مشورتكم بالسفر بالسيارة

والله وانا اخوك ماعندي علم لكن ب النسبه تخاف يحتر عند الحدود هذا رابط بث مباشر لجسر الملك فهد تقدر تشوف فيه زحمه ولا لا

http://www.kfca.com.sa/infocenter#/livetraffic/

بمبلغ الاجار ذا صين موترك وزينه يمشيك شهور قدام افضل مانحطها بموتر ماهو لك والخرابات موجودة

سافر لين الشرقيه على موترك وخذسياره من الشرقيه عشان ماتنحسب عليك كيلوات زياده

أيام  الويك  آند أم الزحمة ادا تقدر في أيام الأسبوع سهالات  ساعه وانت داخل البحرين ياغالي بس الويك الله يعينك وتوصل بالسلامه أن شاء الله 

الجسر في نهاية الأسبوع زحمة الأفضل خلال الأسبوع انصحك 

و بالنسبة للسيارة فأضم صوتي للعضو بنز لوفر انك تصين سيارتك و تتوكل على الله فيها.  سيارات الايجار تكون مكروفة ما تدري وش جاها

وش ما جاها.  انا اشوف سيارتك اضمن

الايجار راح يكلفك وخاصة الاميال الزايده ضبط موترك وحاول تمشي بالليل والبحرين قريبه ماذاك البعد وامورها سهالات . اهم شيء السيارة باسمك وامس سمعت انهم منعوا أي سيارة تخرج الا باسمك او بتفويض من مالكها.

قطر لايوجد بها زحام لسفر غالبية الناس لاجزاتهم اما البحرين فلا علم لي بحالها اما دبي فلديهم زحام على مدار السنه.

وغالبية الجموس تحت موديلات 2005 تعاني من هذه المشكله بسبب المراوح المكيانيكه

بعكس موديلات 2005 ومافوق فقد تغيرت نوعية المراوح الراديتر الى مراوح كهربائيه فاصبحت الحراره لاتتعدى النصف ..

الحل للجمس تركب لها مراوح كهربائيه اضافيه قويه امام مراوح الوكاله
لان مراوح الوكاله من نوعيه مكيانيكيه قديمه تسمى الكلتش
بحيث لو انت ماشي بالخط الحراره تكون تحت النصف بشرطه .. لكن عند الوقوف ترتفع الى فوق الثلثين بسبب انها تشتغل عند الوقوف بكفاءه 30% فقط

وكنت اعاني مثلك بارتفاع حرارة الجمس سوبربان 2001
فقررت ان اركب له مراوح كهربائيه اضافيه من نوع سوبارو تشتغل بزر وضعته تحت مقود السياره

واصبحت حرارة السياره لاتتعدى الربع في جميع الاوقات

تقبلوا تحياتي / الثامنه مع داوود

أضم صوتي عند الثامنة و55
مع المراوح الكهرباء بس بحساس 

اخوي شف جيركو يركب لك مراوح كهرب شغل وكاله زي 2005 وفوق بقطع اصليه وسعره مناسب على جودة الشغل

ما انصحكم يا شباب من تجربة
جو دول الخليج المجاورة حر و رطوبة و سمس قوية
بذا الوقت من السنة و بتروح بسيارة تنطبخون بالحر

الافضل الطايف او الجنوب او اذا معزم
انتظر الى عيد الاضحى يخف الحر شوي
خل شهر 8 ميلادي يعدي بعد شهر و نص نصيحة للجميع

^^ اي والله صادق الجو سيئ جدا جدا 

رأيي من رأي الأخوان الجو الفترة هذي حر و غير مناسب للسفر لدول الخليج

سافر للجنوب اصررف لك براد يالله من فضلك 

سافر للجنوب أفضل لكـ ... وأرخص فندق في الليلة بـ 750 ريال والا تأخذ شقة مفروشة النظيفة اقل شيء بـ 250 ريال يعني حول الـ 1500 الى 2500 الخمسة ايام
وغير ان الاسعار مبالغ فيها بالنسبة لملاعي الاطفال وغير كذا الجنوب مافيه براد غير ابها بس وبعد الساعة 11 تقفل ويبدأ معاكـ الشباب سرعات وتفحيط وغيرها


للمعلومية انا جنوبي واعرف ابها وجيزان عدل

الله يعطيكم العافية جميعاً واحد واحد

اما بالنسبة للسفر للجنوب فالمسافة بعيدة جداً

وصراحة رحت مره مع اخوياي وما لقينا سكن ونمنا بالرصيف 
والسكن للعوائل غالي جداً يعني انا معي ٤ كبار و٢ اطفال
لو بسافر برا بيطلع ارخص لي
مشكورين ع تفاعلكم والله ييسر ويعين

ايجار جمس 10 ايام بيكلفك 4000 ريال. لو تحطها في الموتر احسن

انا باخذ سياره صغيره او متوسطه ٥ ايام بالكثير
يعني ما راح يتعدى ١٠٠٠ ريال