أضف سؤال أو موضوع جديد          

تقرير امبالا 15 بعد استخدام سنه وممشى80الف

up 29 down 2
sultan-07 2431
قبل 2 سنه و 8 شهر



بسم الله الرحمن الرحيم
السلام عليكم ورحمة الله وبركاته
صبحكم/مساكم الله بالخير

اليوم حبيت اطرح لكم تقرير عن استخدامي للامبالا موديل 2015 LTZبعد استخدام حوالي سنه وشهر
وراح يكون التركيز على المشاكل اللي واجهتني خلال فترة الاستخدام كذلك تجربتي مع الوكيل (التوكيلات العالميه)

نبدأ بسم الله المشاكل اللي واجهتني وتم اصلاحها على الضمان..
1-تفتفه في السياره عند فتح غطاء التانكي لتعبئة البنزين..كذلك تأخر في التشغيل بعد التعبئه..
المشكله هذي ظهرت على ممشى 60 الف..توجهت للوكاله وظهر خلل في حساس للبنزين اسمه اذا ماني غلطان E-vap
والحمد لله تم تغييره على الضمان..سلمتهم السياره يوم خميس على نهاية الدوام واستلمتها يوم الأحد.
وشرحوا لي ان الحساس هذا غالبا يكون سبب تعطله وحده من ثنتين
أما بسبب التعبئه من محطات غير نظيفه..او التأخر في التعبئه حتى اضاءة لمبة البنزين.

2-على ممشى 48 الف تقريبا ظهر لي علامة في الطبلون (زيت المحرك ناقص) اهملتها وخلصت كم مشوار بعدها لاحظت تغير في صوت السياره وقفت على طول
وشيكت ع السياره..حصلت فيه تهريب من السيفون بشكل كبير..وقفت السياره واتصلت على خدمة المساعده على الطريق تقريبا الساعه 3 الفجر وارسلوا لي سطحه الساعه 7 
وديتها الوكاله وقالوا التهريب من السيفون ما كان راكب مضبوط..طبعا غيروه بدون نقاش مع الزيت وقتها جلست السياره عندهم يومين يفحصونها ويجربونها ويتأكدون من سلامة المحرك..
والحمد لله كل الأمور تمام الى الآن..

(طبعا خدمة المساعده على الطريق مجانيه مادفعت ولا ريال)

نجي للأشياء الاستهلاكيه اللي غيرتها 
1_فحمات اماميه على ممشى 75 الف سعرها من الوكاله 561.
2_طقم كفرات والمفروض ما احسبه بس علشان اوضح سعره..
غيرت الطقم على ممشى70 الف..طبعا الكفرات غاليه بحكم انها جنط 20 اسعار الصيني والاندنوسي والتايواني تتراوح مابين 400 الى 550 للحبه
الكوري وهو النوع اللي ركبته اسمه كومهو اخذت الحبه ب600
وفيه نوع كوري هانكوك يبدأ من 700 ريال للحبه..
بعدها تخش على انواع اصليه مثل مشلان وبرجستون والشركات الكبيره ما يتكلمون الا من 750 وفوق وصولا لل1000 ريال للحبه

ومن اصعب السيارات اللي استخدمتها في مقاس الكفرات
مقاسها245/40/20 
حاولت اركب ارتفاع اكبر 45 ماركب يعني ما تقدر تغير الا نفس المقاس..

هذي كانت تجربتي خلال السنه والحمد لله الأمور تمام..
______________
وحاب استفسر من اللي عنده خبره عن حماية النانو سيراميك جالس اسمع عنها الايام هذي كثير..وانا لون سيارتي 
اسود والصراحه متعب جدا في الغسيل..حاب اعرف اذا احد جربها من قبل او لا..
ووين اماكن تركيبها اذا فيه شركات متخصصه وشغلهم مضمون وسعرهم معقول
بحثت عنها في ابها والخميس لقيت ب2000 ريال ضمان سنه
ولقيت ب3500 ضمان سنتين بس ما اقتنعت لأنها شركات ماهي معروفه وتوها باديه..فاللي عنده خبره ياليت يفيدنا

وسلامتك جميعا









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يبارك لك في سيارتك 
والحمدلله مشاكلها بسيطة ومقدور عليها حتى خارج الضمان 
ولكن المشكلة الكبيرة في اللي ركب الفلتر لو لاسمح الله راحت المكينة 
وبخصوص الحماية اذا بتركبه فقط عشان الغسيل 
تراه يمسك غبار اكثر 
انا كنت كنت مركبه على واجهة السيارة وبعد الغسيل  بالكثير يومين الا هو مغبر اكثر من باقي البودي 


up 3 down 0
hussain4 830
قبل 2 سنه و 8 شهر



الله يجزاك خير يا حسين..
بالنسبه للحمايه اللي اقصدها ماهي الاستكر..
لااا..هذي ماده يرشونها على كل البدي تكون طبقه شبه زجاجيه
لا تمسك غبار ولا حكات ولا شي..
انا اشوف اعلاناتها لشركات كبيره مثل جيوشيلد وغيرهم لكن تعرف
كلام الشركات تسويقي اكثر من انه يكون واقعي..



up 2 down 0
sultan-07 2431
قبل 2 سنه و 8 شهر



الله يوفقك وان شاء الله يفيدونك الاخوان 



up 1 down 0
hussain4 830
قبل 2 سنه و 8 شهر



الامبالا هذي لو انها دفع خلفي
كان تحس انها كمارو 4 ابواب
و مشكلتها الاساسية هي و التوروس
قطع الغيار بالوكالة فقط لا غير



up 2 down 2
1405-1985 1174
قبل 2 سنه و 8 شهر



مشكلتها قطع غيارها غاليه مقارنه بمثيلاتها في الشركات الاخرى


up 3 down 1
العمري للعقارآت 340
قبل 2 سنه و 8 شهر



طيب ياصاحب السياره تنصح فيها مشاوير يوميه يعني تكون  مشاويري وسفريات 



up 1 down 1
لينكولن 2011 437
قبل 2 سنه و 8 شهر



ما شاء الله تبارك الله

هذي اللي كنت تبي تبيعني هي يا سلطان او غيرها ههههههههههه

بالله قولهم انك صديقي

بالنسبة للعضو لينكولن 2011

اكيد تنفع مشاوير يوميه و سفريات لكن لو تغير الجنط لحقت الستاندر اعتقد 18 بتطلع مريحه اكثر

و الكفرات تستهلك اقل و تريحك اكثر


up 3 down 6
عطني جبهتك -84
قبل 2 سنه و 8 شهر



وعليكم السلام

ماشاء الله والله يعطيك من خيرها ويكفيك شرها

المكيف اخوي هل هو ممتاز تبريده ولا؟؟


up 1 down 0
المنطق يقول 696
قبل 2 سنه و 8 شهر



لينكولن2011
أكيد انا استخدها بشكل يومي دوام ومشاوير خاصه وسفريات
لكن مثل ماقال لك عطني جبهتك اذا تهمك الراحه جنط ال20 لا تقربه
لكن انا صراحه عاجبني الشكل اشوفه افضل من ال19 وال18
__________
عطني جبهتك 
هههههههههههههههه ايه هي بس انت خبل تبغى تحولها تكسي هههههههههههه
وما تنفع لك ولسواقتك..نسيت الحفره اللي عند البيك هههههههه
_________
اخوي المنطق يقول
بالنسبه للتكييف ياخي ماني عارف اقيمه صراحه
انا في ابها وعلى الاجواء المعتدله عندنا مكيفها اعطيه 8من 10
فيه سيارات افضل منها مثل الاكورد والمازدا 
بينما رحت جده قبل فتره وقت حر كان التبريد ممتاز وافضل منه في ابها

اما بالنسبه للخطوط فممتاز جدا ولا يعلى عليه


up 2 down 0
sultan-07 2431
قبل 2 سنه و 8 شهر



تنصح لاحد يشتري منها فئه استاندر او نص ولا الفل اذا يبغاها سياره خطوط سفر واشغال داخل البلد


up 0 down 0
m7mas9 179
قبل 2 سنه و 8 شهر



سؤال يا غالي الحساس الي غيرته بالوكاله دفعت عليه شي ولا على الضمان حسبوه خطا مصنعي ؟


up 0 down 0
mr mansour 107
قبل 2 سنه و 8 شهر



انا قبل يومين كنت ف جده واغلب مشاويري ع التكاسي بسبب اني روحت مع واحد ونزلني هناك وعندي كذا مناسبه كنت بحضرها
نخش بالمفيد احتجت سياره عشان اقضي مشاويري والنيه كانت جمس بسبب عدد الناس الي يروحون معي لكن ما لقيت جمس
لقيت امبالا ستاندر6سلندر ما كنت ابيها لكن قلي الموظف الجمس ماهو فيه وماني فايق اروح لمكتب ثاني بحكم معرفتي للمكتب
والموتر ماشاء الله تبارك الرحمن عزززم بطريق الملك راعي اوبتما16 gt كان يحارشني والله يا اني شخمطته
انا حاليا اقنع اخوي ياخذله وحده بدل الكامري الي معه2016 اعوذ بالله منها
بس الي ودي اعرفه ي راعي الاعلان هل قطع الامبالا غاليه؟ شمعات وصدام وخلافها من قطع بودي


up 0 down 0
محمد حمدان هلال 12
قبل 2 سنه و 8 شهر



محماس خلنا نتفق ان المحركات وحده ولا فيه فرق
نجي لفئة الاستاندر كشكل ومواصفات ما تنفع
فيه فئه اسمها lt2تجي بانوراما وشاشه وكاميرا خلفيه وداخليتها 
حلوه وجنط 19 وسعرها معقول برضه بحوالي 115 اشوفها فئه
مناسبه كسعر وشكلها برضه مقبول
فئة الLTZهي الفل وممتازه لك اذا يهمك مواصفات وشكل 
في النهايه انت اللي تحدد وش الافضل لك
____________
منصور..
لا مادفعت شي صلحوه على الضمان


up 0 down 0
sultan-07 2431
قبل 2 سنه و 8 شهر



السلام عليكم 
يخوي كيف الجلنط معك لان كلها صارت زر هل واجهت مشاكل معها 


up 0 down 0
مجرد متصفح 65 163
قبل 2 سنه و 8 شهر



اخواني انا من مستخدمي الامبالا وصديق لي مستخدمها ولكن انا وهو استخدامات مختلفة وظروف مختلفة

بالنسبة لي شريتها وكالة ال تي زد ... وبعتها وهي ماشيه 23 الف .. وألى يومكم هذا ندمان قد شعر راسي إني بعتها

بالنسبة لولد خالي اشترى نفسي بالضبط لكن 2015 وانا 2014 .. بنصيحة مني اشتراها وإلى يومكم يشكرني على النصيحة

لكن قدر الله وصار له حادث بسيط تضررت الشمعة الخلفية للامبالا... قيمتها بالوكالة 3000 ريال

القطع مكلفة جدا جدا جدا ..يعني لو تبي تشتري سوي تأمين شامل

------------------------

بالنسبة للاستخدام العام

ما اعجبني فيها المقصورة الداخلية رحبة جدا وواسعة وتحس انك راكب سيارة المانية .. الابواب ثقيلة بالتسكير وعزل صوتي جبار

عزم قوي وراحة بالطريق ..انا اخذت جنط 19 .. وجميلة شكلها خصوصا الالوان الفاتحة تشوف الخطوط الانسيابية بالبدي

رحت فيها للشمال .. وكانت اجمل سيارة اقتنيها للأمانة .. سيستم صوت خيالي .. مداخل USB كاميرا تبريد تسخين مراتب تشغيل عن بعد ويشتغل معها المكيف

السيارة بكل امانة _ علامة شيفروليه بمواصفات المانية اوروبية بححححححححححححححححته

والسلام عليكم
----------

بالنسبة للنانو سيراميك تكلفك 6000 ريال لأن هي تتكون من 3 طبقات سيراميك ومسويها اخوي بسيارته ونفعت بنسبة 80 بالمية مع العلم ان سيارة اخوي لونها أسود

ويغسل سيارته بدون صابون .. مجرد موية فقط وتمسيح

وبالتوفيق


up 0 down 0
الاحترافي 1318
قبل 2 سنه و 8 شهر



بالنسبه للجلنط لا ابد ماواجهني فيه اي مشكله الحمد لله
بالنسبه لأسعار قطع الغيار فأنا للأمانه ما سألت عنها 
وان شاء الله لو حصل لي فرصه احاول اجيب تسعيره لبعض القطع
الاستهلاكيه وبعض الاكسسوارات..


up 0 down 0
sultan-07 2431
قبل 2 سنه و 8 شهر



كم قيمة حساس البانزين لان المشكله عندي الان و السياره برا الضمان


up 0 down 0
mashal60 100
قبل سنه و 10 شهر



كيف يتم الغاء تامين الابواب الخلفيه حق الاطفال ما لقيت زر في الباب


up 0 down 0
fahad-69-2008
قبل سنه و 6 شهر



اخوي في زر حق تأمين الأبواب الخلفية جهة السواق .... تحت ازرار الشبابيك


up 0 down 0
nescafe 54
قبل سنه و 5 شهر