اختلاف اعطال السيارات عن بعضها البعض

37 43

لايمكنك التصويت حتى الحصول على 20 نقطة على الأقل
إضغط هنا للإخفاء

عطني جبهتك -84
قبل 8 سنه و 3 شهر

السلام عليكم ورحمة الله و بركاته

بالبدايه عندي طلب أرجوا منكم التكرم بالمساعدة فيه

العضو مدرس عاطل عضو له سنوات من بداية المنتدى عضو قديم

و بالنسبة لي الاعضاء القدامى هم الاكثر متعه حتى بمجرد قراءة أسمة

و نقاطة _71 ابي منكم دعم له

كل واحد يدخل صفحته و يحط لايكات على المواضيع و الردود مع الشكر مسبقا

اتمنى خلال اقل من ساعة يروح منه السالب و يرجع يشارك معنا

http://montada.haraj.com.sa/user/%D9%85%D8%AF%D8%B1%D8%B3%20%D8%B9%D8%A7%D8%B7%D9%84

من خلال الرابط

او اكتب ببحث الصفحة

مقارنه شبح

يطلع لك موضوع له سوي لايك و ادخل على موضوع اخر له و سوي لايك
___________________________________________________

موضوعي على السريع

اشوف بعض الاعضاء مثل ينزل استفسار عن تفته كابرس او لومينا

على طول يقولون له شيك على الكويلات بدون ما يعرف الموديل او كم سلندر

او احيانا يكون موضح مثلا انه 8 سلندر و يقول شيك على الكويلات وهو ما فيه كويلات اصلا

مجرد ردود تعبأة فراغات فقط دون خبرة كافيه

ما عندك معلومة أكيده ياليت تترك المجال لغيرك خصوصا ملاك نفس السياره عندهم خبرة اكبر

بعض الامثلة

لومينا و كابرس من موديل 2000 حتى اخر موديل

6 سلندر كلها جات كويلات

8 سلندر كلها جات اسلاك بواجي بدون كويلات
___________________

مثلا الفورد 97 و تحت تجي المروحه اوتوماتيك على المكينه ميكانيكيه

98 و فوق تكون كهربائيه على دينمو و اللاحظ بعض الناس يقوله غير او شيك على الاوتوماتيك

وهي ما يجي فيها اوتوماتيك اصل
______________________________________

الرجه مع الفرامل مثلا

بعض السيارت خاصه الكابرس و اللومينا و بعض انواع السيارات

مافيها مقصات فيها ذراع سحب و الرجه من الفرامل تكون من جلد ذراع السحب

و غيرها من السيارات تكون جلد المقصات منتهيه تسبب رجه مع الفرامل

ولكن كل الاعضاء ينصحون بتغيير الفحمات و خرط هوبات

طبعا بالبدايه تكون ناعمه الهوبات تمشيك اسبوعين شهر و ترجع الرجه

يعني حل مؤقت ولكن الحل النهائي هو بتغيير جلد اذرعة السحب

او جلد المقصات حسب نوع السياره
___________________________________

بعض الاستفسارات يكون احد عنده مشكله معينه بسياره معينه

يرد عليه واحد ثاني يقول حصلت معي و كانت من القطعه الفلانية و ضبطت

لكل سيارة اعراض مختلفه على نفس القطعه

مثلا كراسي المكينه للكامري الكرسي العلوي ما يسبب رجه ابدا لا بالوقوف ولا بالمشي

فقط ترفع رجلك عن البنزين و تدعس مره ثانيه تجي طقه قوية

اما كراسي المكينه للمازدا و الهوندا الاكورد مثلا

كل ما تزيد السرعه خصوصا بعد سرعة 80 تسمع صوت حنه المكينه اكثر و تجي فيها هزه واضحه

بينما بالدفع الخلفي مثلا

لو كراسي المكينه اصلية و مكسوره ما فيه لا رجه ولا شيء اللي يحصل

لو دعست اكثر من ربع الدعسة او نصف الدعسة بالقومة تسمع طقه قوية و تأخير بتبديل الغيار

الاول للثاني

اما لو كان الكرسي تجاري تكون فيه هزه مزعجه و السياره واقفه و بمجرد ما تعشق و تمشي

تتعدى سرعة 25 او 30 تختلف الهزة بشكل كبير و مع الخط ما يكون لها أثر

و الامثله كثيرة ماهو شرط اللي خرب عندك و سويته يكون نفس العطل بسيارة أخرى

حتى لو كانت نفس نوع السياره

عموما الموضوع على السريع كتبته

و أعيد و أكرر أرجو الدعم للعضو مدرس عاطل

https://www.youtube.com/watch?v=fKp23dd5t3A

https://www.youtube.com/watch?v=RsTzHA8BOFE

إبلاغ

الردود