وزراة النقل إيجار المركبات المنتهي بالتملك ليس اختصاصنا

الي نزل الاشاعه يمديه يضحك على العالم

ودي اعرف بس
وش يحسون فيه الي يطلعون سيارة منتهي بالتمليك بعدين يمل منها ويبي يرميها
وهو موقع عقد على شروط ملزم فيها
وعارف الشركة مابتفكه الا لمن تاخذ حقها؟

قريت الخبر يوم انتشر ولا خش راسي لن مافيه شي رسمي مجرد رساله منصوصه واضحه

البنوك قويه محد يقدر يخالفها اذا لها حق منك تاخذه واذا تطالبهم بشي يماطلونك مثل السلام عليكم

سبق ونزلت موضوع انا عندي مشكله مع الراجحي..
رجعت له سياره بعد استخدام سنتين ونصف..وقال الموظف علشان 
ترجعها لابد تدفع 2500 ريال قلت اوكيه ماعندي مشكله..
وقال بتلقى حساب السياره  سالب 2500 بعد اسبوعين..
سلمتهم السياره وتفاجأت بعد اسبوعين ان الحساب سالب 52 الف..!!

رجعت لهم قالوا هذي غلطت موظف ولا فيه حل الا انك ترجع السياره وتكمل الاقساط..قلت خلاص 
اعطوني السياره..قالوا ما نقدر الا بعد ما نرسل ايميل للإداره...ارسلوا وبعدها ب3 ايام جاء الرد من الاداره 
انه لا يمكن اعادة السياره وعلى العميل دفع المبلغ المطلوب اللي هو 52الف...

بعد مشاورات وروحات وجيات مابين مؤسسة النقد ووزارة التجاره والغرفه التجاريه وادارة البنك ما أحد فادني في الموضوع..

استشرت اكثر من محامي ووجهوني على جهه رسميه اسمها

لجنة تسوية المنازعات المصرفيه..

وتوني قبل 3 ايام مرسل لهم الخطاب وكل الاوراق اللي عندي والله يكون في العون..

ياسلطان
الموظف ماغلط
الموظف كذب عليك ودبسك فال 52 الف
لانه لو قالك تدفع 52 ماراح توافق وراح تدور على حل ثاني

فاتوقع فيه اتفاقيه مع الموظفين
لانه مستحيل ترجع السيارة بدون البنك ماياخذ ربحه كامل

اصلا لو تحسبها انت كم على قيمة السيارة وكم تجيب فالسوق
راح يطلع الي تدفعه لهم

غريب مارجعت للعقد وشفت الحسبه فمثل هذي الحالات

طيب هذا ما يعتبر نصب واحتيال وغش عيني عينك لو افترضنا 
ان فيه اتفاقيه مع الموظفين..!!

غير كذا الموظف بنفسه هو اللي حاسب الحسبه ومسجل بخط 
يده على العقد ان المطلوب 2500 

وازيدك من الشعر بيت..
العقد ينص على انك لو تبغى ترجع السياره لك في الشهر 3600 كيلو 
الزايد عنها ب 40 هلله..حسبتها على ممشى السياره طلع المطلوب 3600 ريال

ففي كل الأحوال فيه نصب واحتيال..

وازيدك بيت شعر ثاني لما سلمتهم السياره كان مجموع الاقساط المتبقيه مع الدفعه الاخيره
57 الف...ماهو معقول اني اروح اسلمهم السياره واعطيهم 52 الف اللي طلبوها وانا اعرف ان بقية الاقساط 57 الف..اقلها بأكمل واتملك السياره..

تبغى تضحك أكثر..
لما دخل الموظف على نظام البنك كانت قيمة السداد المبكر 49 الف وأتملك السياره ههههههههه

بعد الكلام ذا راح يجيك واحد ويطمر في اجار تمليك ... والعالم تصيح منه

الافضل تمويل مرابحة من اي بنك والموتر باسمك
لا جيت تبيع حر مالك مو تضل تشحت الناس علشان يقبلوا سيارتك بدون مقابل