أضف سؤال أو موضوع جديد          

محتار واريد منكم الرأي والمواصفات

up 7 down 1
naifx2209 67
قبل 9 سنه و 2 شهر



السلام عليكم ...

اخواني انا معي الا سعر 120 الف ريال من وكاله يعني ابي اطق شي وكاله بهالسعر 

انا استفسرت ولقيت ان الكابرس ltz v8 وكاله بـ125 وهذا سعر مناسب لي لكن الناس تقول خرابات ومدي ايش
دخلت في راسي سيارات ثانيه قريبة من السعر مثل :
1- كابرس ltz v8 
2- اكورد
3- اوريون

انا ابي شي فخم وسريع بنفس الوقت علما اني مني راعي دعس يعني اذا تعديت 140 زين اللي جرب الكابرس
ومهو راعي دعس يعطيني رايه هل فيها خرابات ونفس الشي بالنسبه للسيارات الثانيه

ادري طولت وقلت قصة حياتي لكن تحملو لي اسبوعين محتار







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحتي اكورد حلووووووووه


up 2 down 1
البرنس 2006 2085
قبل 9 سنه و 2 شهر



انصحك بالخيارين 2-3 بالتوفيق


up 0 down 0
درب المودة 186
قبل 9 سنه و 2 شهر



الكابرس عزززز بس ياخي خوفك من شيئين

شكله يتغير بعد كم شهر ويطيح كرت الشكل هذا

وياخي مدري اسمع الكثير يشتكي من اعطال الكابرس من ناحية الحرارة وهذا اللي يكرهني بالامريكي


up 1 down 0
YASSER505 4174
قبل 9 سنه و 2 شهر



الاكورد شبابيه ولكن يميزها صناعتها والكابرس افخم ولكن ماتمسك سعرها وخرابات


up 1 down 0
البرنس 2006 2085
قبل 9 سنه و 2 شهر



بخصوص الكابرس اذا انت انسان هادي فالسواقه
ولاتاخذ فيه مطبات وتهتم فصيانه فهو سياره ماعليها كلام
شكل روعه راسيه فالخط ومريحه جدا ماشاءالله بس تحتاج محافظ وهدواء


الاكورد حسب تجربتي انا سيارتي اكورد ٢٠٠٨ لها معاي ٥ سنوات تقريبا ماشاءالله تبارك الله
سياره من احسن مايكون تتحمل الكرف والكد اضمنلك ١٠ سنوات باذن الله ماراح تشتكي من شي
انا خلال فترت استعمالي لها مع العلم اني شاريها مستعمله غيرت فيها الفحمات مرتين وزيت وبنزين فقط ولله الحمد
وانصحك فيها بقوه


الاوريون
شاهد هذا الرابط
http://www.toyota4arab.com/forum/t246341.html


وموفق للخير يارب
واهم شي القناعه والاستخاره



up 2 down 0
بشوش 5096
قبل 9 سنه و 2 شهر



اكورد او تورس نص فل افضل شي  اما الريون ابعد عن شي اسمه تايوتا اذا انت بتستخدم 


up 2 down 2
princ 18873
قبل 9 سنه و 2 شهر



بشوش انا سواقتي هاديه لكن احيانا استلعن لكن يعني من ناحية مطبات ابد ماأخذ عليها من ناحية سواقه هاديه سواقتي لكن انا خوفي انه ماتكمل معي 5 سنين


up 2 down 0
naifx2209 67
قبل 9 سنه و 2 شهر



كابريس 2012 LTZ ماشاء الله تبارك الله عليه واذا بتحافظ علية وتشيك أول با أول خصوصا الموية والزيت وتتجنب المطبات

والحفر والحواذث راح يعجبك وغير كذا تجنب القومات والدرفت . عندك مثال شركة أرامكو مستخدمين الكابريس حاليا V8

يعني لو هي بطالة ما اشتروها من أصلة وغير كذا الشوارع مليانة بالكابريس وزين انك لقيت 2012 وكالة .

الاكورد حلوة جدا أمريكية اذا بتاخذ 6 سلندر ..

الاوريون استرالي مثل الكابريس ..... كانها كامري 6 سلندر. الله يختارلك الخير ويعطيك خيرها ويكفيك شرها .



up 4 down 1
مستر بن . 10377
قبل 9 سنه و 2 شهر



برنس : انا يوم شفت خرابات القير اللي ارسلها اخوي بشوش طلعتها من راسي لكن التورس ثقيل جدا وشكله الخارجي مايعجبنيى والاكورد فخم من داخل لكن الكابرس افخم 


up 3 down 0
naifx2209 67
قبل 9 سنه و 2 شهر



مستر بن : اعتقد ان اجابتك انت وبشوش هي الشافيه انا انسان اشيك ومني راعي درفت لكن يعني مره مرتين بالاسبوع ماتضر
صح ولا ؟؟ ومن ناحية مطبات ودعس مااخذ مطبات ودعس اخر حد 140 ومني راعي خطوط بعد يعني تقدر تقول محافظ 


up 4 down 0
naifx2209 67
قبل 9 سنه و 2 شهر



اتفق مع مستر بن وبقوه


رغم اني شفراوي الصراحه بدوون تعصب اكورد جوده وتحمل ويكفيك انها يابانيه 100%

ماتطلب قطع كثيره انصحك فيها 




up 1 down 1
ss 2007 1800
قبل 9 سنه و 2 شهر



انا لو منك ما اتردد اخذ كابرس وانا مغمض لان انا من عشاقه 
وكل واحد له سياره محببه في باله 
والواحد لاصار هاوي السيارة بياخذها ولا راح تطلع لك خرابات 


انا شريت لي كابرس 2002 جلس معي 5 شهور ماجاني ولا خراب ومن بعدها بعتها على واحد طول عمره يسوق ددسن واول مره يسوق كابرس وجلس معه اسبوعين وخرب القير 


up 2 down 0
عاشق الشفرر 925
قبل 9 سنه و 2 شهر



شوف انا باتكلم من ناحية الخرابات ومن كوني عضو باكثر المنتديات بعضويات اخرى (ليست نفس هالعضوية) اقل ناس تجي تشتكي لنا من اعطال السيارات هم اصحاب الاكورد يعني اذا جاء يشتكي يقول الدركسون فيه صوت علبة لدركسون تنقص زيت وهلم مجرا وتصليحها بسيط طقم اصلاح ومشي حالك وعليه انصحك بالاكورد والله اعلم


up 1 down 0
ماكسيما 2008 6744
قبل 9 سنه و 2 شهر



شف وانا اخوك اذا انت مقتنع من الكابرس خذه بدون تردد
لان عمر الشخص ماشاف عيب في شي هو يحبه
لاكن لو تاخذ سياره مو على ذوقك ومو عاجبتك لو بنشر كفر جلست تسب وتسخط فيها

وبخصوص الكابريس
انا كان لي صاحب معاه كابريس ٢٠٠٨ اس اس جلس معاه سنتين ونص تقريبا
ورجال ابدا مو محافظ حوادث وتفحيط وسباقات ولااشتكى من شي ماشاءالله
وبعد سنتين صار عليه حادث وقالوا الشركه تالف

ولي صاحب ثاني معاه كابريس ٢٠٠٥ التي زد
شراه وكاله والى الان معاه
وماعمره اشتكى منه زيت وبنزين وفحمات ويقول غير طرمبة مويه مره وحده
وغير كذا ماشتكى من شي
مع انه كان كل اسبوعين تقريبا يمسك خط ١٣٠٠ كيلو من الدمام للجوف
وكان يمشي طبلونه على كلامه
وسيارته ماشيه الان اكثر من ٤٠٠ الف
بس الرجال ماياخذ فيه مطبات على سرعه

وموفق ان شاءالله
انت صل الاستخاره وشف الي يريحك


up 0 down 0
بشوش 5096
قبل 9 سنه و 2 شهر



اانا لو منك اتوكل واخذ الاكورد قوة شكل كرف هيبه كلللللللل شييييييي وكل الي اعرفهم معاهم ذا النوع والموديلات القديمة ولاحد اشتكى الاكورد لحاله الكابرس 85 بالمية ذامين والبقية يمدحوها الاووريون ولاافكر فيها حبيبي اكورد واتوكل فرصتك وعندك بشوش وكم واحد استفسر من عن القطع وكل شي بس لاتفوتها والله طبعا الخيار الاول وااللاخير لك ومبرووك مقدما


up 1 down 0
ابو امااني 2067
قبل 9 سنه و 2 شهر



وبقولك شي كد مع سرعة لاكن تسخن السيارة ومهتم بالمويات وكذا افضل انك ماتاكل مطبات وحفر وذا حافظت ان شالله كلها تمشي معاك


up 1 down 0
ابو امااني 2067
قبل 9 سنه و 2 شهر



اذا انت محافظ زي ماقلت ترا الكابرس 100%
الى يذم بالكابرس تلقه حق مقومات ولا يهتم بالسيارة ولا عمره فتح الكبوت
انا خالي معه كابرس 2006 ماشاء الله ماقد سمعته اشتكي منه 
لانه دائما محافظ على الصيانة
ولو الاختيار لي راح اخذ على طول كابرس 


up 0 down 0
عاشق خيالك 4801
قبل 9 سنه و 2 شهر



جرب أفالون xl سعرها جيد وموديل حديث ..


up 0 down 0
patrol 4800
قبل 8 سنه و 3 شهر