تعديل ماليبو

المايبو ماشاء نشيطة وهي وكالة ماشاء الله فا مايحتاج تعدل
علية وتحوس موترك خلة بلد افضل لك

**ماشاء الله **

و عليكم السلام و رحمة الله و بركاته

الماليبو نشيطه ما شاء الله عزمها حلو ما يحتاج تسوي شيء

لو تركب قزوز و فلتر ما تستفيد شيء لابد برمجه ولا عندي علم فيه احد يبرمج ماليبو او لا

ولكن قد جربتها بالكابرس فلتر و دبات رياضيه ما فرق معي غير الصوت فقط

ولا استفدت غير بعد البرمجه فرق العزم بشكل واضح جدا

يعني لو تسوي برمجه فقط بدون اي قطع تستفيد اكثر

تعديل على دفع امامي ما ينفع
انتبه للقير لا تدعس واجد او تهمل تغيير زيته لا يحوسك

سبحان الله

عندي ملاحظه بس على الاعضاء

كل ما احد نزل موضوع قال تعديل او يبي يزيد قوة السيارة او يفك السرعة

قلبوا عليه ديسلايك

حسيت أني جالس بمجلس شيبان يا اخي كل واحد فينا له ميول و هوايه

ما قال بروح افحط او اقطع اشارات

يبي تعديل يعني ماليبو مثلا يعدل فيها بتكون بمستوى بعض سيارات 8 سلندر مثلا

او توصل لمستوى الامبالا لانها اضعف من الامبالا هي

ما راح تكون سيارة سباق

وين المشكله واحد يبي يقوي عزم سيارته بشكل معقول

لا ضايق الناس ولا شيء ما أدري وش التخلف هذا

المشكله أغلب الموجودين بالمنتدى أعمارهم بين 18 الى 24 قليل تعدا عمر 24 بالمنتدى هذا بالذات

و مسوين عاقلين ولكن أكتشفت أنه مجرد غيره و حقد ليش هو يعدل و حنا ما نعدل

عندك شيء أفيد الرجال ما عندك شيء و ما عنده نقاط ماهو شرط تقيمة بالسالب

ولا عاد يقدر يرد أو يستفسر عن شيء

كلامه عادي اذا قالك والله وين أماكن التجمعات و التفحيط او درباويه او شيء يشجع على سرقه او شيء

تعال سوي فيها و قيمة بالسالب على راحتك ولكن بسيارته و يحتاج زيادة قوة بسيطه تقلبون عليه

و لو أحد قال ليش ما يسمحون بالتظليل عشانه شيء على هواكم و رخيص كلكم لايكات

ما يخرب المنتدى الا بعض الورعان اللي يبي الناس تمشي على هواه ولا يعجبه الصح من الغلط

اذا لقيت احد يبرمجها عدل .. ما لقيت اسحب ع الموضوع نصيحه .. غير كذا انتبه للقير
مسأله انك تعدل بدون برمجه ترا تضر السيارة لانه بتقلب رتش "تغرق بنزين" واذا وصلت لتغريق بنزين زايد عن اللزوم ترا بتضر الشنابر وحالة ووو
غير كذا بينخصي الموتر
بالتوفيق

اذا تبي تجرب مع مواتر اقوى منك وتقدم مستويات طيبة
عليك بالتخفيف
فك الاستبنه
بنزين ع الربع .. ولو فيك حيل فك مراتب


طبعا بعض الاعضاء الحين بيجي يتفلسف ويقول ويعيد ويدسلك .. خذ راحتك يالبطل انت وياه

الماليبو ما انصح انك تعدل او تبرمج فيها لانها حساسة جدا في الكهرباء شوف ماشكلها باليوتيوب دامها سالكة معك خليها زي ما هي لانها لو خربت بتتعب فيها واجد

يعطيكم العافية جميعا ...

الي فهمتة ان الماليبو ما تتعدل الا برمجة و الاكزوس و الفلتر ما يفيد كثير !!

طيب لو برمجتة هل راح يتحسن مستواة بشكل ملحوظ بحيث يصير مستواها من مستوى فئات اعلا منها زي الافالون

و المكسيما او حتي الامبالا !!!؟

و اذا تعرفون اشخاص تبرمج بشكل مضمون ياليت لو تدلوني عليهم و ما عندي مشكلة اذا كان باي مكان بالسعودية

مستعد اتواصل معاة !!!

و اخير كم تكلف البرمجة اذا كانت على الداينو !؟

و بالتوفيق للجميع ...

شف اخوي انا اعرف كثير يبرمجون ويعدلون لكن على سيارات 8 سلندر ودفع خلفي فورد وكابرس وجمس لكن 6 سلندر ودفع امامي مدري بس ما انصحك تقروشك بعدين بالخرابات ولا اي حاجه والمكينة صغيره ماتتححمل ذاك الظغط ثم تبلش وتندم خل الموتر يشيلك وعزمها حلو مو مخصيه فخلاص م يحتاج توجع راسك لان حتى لو تعدل ما اظن تصف جنب الافالون والماكسيما

بخصوص الي يقول وش يفرق التخفيف 
شوف يالذيب
جيب كابرسين مثلا 
كلهم باستبنه وسواقين صح ونشاط صح 
تلاقي القيم بطل لين 220 مثلا والافضلية للي عشق صح وموتره ما فحط بالبداية 
خلنا نقول القيم حامي وكان الفرق نص سيارة 
لو الي ورا راح نزل الاستبنه والمراتب ومجهز السيارة صح صدقني لو عادو القيم بيقدم سيارة / سيارتين زي السلام عليكم 
يارجال احيانا حركات البعض يستغبيها هي الي تأثى بنتيجه السباق
والمنتدى ماهو منتدى قومات 
لكن اذا نفخت كفراتك مرررة يعني 40 او 42 التحفير يقل " مو دايما في كفرات ما تمسك بالارض الا اذا ارخيت الهوا ..  هي كذا مصممه " 
والدعسة من فوق
فك الشمعه مثلا
تنزيل الاستبنه والمراتب
الجهة الي تجرب فيها اسفلتها انعم من الجهة الثانية 
مسكة ذرى
وغيره كثير 

مرحباي شباب ياليت لو احد يعرف قروب ماليبو ودي انضم معهم الي يعرف ياليت يدلني اويضيفني

0503886616