وش افضل ورشة ميكانيكا وكهرباء في شرق الرياض

و عليكم السلام ورحمة الله و بركاته

وش مشكلتة سيارتك بالضبط فيها مشكله او بس مجرد فحص ما فيها ملاحظات

توني مشتري كابرس ، زر المرايا الجانبية لايعمل ، المكيف تكبيف القدمين اعزك الله مايعمل ،وشاك في بعض الاشياء الميكانيكية ، الموتر اذا مسكت الخط ماشاء الله لاقرقشة ولا اصوات لكن اذا شغلت وعشقت كان الصوت ماني مرتاحلة واذا عشق ريوس كان فيه تفتفة والله اعلم وانا جديد على الكابرس ولا اعرف شب عنه بس ابي اعرف ورشة ممتازة  من ميكانيكا وكهرباء علشان ماحتار لو بغيت اصلح اتوجه لهم على طول

زر المرايا ماراح يطلعه لك فحص الكمبيوتر و مكيف القدمين ما راح يطلعه بعد

يعني الكهرباء عندك سليمة و ممكن يكون مثبت المكيف للوجه هذا راجع فيه محل مكيفات يفيدك اكثر

المرايا ممكن الدينمو حق المرايه نفسها الفيوز استبعده لان ما عليه ضغط ما بيخرب

بالنسبة للتعشيق و التفتفه اللي تتكلم عنها ما نقدر نفيدك هل هي طبيعيه او لا ممكن تكون نسبة جدا بسيطه

ولا فيها شيء وانت تشوفها مشكله

و ممكن تكون فعلا مشكله ولكن الكهرباء سليمة عندك طالما مافيها شيء مع الخط

والله ياخوك الموتر مشترية من يومين وغالي ب١٨ الف ، البدي شبة وكالة لارش ولا صدوم واستبنة الوكالة مانزلت من الشنطة وكتلوجاتة معه  وحاس اني مغبون بالسعر اعلشان كذا حتى زر المرايا يضايقني وفيني وسوسة شوي 

والله 18 كانت تجيب لك 2007 نظيف

او لومينا 2008 فل كامل فتحه و جلد و تحكم مراتب كامل و شاشه

ولكن خلاص شريت وش نقول

ولو انه نظيف و لا تبي تبيع استخدمه بترتاح بإستخدامه مافيه مشكله ان شاء الله

احسن من تاخذ شيء بحدود 12 الف و تدفع فيه 5000 صيانه بالنهايه السياره لا تزال متفككه

يعني معك نظيف و متماسك الحمد لله لا تشيل هم السعر

و الاستبنه ما نزلت الارض ماهو دليل نظافه

جزاك الله خير ، عسى بالامر خيرة 

قبل أقل من سنة اشتريت كابرس 2005 فئة SS

اخذته بحوالي 22 ألف و غيرت له رديتر و طرمبة ماء و بعض الاشياء البسيطه كلف اجمالي 25 ألف تقريبا

رغم انه وقتها الجو كان بارد لكن الحراره ما تطمن لو استمر معي و جاء الصيف كان كل يوم واقف بالشارع

و كان جدا قاسي بحكم أنه SS

بنفس الوقت جربت LTZ نفس الموديل حق واحد من الشباب لقيته مريح بفرق كبير عن اللي معي

لدرجة سافرت عليه كم مره بالخط ما هو مريح من عامود الكردان و سعره غالي شوي

كان فيه هزه مزعجه حتى مرتبة الراكب اشوفها تهتز

الا لو تعديت سرعة 180 تروح و 180على الكابرس خطيرة و مكيف 8 سلندر موديل 2006 و تحت ماهو بارد

و حاليا معي لومينا 2008 مكينته نفس اللي معك 6 سلندر

2005 و طالع مكينه و قير نفس اللي بعدها بإختلافات بسيطه

و الحمد لله مرتاح لا حراره ولا اي مشاكل و مكيف بارد و مريحه الحمد لله

وانت لو واجهت مشاكل بالحراره أللغي بلف الحراره و ترتاح

الي شريتة منة كان ماخذة قبل شهر من شايب فاكة وكالة ، يقول من خذيتة  محافظ علية لاحرارة ولا مشاكل ومشاكل اي سيارة ترجع لاستخدام نفس السائق وكلام اشوفة مقنع ،، عندي نسيبي فك لومينا ٢٠٠٣ وكالة وباعها قبل سنتين ب٢١،٥٠٠ لكن شبة وكالة  

الجابري في الصناعيه القديمه اول اشاره تدوير اول فتحه يمين يجيك على اليسار بجانب ورشه الوفاء والجميح

جزاك الله خير 
واذا فيه بالنسيم او الخليج ورشة معروفة اقرب لي لاني ساكن بشرق الرياض

النسيم. شارع الحمزه.  

وانت جاي. من طريق الميه. 

ادخل شارع الحمزه.  

قبل الاشاره. على يمينك. ورشه. 

فيها كهربائي. وميكانيكي.  

لاتتوقع ان الفحص بيطلعلك المشاكل فقط سبق فحصت بطن الموتر لوجود اصوات طقطقه وتقريبا التقرير طلب تغيير

اغلب القطع اربع مساعدات وكراسي وركب ومسامير توازن وبعد دوران وتعب وسؤال طلع المحتاج تغيير ضروري

مساعد امامي يسار فقط والقطع الباقيه وان كانت تحتاج ففيها باقي عمر فأنت تنبه

وامس قريت عرض فحص كمبيوتر وميكانيكا ب99ريال بطريق خريص

استغفر الله واتوب اليه

جزاك الله خير ."، سبحان الله
وين مكان عرض فحص الكمبيوتر ب٩٩ ريال بالضبط؟

جزاك الله خير ابو عيدة
انا اشوف زيوت كانها ناشفة تحت المكينة 
ودي اشبك بطن الموتر للتلكد بعدم وجود اي تهاريب او شي مرتخي بالذات اني اروح حايل اسبوعيا وارجع 

معي نفس الموتر بالضبط مشترية قبل 6 شهور ب 15 شامل النقل والتامين وتجديد الاستمارة
فيه رش باب ورفرفين فقط والباقي وكالة
و فيه قطع استهلاكية لازم تتغير  وغيرتها،، وهذا حال السيارات المستعملة
وحسبتها ما تدخل في السعر لانها استهلاكية

ولا كملت 4 شهور الا ويصدمني باص في الزاوية اليمين الامامية
وبعدها بشهر حكني راعي دينا في الرفرف الخلفي يمين مع جزء من الباب
وما تنازلت فيها كل واخذت تعويض وصلحتها

هاذا رقم الاعلان 14763024

اواني صوت المراوح مزعج جدا 
هل هذا طبيعي بالكابرس ls  ستة سلندر 
واذا مو طبيعي وش اسوي؟

نزل مقطع للصوت او ودها للصيانه السريعه الجميح وخله يشيك عليها عشان ترتاح او دخلها ورشه وقله ابغى تربيط وش احتاج قطع وخله يفحص

بالنسبه للمراوح في طريقه الي هي فك الغطا للفيوزات الي بالكبوت وافصلها واذا طفت حرك مكان الدينمو اذا يتحرك عندك دينمو فيه مشكله وارجع اشبك الفيوز وشف تشتغل السرعه الولى وشغل المكيف عشان السرعه العاليه (فيه فيوزين) سرعه(1) وسرعه 2 غالبا مكتوب عليه (AC fan)