أضف سؤال أو موضوع جديد          

وش سبب ارتفاع الحرارة

up 1 down 2
ghost1 578
قبل 5 سنه و 5 شهر



السلام عليكم ورحمة الله وبركاتة
مبارك عليكم العشر الاوآخر
وأعاننا الله على صيامها وقيمها

الموضع ومافيه ياخوان معي جمس موديل 2003
ترتفع الحرارة في الحالة التالية فقط
اذا كانت السيارة واقفة
والمكيف شغال
وفي النهار فقط

اذا مشت السيارة او اذا طفيت المكيف او في الليل
ما ترتفع الحرارة عن قبل النص بشرطة ابد

روحت عند السباكين الي في الصناعية
واحد يقول لي بلف الحرارة
و واحد يقول بولف لك مروحة اضافية
و احد يقول تسييخ رديتر

وما ابغى اخسر نفسي واصلح شيء ما هو خربان اصلا
اتمنى الي جرب ولا عنده معلومة اكيدة يفيدني








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عندك وحدة من المراوح خربانه شيك عليها


up 2 down 4
المناخ 626
قبل 5 سنه و 5 شهر



زي  البليزر عندنا      انا سمعت  انه  في السيارة القديمة تكون  المراوح  

ميكانيكة  ف مع الدعس ترتفع سرعتها  في ناس تركب  مراوح  

2006  عشانها  كهرب 


هذا  الي اعرف  والله  اعلم


up 7 down 0
omar553 96
قبل 5 سنه و 5 شهر



شيك على طرمبه الماي ترا يكون فيها تهريب غير واضح
كلتش المروحه قد يكون سبب
بس 90 بالمئه طرمبه الماي


up 2 down 3
ميلاني4114 63
قبل 5 سنه و 5 شهر



طرمبة الموية جديدة ما لي فترة مركبها


up 0 down 0
ghost1 578
قبل 5 سنه و 5 شهر



كان غيرت البلف لأنه حاجة استهلاكية
كذلك تغير الغطاء لأنه مع الوقت قد يخرب
والرديتر ممكن يحتاج سيخة فعلا
وبعدها لو ما نفع ابدأ شوف المراوح
ثم طرمبة الماء

لأن المكانيكي في بعض المشاكل ما يقدر يحدد من نظرة

لو رحت الوكالة كان قالوا لك
غير رديتر وبلف وغطاء وطرمبة ماء و مراوح مرة واحدة
لكن أنت ابدأ حبة حبة


up 1 down 3
anosi 1427
قبل 5 سنه و 5 شهر



بلف حرارة او هواية مروحة المكينة
اثنان لاثالث لهما والله أعلم



up 1 down 2
أبو ثامر 1982 118
قبل 5 سنه و 5 شهر



شيك على المراوح لانك يوم تمشي تنزل الحرارة
ولا وقفت ترتفع 


up 1 down 1
w.asa 2027
قبل 5 سنه و 5 شهر



إذا الحرارة ترتفع مع السرعه هنا المشكلة. لكن موضوعك بسيط شيك على سرعات المروحة وفيوزها, غير البلف هذا يعتبر شيء استهلاكي في السيارات الامريكية, غير موية رديتر موتر كرافت او ايسيديلكو أحتياط هذا راح ينظف مجاري المياة ويرفع درجة الغليان. واخر شيء ادعس بنزين ل 2 ونص ار بي ام اذا نقصت الحرارة فهذا يعني طرمبة الموية.


up 1 down 1
dell2012 1044
قبل 5 سنه و 5 شهر



خذ العلم من واقع تجربه ونفس موديل سيارتك ونفس المشكله...

الموديل هذا المروحه مكانيكيه... يعني ع السير ماهي كهربائية...

اثناء الوقوف وفي الحو الحار. .. كميه الهواء الداخله للكبوت قليله... وترتفع الحراره بمقدار شرطتين فوق النص....

و لو تلاحظ لو دعت بنزين شوي يعني الى 1.5 RPM راح تنزل الحراره... لان سرعه المروحه زادت...


الحل...

في ناس تلغي المروحه المكانيكيه وتركب كهرب حق 2006... وهذا الحل جميل نظريا لكن هل الدينمو بيتحمل؟!!


الحل الثاني بتوليف مروحه كهربائية خارجيه بفيوز وطريقه صحيحه.... وانا اشوف هذي الأنسب والاهم التركيب الصحيح

الحل الثالث برمجه دعسه البنزين... يعني السياره واقف وعداد RPM على واحد
وهذا اسوء الحلول والسياره تناقز معك...


up 3 down 1
asalami 2180
قبل 5 سنه و 5 شهر



هذا موضوع لتوليف مروحه

http://www.mekshat.com/vb/showthread.php?371645-%C7%E1%ED-%ED%DA%C7%E4%ED-%E3%E4-%CD%D1%C7%D1%C9-%C7%E1%ED%E6%DF%E6%E4-%E6%DA%CF%E3-%CA%C8%D1%ED%CF-%C7%E1%E3%DF%ED%DD-%C7%CB%E4%C7%C1-%C7%E1%E6%DE%E6%DD-%E5%E4%C7-%C7%E1%CD%E1


up 2 down 1
asalami 2180
قبل 5 سنه و 5 شهر



افحص كلتش المروحة بنفسك
الفحص يتم بعد مشوار بالسيارة يعني المحرك اشتغل لفترة 15 ل 20 دقيقة

طفيه المحرك و افتح غطا المحرك
حاول تدفع المروحة بيدك
اذا كانت تتحرك بسهولة معناها الكلتش خربان
اذا كانت تتحرك بصعوبة معناها الكلتش سليم


up 2 down 1
ameen ghanoum 163
قبل 5 سنه و 5 شهر



شكرا للجميع والله يعطيكم العافية على المساعدة

وشكر خاص للاخ asalami


up 2 down 0
ghost1 578
قبل 5 سنه و 5 شهر



والله عندي رأي بس مدري اذا ينفع او لا

وش رايك تركب مروحه زايده ؟

اخبر واحد معه بليزر كان نفس مشكلتك وركب مروحه زايده صغيره وضبطت الحرارة عنده




up 3 down 0
راعي الفرررت 91
قبل 5 سنه و 5 شهر



واضحه مشكلتك 
كلتش المروحة غيره وان شاء الله امورك طيبه


up 1 down 3
ms3al 1783
قبل 5 سنه و 5 شهر



كلتش المروحة لو غيرتة يتحسن وضع الحرارة مع الوقوف

طريقة فحصة كالتالي

اما بالكمبيوتر ويظهر للفاحص ان هناك خلل بسرعة المروحة

والطريقة الثانية هي انك تحاول ايقافها بيدك طبعا خذ لك قطعه قماش او شي لا تجرح نفسك... اذا وقفت المروحة فهي ضعيفة لا تدور كما يجب و أستهلكت وآن موعد تغيير الكلتش... 



الحل الممتاز واضمنه لك شخصيا هي ازالة المروحة والكلتش  وتركيب مراوح مكسيما الكهربائية  مع كتاوت اصلي وحساس مرسيدس يفتح  المراوح على 65 درجة 

التكلفة الإجمالية 600 ريال   ارخص لك من الكلتش وافضل واكثر عملية وتبريد مكيف بالوقفة  عجيب وسلامتك


up 1 down 2
راكد 226
قبل 5 سنه و 5 شهر



شوف ياحبيبنا اذا الحراره ترتفع فجاءه وهي واقفه ولامشيت تبدأ تنزل هذي من المراوح
اما اذا ارتفعت شرطه بعد الوقوف الطويل ابعلمك بطريقه امش 140 وشغل المكيف قبلها بالظهر اذا ارتفعت الرديتر يبغاله تسييخ


up 0 down 0
دانيال11 4
قبل 5 سنه و 5 شهر



ركب مروحه كهربائيه زي الي ابيعها المرسيدس او مراوح تبريد معروفه يابانيه زي حقت الفورتشنر او النافارا اي مروحه كهربائيه 
تجي وكاله عالسياره 
الموضوع حقك كامل تختصره بتركيب مروحه كهربائيه 
الكلتش سليم البلف سليم الطرمبه سليمه الغطاء سليم 
لان لو فيهم مشكله الحراره ماتفكك 24ساعه مو بالليل تكون ممتازه
لو تحب تركب مراوح بنز شوف اعلاناتي بحراج وحياك الله


up 0 down 0
احمد شريف 3176
قبل 5 سنه و 5 شهر