أضف سؤال أو موضوع جديد          

المقالب مشكلللة

up 4 down 2
omar553 96
قبل 2 سنه و 7 شهر



السلام  عليكم  اخواني اعضاء موقع  حراج  اليوم  صارتلي  سالفة

ضيعت  مفتاح   السيارة  ورحت  نسخت عليه نسخة  

طبعا المفتاح مو مبرمج  بليزر 2003 

نسخت  ورجعت البيت رحنا طلعنا مطعم    

اطلع  من المطعم  دور السيارة  يمين يسار مافيه

شي    قال  واحد يمكن انسحبت انت موقف غلط 

ماتوقع انسحب شوي  نقول واحد يقول  والله  شكلها انسرقت

انا وقتها تغيرت  ملامحي الوجه صا ر   ازرق

صح  انها بليزر قديم  بس    سيارة تودي وتجيب 

وادق  ع المرور   وابلغ    السيارة  انسرق اول سوال  سالوني اياه

السيارة كيف كانت شغالة ولا طافية قلت له طافية 

قالي بتجي دورية النوقع وبعدها رح اقرب قسم  وبلغ 

شو  ركبت  مع  واحد   من  الشباب  والاخلاق  زفت كانت 

مشينا   الا شوي اشوف السيارة واقفة  واقله  وقف وقفهذي سيارتنا 

نزلت    افتحها  تفتح  وكل شي سيارتنا  شوي  الا واحد  يقلي مقلب 

مقلب  وش انت الله يهديك   بزر انت  

ركبت  ودقيت ع الشرطة قلت له  الغي البلاغ  السيارة 

الوالد اخذها وانا مدري  قلي  اها الحمدلله  عالسلامة ومبروك  رجعتها العسكري اخلاق  والله

وقلي انت احسن شي سويته انك  بلغت وخلاص  بلغيه للبلاغ 




طلع  المفتاح  الي  مضيعه  حقي الي هو النسخة الثانية مع  واحد من الشباب واخذ السيارة وحركها 

ونا  نسختي ال3  ماخذها من الاصلية حقت  الوالد 




الحين   بتاكد  انه  انلغا   البلاغ كيف ؟فيه  احد  يمديه  يعرف  بطريقة شي 


وانتبهو من المقالب  ماتجيب الا المشاكل










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله  بنيتي  بس  مالها داعي   والله  اني شوي كنت  بقل  للعسكري  بس 


انهم ماخذينها مزح  


up 2 down 0
omar553 96
قبل 2 سنه و 7 شهر



الاشكال زي ذي ما تنعطى وجه ابد 
الاحترام الاحترام الاحترام قبل أي شيء 

والله عمري ما صارت لي حركات زي ذي لأني أعرف من اماشي و أيضا يعرفو شخصيتي أني ما أقبل الورعنه ذي أبد 

لازم الواحد يكون شخصية و بحترم واضح انهم ما يحترموك مرره


up 3 down 2
rraammooss 959
قبل 2 سنه و 7 شهر



كان بلغت عنه وخليتهم يوقفونه كم يوم
وقل له وش رايك بالمقلب وانت تضحك
وشغل له ناصر القصيي مقلبتك يا ابوي.. 


up 5 down 1
meem34 182
قبل 2 سنه و 7 شهر



لو انا مكانك وسواها فيني لا امردغه الين ما يعض الارض لانو الفجعه مو زينه ويستاهل ما جاه علشان يبطل حركات الاطفال


up 1 down 0
احمد ال الشيخ 2020
قبل 2 سنه و 7 شهر



اذا انت من سكان الشرقيه خلنا نسوي فيه مقلب يحبه قلبك اخليه طول عمره يوسوس يمشي ويكلم نفسه :)


up 1 down 1
ابو سعود629 4656
قبل 2 سنه و 7 شهر



هذي حصيلة مقاطع اليوتيوب التافهة 


قبل كم يوم بنت  صغيرة مع ابوها قالت للشرطة انه خاطفها 


up 4 down 1
شرقااااااوي 653
قبل 2 سنه و 7 شهر



اصبر كم يوم ويطلعون لك قرار بمعاقبة اصحاب المقالب هههههه


up 3 down 0
chevrolet zr1 585
قبل 2 سنه و 7 شهر



صارت معي نفس طريقتك وبلغت وبعدها قالو مزح المهم خذيتها على كلامهم والغيت البلاغ
واقعد ورى خويي حول 3 شهور ابي مفتاح سيارته الا هو حريص بالمره لاني قلت بردها لك بس اصبر
وفعلا جاء يوم وتقابلنا في مقهى وجاه اتصال وانا قلت بروح دورة المياه ومن حظي طلع يكلم ومفتاحه عالطاوله
والله واخذ مفتاح موتره واروح للبقاله واخذ تونه حقت الفلبين في علبه واذا فكيتها تجيك 3 او 4 حبات سمك داخلها 
وانقص من الزيت حق التونه شوي واخبيها في الطبلون فوق الارجل وانتو بالكرامه
اول يوم وثاني يوم والله يالربع 3 يوم جاي لدوام وهو متلثم وفاتح القزاز الاربع وانا اضحك والعيال ماتو ضحك
نزل يشتكي والتونه اذا عفنت الله لا يوريكم هههههههه المهم سكت قلت بالله خلوه وهو كل يوم يشتكي الريحه تزيد
وراح دخلها تلميع داخلي ونظفوها له بحدود 200 ريال وراحت الريحه من المعطرات ثاني يوم ترجع الريحه ههههه لدرجة كان يبي يبيع موتره
وبعدها جلست اضحك واقول كيف الريحه معك وهو يشك فيني قلت اطلب لي غدا وابشر والله لا اشيلها وهو يتجنن وبعد ماطلبوني اخوياي علمته مكان التونه
بغى يتجنن حتى الله يكرمكم رجع من شكل التونه وريحتها وبعدها حلف ماعاد يمزح معي
انصحك بالتونه وخبيها في مكان وخله هههههههههه
والله ان يتوب يمزح معك


up 1 down 0
;كاسبر 949
قبل 2 سنه و 7 شهر



امردغ مين  يخوي        جبل ذا موب انسان    

كنت بمردغ بس خفت اتمردغ واتمقلب   وقتها  


اخوي  لابالرياض  بس عطنا الخطة والتطبيق عندي  


up 2 down 0
omar553 96
قبل 2 سنه و 7 شهر



مقلب ثقيل ودك الناس تمزح بس ماهو كذا


up 0 down 0
القشعمي -3
قبل 2 سنه و 7 شهر