مكينة جمس تنقص زيت ؟

الزيت اللي تحطه خفيف على الاغلب او عندك الشنبر ضعيف

صادق بنز لوفر وش نوعية الزيت الي تحطه وكم لزوجته وهل هو موصى به او تغير وبس اذا الزيت تمام من الشنبر 

شنبر ضعيف لا بد يكون فيه دخان
كان معي كابرس 2011 شنبر واحد الضعيف وضغطه 110 يعني بداية شنبر 
ويعجج وراي اذا دعست

لاتخاف طبيعي جدا انا عندي يوكن 2004 غيرت الزيت

ومسكت خط من ابها الى جدة وخلصت اشغالي في جدة ورجعت ابها

وجيت اعاير الزيت حصلته ناقص

موترك مافيه الا العافية لا يحد يضحك عليك

طبيعي ياغالي المكينه الي عندك كبيره والنقص فيها مابين نص علبه 
حتى علبه نصيحتي لاتلعب بالسياره وتلخبط فيها اي شيء
والعامل اكيد لقى نص علبه ويكبر الموضوع لك ماعليك منه
استمر ولو النقص زاد عن علبه 4000كيلو وقتها على اقرب
ورشه خليه يشيك على الموتر كامل

اول شي كم ناقص ؟ اذا شي بسيط عادي  
واذا ناقص اكثر من علبه ودايم ينقص معاك عندك مشكلة
يا من نوع الزيت ابو كلب ولا عندك  تهريب زيت من الصوف
او ترشيح من الوجيه اذا مافيه اي تهرييب عندك 
او مشكلتك من نوع الزيت وان شاء لله مكينتك مافيها شي 
بعد ماتشيك وتتأكد مافيها تهريبات غير نوع الزيت مع السيفون
وسجل عندك وقت تغغير الزيت وصفر عداد الزيت وشيك بعد فتره
اذا ناقص شف كم ماشي عليه ومن متى مغيره وكم ناقص 
وكذا تقدر تحكم على سيارتك فيها شي ولا لا وماتدري يمكن تظبط 
وماتنقص ويمكن شي طبيعي بهالموديلات النقص بسيط 
اسأل اللي معاهم نفس سيارتك وتأكد نفس الكوامري اغلبها تنقص

تأكد من لزوجة الزيت. وما يحتاج تغير عند بترومين غالي على الفاضي

ممكن اللي باعك السيارة هو أصلاً عند آخر تغييره ما كمل الزيت يعني نقص علبه ما صبها في المكينة لا توسوس وامش على الزيت وعند التغيير القادم شيك قبل ما تحرك من البيت لبترومين ولا تثق في أحد عند موترك خل ثقتك بالله ثم بعينيك

اذا كان نقص الزيت بسيط ربع علبه نص علبه فلا تخاف طبيعي 
اذا كان النقص كبير مع السفر مثال من الطائف الى اارياض تحصله ناقص علبتين
ارتفاع حراره تتعداى النص في السرعات العاليه اذا مشيت 140 وفوق 
هنا لازم تفحص المكينه فحص كامل 

الله يعطيكم الف عافية جميعاً

بالنسبة لنوع الزيت ما اعرفه لكن بترومين عارفين موديل السياره والمفروض يستخدمون شي مناسب لكن ما ادري وش نوع الزيت

تنصحوني اغير عند اي سي ديلكو؟؟ 

وبالنسبة للحرارة فما ارتفعت ابداً حتى كنت على خط سفر قبل اغير الزيت ولا ارتفعت
فاستغربت لو كان ناقص الزيت اكيد بترتفع الحراره،،،

و عليكم السلام
ملاحظة مهمة انتبه لها
الجمس من 2000 الى 2006 اذا حطيت زيت ثقيل
راح تجاوب طرمبة الزيت فلا تحط الا زيت خفيف فقط حتى لو مبوش 10-30

مراكز تغيير الزيت المعتمدة فايدتها ان الضمان ما يروح عليك. دام ان سيارتك قديمة فهذي المراكز ضياع فلوس على الفاضي

ايه نعم ضمانهم ماينفعك ولا يدعمك ابدا لان سيارتك قديمه انصحك تروح اقرب بنشري وتحط له زيت بترومين الترا سفن 
او موبيل اي نوع تبغاه منهم ممتازين بالاستخدام ويتحملون مسافات عاليه وحرارات عاليه وماتنقص ابدا
يكلف العلبه 15ريال عاد شوف كم علبه والسيفون روح اقرب فرع لقطع غيار الامريكي وخذ سيفون حق 4تغيرات وشوف 
كيف موفر مبلغ  وقدره لنفسك
بالتوفيق

عندنا جمس 2002 وكاله.. ماشي 300 الف مكينته نظيفه 

وصافيه جدا بس تنقص كل ثلاثه الاف كيلو علبه تقريبا

وبدون دخان ابد ... زيادة تبخير مع العمر وطبيعي

اخوي شاري  سياره وبترومين يحطون زيت علئ كيفهم ولاتدري عنه مايصير كذا لاسمح الله يمكن يحط لك زيت ماهو مناسب وتروح عليك المكينة وتجينا هنا تدور ورشة توضب لك انتبه 

أصحاب الجموس أبعدو عن زيت 20w50.
عبي 5w30أو 10w30.

يااخوان عندي تاهو 2008 ينقص علبتين كل 5000 ك والموتر ماشي 100 الف كيلو.
ولافيه تهريب ولاتبخير ولادخان ولا اي حاجه وقوه الماكينه 87 % تعبتر ممتازه .
بس هبل فيني النقص ولاعرفت له حل ولالقيت اجابه مقنعه ابد .
والزيت بترومين 30w50 .
اللي مر عليه هالموضوع تكفون يفيدني لو برساله عالجوال والله يحفظكم ويبارك بعماركم .
ج/0534471444
ولكم تحياتي