رجه على السرعات العاليه

اعذرني ياراعي الموضوع مو كل شئ يقولون غيره تغيره 
المساعدات مالها علاقه بالرجه من الصفر لمليون ماترج السياره يمكن القديمه كانت سليمه وخلاك تغيرها من فراغ
المقصات مالها علاقه بالرجه مسامير التوازن اعتقد لها طقطقه واصوات في السياره بس ماتسبب رجه
المشكله لو الجنوط والكفرات كان يبين وقت ماصلح الجنوط وعدلها كان يبين بالجهاز ان فيه رجه وطلع صفر مافي رجه
ورجع قالك بعد مانشبت له قالك الرجه من الكفرات كيف يقولك منها وهو مصلح3جنوط ومتاكد من ترصيصها ارضي مافي رجه
يانهم شبعو من وراك الله لايبارك فيهم مشكلتك مو ميزان مشكلتك ميكانيكي يفحصها مزبوط ويحددلك الرجه
الان المبلغ كلها راح على فراغ والرجه يمكنها من عامود الكربان او الصليب 
حسب وضع الرجه لو انت ماشي تجي او لمن تشد للسياره تحسها ترج اكثر حدد وضع الرجه وان شاء الله بنفيدك

ليه تغير مساعدات وفلنجه يكون في علمك العضيب قالو لي غير الاذرعه ومقصات وانا عندي انها ممتازه ولا فيها شي احسن مافيهم يوم جبت لهم كامري قالو من جنوط وصدق طلع كلامهم صحيح غيرت جنوط الحديد واختفت الرجه بس مو اي شي يقلونه تصدقه في حاجات تخش الراس وفيه اشياء ماتخش الراس مساعدات مالها اي دخل برجه

أخوي أتوقع أحتمال كبير من عمود الدوران

المفروض تنشب له وﻻ تحاسبه وﻻ بريال إﻻ بعد ما تجرب السيارة وهو معاك وتجيب المسؤل عن الورشة وإذا كثر كلامه تجيب له الحكومة
صارت حقل تجارب مو ورشة

جزاكم الله خير 
نورتوا الصفحه يااخواني 
بنسبه لعمود الدوران امرها سليم والجلود تبعهن برضو كويسات 
وذلك من كلام الميكانيكين ياللي فحصوا 
بس قبل فتره رحت لمحل شانول اتراك كلمت المهندس وشرحت له على الرجه مباشره قالي العكوس 
وانا ماقتنعت بكلامه ولا واحد بالميه لانه مابررلي السبب وبدون مايناظر ولا يجرب حسيت انه نصاب 
وبنسبه للرجه يعني تبدا معي تقريبا من 110 او 100 لين 240 خصوصا تزداد كل مااسرعت 
ترج البودي والدركسون لكن في البودي خفييف اما الدركسون واااضحه 

هذي جلد المقصات ونا خوك كانت عندي في كابرسي الاول طبعا الوكالة ماتبيع الا مقص كامل والصناعيه يكبسون الجلد والرجة كانها قويه ومع اللفات فاعرف انها جلد المقصات

شوف ياصاحبي صارت معي الرجه ذي...

تبدا من 90 تقريبا وتزيد كل ماأسرعت حتى لو تمشي 240 الرجه معك وبزياده كمان ..

طبعا بالبدايه السياره ماكان فيها شي وكانت الكفرات تعبانه عندي وغيرت بس امامي وتركت الخلفي قلت بعدين اغيرهم
ومن اول ماغيرتها والسياره ترج نفس ماذكرت رصصت عادي مانفع وليزر مانفع وارضي مانفع ...

وبالاخير قلبت الكفرات التعبانه حطيتها قدام والجديده ورا ورصصت ارضي واختفت الحمد لله على طول ..

جرب اعكس الكفرات  يمكن تزبط معك

بيض الله وجهك ياخوي 
انا مركب طقم جديد الاربعه 

الله يعينك على الورش وتعبهم 
العكوس تحصل معك رجه من أول ماتدعس للسيارة بقوة تبان معك الرجه السيارة تنتفض كلها 
وشيك على كراسي المكينة والقير .

الرجة من 120 وانت طالع من الكفرات .... وروح اسال االي يبيعو الكفرات 

تحصلها محبلة من الداخل او فيها مشكلة 

السلام عليكم ياراعي الموضوع ولا يهونون الأعضاء الكرام

أول شيء مشكلتك هذي واجهتني في كابريس صابونه موديل 94 وهي من عمود الدوران وطريقة فحصه بسيطه تروح لورشة يفكه وتاخذه إلى مخرطه يفحصونه لأنه مايبين وهو راكب على السيارة

السلام عليكم 
اخوي شيك على جلد المقصات ترى ممكن منها لانها واجهتني نفس مشكلتك وفالنهايه اتضح ليا انها من جلود المقصات وغيرتها والحين تمام
قيمة الجلود 900 ريال اصليه 

وفي نوع تجاري ب 400 بس مانصحك في 

السيارة مصدومة ؟
و شيك على صليبات عمود الكردان كراسي المكينة و القير و الدفرنس

عندي نفس الرجة دي في الكامري
والسبب من جلد كرسي الغيربوكس رايحة اسمع طقطقة في المطبات ووفوق ال 110 يبدا الكبزت ينتفض

مشاء الله تبارك الله الله يعطيك خيرها ويكيفك شرها وأول شي انت غيرت اشياء خلنا نقول انها قطع استهلاكية وعلي موديلها الله يعطيك خيرها قل فدا الدراهم لراحتك وسلامتك
بس غلطك انك سويتها عند العضيب ! العضيب مع احترامي لهم حدهم ترصيص ارضي وميزان بس وخذ باقي الاعطال ورح ورشة عادية يغيرونها لك بأقل من من كذا وبكثير بعد
بس السؤال انت تقول كشفت علي القير طلع سليم ترا الكشف الكمبيوتر مايبين الا الحساسات بس .وبعدين انت ماذكرت لنا هل الرجة لاحظتها في اول مشوار لك علي المبروكة
ولا طلعت لك مع الوقت لانك تقول من حوالي 8 شهور الشباب مشاء الله كلاً عطاك رايه من حسب الي واجهو فيهم الخير و له الي الخبرة واكبر دليل الي قالك المساعدات
مالها دخل والي قالك العمود والشيال وغييره انت تدري ان الهوبات اذا مو متوازنة مع بعض ممكن تسوي رجة بس هذي مع الفرامل تبين يعني لكل شي سبب وانت تقول مع الممشى
بالسراعات العالية وانا اقول اذا لاحظت الرجة من اول ماخذيت السيارة فتأكد من القير احيانا بعض الورش حقين توظيب القيور يغير قير ولا يتأكد من الحديدة الي شايلة الطنجرة والكلتشاتات
ومالك في الطويلة ولكن اذا الحديدة هذي فيها ميلان لو بسيط ممكن يسبب رجة في السيارة وحتى لو الطنجرة فيها رايش الي هو (احتكاك الحديد) ممكن ترج السيارة وتأكد من كرسي القير وزيت القير ممكن يكون ناقص
اقول خذ هالرابط وفصفص المعلومات الي فيه ولا مايمنع تسأل فنين بعد.. ترا ممن تكون المسأله سهلة وانت مضيق صدرك وممكن اقرب احتمال الي هو الاخ m-baz ولكن انت شوف الرابط وقارن مع مشكلتك لانك انت الي عايشها والاقرب وبتشوف الاقرب لوصفها في هالرابط
http://www.mekshat.com/vb/showthread.php?602698-%C5%E1%E1%EC-%C7%E1%C3%CE-%C3%D5%ED%E1-%CD%CC%C7%D2%ED-%E3%DA-%C7%E1%CA%CD%ED%C9-%E3%D4%DF%E1%C9-%DD%ED-%DE%ED%D1-%C7%E1%CC%E3%D3
دعواتك بس ترا كرسي القير ونقص الزيت والرايش الي في الطنجرة لها سبب يعني ممكن يكون الحل تغير زيت القير مع الفلتر وانتبة تغير زيت غير الزيت الي فيه نفسة والرابط هذا فيه الطريقة الصحيحة للتغير الزيت الرابط هذا بيفيدك بس اقرا بنفس مو تقرا قراءة واحد يبي حل بس واعذروني عل الاطالة

السلام عليكم
اخوي معي كابرس 2011 نفس الموديل طبعا السياره مستعمله ماخذها الوالد وكان فيها رجه نفس كلامك مع الفرامل احيانا السياره تلف مع رجه اللفه تكون قويه
المهم, اني اخذت جلد مقصات كامله 2*2 صغار وكبار والحمدلله راحتالرجه 90 بالميه اتمنى اكون افدتك مشكور اخوي