ما بين اللايك والدسلايك تساؤل وحوار بين الأعضاء
13
11
إضغط هنا للإخفاء
السلام عليكم ورحمة الله وبركاته ،،،
الأعضاء الكرام، أسعد الله أوقاتكم بكل خير ...
لاحظت منذ تواجدي في المنتدى منذ أكثر من ثلاث سنوات أن هناك تعمد لوضع اللايك و الدسلايك لمواضيع معينة وكأن هناك شبه إتفاق بين أعضاء المنتدى !
((( وخصوصا المواضيع اللي تجيب طاري اللايك والدسلايك ))) هذي راعيها الله يعينه وانا عارف انه بيجيني كمية دسلايك ولكن كل واحد وضميره. ويهمني إيصال
الفكرة أكثر من مردودها.
وتحليلي المتواضع للي جالس أشوفه في المنتدى ويمكن توافقوني عليه :
1- أي موضوع أو رد يطلب لايك ينصك بالدسلايك مع أنه ما طلب شيء مكلف علينا. ويمكن يكون محتاج لايك عشان يكتب موضوع أو يقيم ردود
والعكس صحيح اللي يلمح أو يصرح بعدم إعطائه دسلايك ما أقول الا الله يعينه.
2- في أي موضوع أو رد يمدح سيارة معينة أو ينتقص من سيارة ثانية يتم تقييمه بشكل شخصي أو بتحيز لماركة معينة !
3- فيه مواضيع لاحظت فعلا أنها تستحق لايك أو دسلايك بجدارة وتقييمها فعلا صحيح وتحسه منطقي وهذا المطلوب.
4- في الجهة الثانية في مواضيع عادية استفسار مثلا وتحصل كمية لايكات أو دسلايكات بشكل كبير وما أعرف وش السبب.
التساؤل اللي حاب أطرحه وأنا مو في محل إني أفتي ولكن هذي دعوة للنقاش ومن باب الدين المعاملة ومن باب أنتم شهداء
الله في أرضه ) فهذي دعوة لي ولكم بالشهادة بالحق وعدم مغالطة النفس واتباع حمية الجاهلية وعدم التقييم لأغراض شخصية،
الله أعلم ولكن إذا كنا مآخذين بما نضعه من لايك أو دسلايك ومسجلة علينا في صحائفنا يوم القيامة هذه الشهادات فوالله انها مصيبة !
أترك التساؤل لكم وأتمنى منكم الحيادية في الطرح وخلوكم صادقين مع أنفسكم من باب إبراء الذمم.
وأخيراً وجدت بعض الردود حول موضوع مشابه لهذا الموضوع انكتب في هذا المنتدى اقتبست البعض منها اللي حسيت انها فعلاً
أصابت الهدف مع حفظ الحقوق لأصحابها مشكورين:
1-
والله انا شخصيا لا اعير اهتمام للايك ولكن لو بغيت تنزل موضوع يستفيد منه الاعضاء وانت نقاطك بالسالب ماتقدر تنزل موضوع
والمنتدى مسوي هذه الميزه لكي لا يتمكن من مواضيعه وردوده لا تروق للاعضاء من تنزيل مواضيع غير مفيده
لكن يلي يقهرك فعلا عندما تشوف موضوع مهم وبعض الناس عاطينه ديس لايك
العضو: فارس الجبيل
2-
بصراحة لايك والديس لايك مسوي مشاكل بالمنتدى والادارة عاجبها هذا الشي على الاقل في شي اسمه تطوير ..!!
العضو: momez
3-
انا اشوف الموقع لو كان فيه تقييم اخضر فقط ( لايك ) اذا عجبه الموضوع بس او يطلع بدون تقييم يكون احسن على الاقل يصير نظام ( فليقل خيرا او ليصمت )
العضو: مطلوب سياره
هذا ولكم وافر الإحترام والتقدير والله يوفقنا وياكم للحق ويرزقنا اتباعه.
واللي بيردون أحذركم من الحين الله يعينكم على التقييمات اللي بتجيكم :)
إبلاغ
الردود
0
1
قبل 7 سنه و 8 شهر