيل احيانا
3تفصل السياره وماتشتعل الى بضرب التانكي مرات عدة
طبعا معروف الجمس بهالمشكله الي حيرت الميكانيكين
لقيت بالمنتديات التوليف هذا وقلنا نخاطر وش ورانا
طبعا فكينا الطرمبه ورحت شركة دينسو بكيلو 4 جنب العيسائي
مكان صيانه تقريبا ويبيعو قطع سبب روحتنا لهناك واحد
من اصحاب الوالد نصحنا نمشي هناك وقال تلقون طرمبه الفكسار
وهو عنده الجكسار والي لقيناه عندهم الجكسار الاضعف
المهم الرجال بالدينسو قال يولفوها لجمس قلنا هاتها
طبعا الطرمبه حقت موديلات97حتى2005تقريبا
ونزلت بن شيهون قطع غيار تويوتا بكيلو 2اخذت فيش طرمبة
ووديتها للميكانيكي وفصل الفيش القديم وقص السلك وركبه
عالفيش حق تويوتا وركب عليه عازل عشان لايلتمس
الكهرب وتنفجر السياره وجربناها وشغل ياحبيبي الجمس اشتغل
ولله الحمد اشتغل تمام التمام طبعا سعره270والفيش10
وشغل اليد250 ارتحنا من البهدله
طبعا الجمس ماشاء الله تبارك الرحمن
يشتغل من نقرة عكس اول
عزمه مثل ماهو قومته مثل ماهو ماتغير شيء بتاتا
وفي مشكلة ظهرة فيه ماعرفنا وضعها طبعا جربته
حق ليله واعطيتكم انطباعي طبعا خرب شيءثاني مانعرف ايش هو
ووقف بحي النسيم ماندري وش وضعه ماكمل 24ساعه
له فترة على هالمووضوع
والان احمل جميع الصور عشان يستفيد كل شخص متبهدل
بالجموس من ناحيه الطرمبه بالذات
الصور فيها رقم القطعه والقطعه وشكلها وكل شيء
ومانبغى منكم جميعا غير الدعاء والدعاء والدعاء فقط
واي شيء تحتاجونه يرسل لي بالخاص اجاوب له
إبلاغ
الردود
عندي2002 الطرمبه ما تكمل 8 شهور وتخرب
وقيمتها 1250
0
2
فك الطرمبه حقت القديم ودور مثلها للفكسار لو تتشابه بالمقاس انتهى الموضوع واشتريلك وحده نفس كرتون الي عندي
0
2
عندي جمس ٩٦ سعودي الطرمبة مغيرها
كاملة مع العوامة اصلية ب ١٠٥٠
قبل اكثر من خمس سنين والسيارة استخدام يومي
ماخربت مانخلي البانزين ينزل عن النص والصفايه كل ٨ شهور نغيرها
وقبل شهر طفى طلع من اسلاك الطرمبة محترقه والطرمبه سليمه
يعني ارهم لها اسلاك وافياش او اغير عوامه تشليح
قلت دامني فاك التانكي اغير الطرمبة احسن
جبت طرمبة فورد اصليه قال ماتنفع مارضى
يركب لي الا نوع اسمه (اوس مو ) طرمبة تقريبا اصليه
ب ١٤٠ وماشاء الله شغاله احسن مايكون وركبتها على جيب
باترول وماشفت منها شي الكهربائي يقول مجربها على اكثر السيارات
وحد شكى منها وسعرها رخيص وعملية عكس دولفي وطقتها كم شهر وتخرب
ولعلمك طرمبة فكسار ماتنفع للجموس ماخذه سمعه بسس
بعض اصحاب الفكسار يركبون لها طرمبة فورد
0
3
عند اخوي 2002 وله سنه ويطفى ويدق التانكي وتمشي معاه وما شاء الله سالكه معاه وتوه جاي من الرياض لابها ولا سوتها معه غير مرتين واعتقد لقي قيمتها فوق الالفين
قبل 7 سنه و 10 شهر