رجفة فجاءه بالتاهو وظهور علامك تشك انجن

صارت معي بس ما طولت الرجفه وولعت لمبة ال check engine فحصت طلع حساس الشكمان غيرته تشليح ب 100 ريال وشغل يد 150 لأن مكانه صعب ( أقرب واحد للمكينة ) واختفت اللمبة والرجفه

حبيبي تأكد من نوع البنزين وانه مو مغشوش
هل عبيت بنزين خصوصا من محطة جديدة فبل الحادثة


صارت مع خويي بلكزس وصارت معي بشبح وكلنا كنا معبين من محات جديدة والحادثة من سنة والحمد لله زي اللوز سياراتنا وراحت من حالها

انتبهووووا وثبتوا على محطة ثقل

اخوي سعودي 07 انفك معاك مانع الانزلاق مثلي ؟ 
و ووين غيرت الحساس اذا انت من سكان الرياض

نفس كلام ابو ثامر 
بحثت لك في المواقع الأجنبية وواحد قال انه اشتغلت لمبة المكينة والتراكشن 
وراح للوكالة وطلع في وصخ في طرومبة البنزين سيارته شيفروليه ترافرس

مايحتاج تخمن وتدور

دام لمبه المكينه ولعت أي محل فحص يفحصها ويطلع له رقم الكود
وتقدر بذاك الوقت تأخذ الكود وتبحث عنه بالنت ويطلع لك تفاصيله

دام الموتر رجع طبيعي لا تسوي شي ، لاتغير شي وهو ماثبت الخراب على الموتر

من رأي دام الامور رجعت طبيعية لاتسوي شي وانسى
اما اذا تكررت المشكلة فلابد تفحص وتشوف