زيوت الكابرس ارجو المساعدة

انصحك زيت الدفرنس لا تغيره,,

شيك عليه اذا ناقص زوده فقط.

وبالنسبة لزيت القير انصحك ترايستار او صيانة الجميح أي سي ديلكو قيمة التغيير عندهم في حدود 500 ريال مع شغل اليد طبعا..

و عليكم السلام ورحمة الله و بركاته

حبيبي انا اللي كلمتك بعد اخر موضوع لك بموضوع المراوح على الجوال

لا تغير عند بنشري شوف وين محلات اي سي ديلكو بالرياض هي تابعه للجميح

غير عندهم زيت المكينه و السيفون فقط

زيت القير و الدفرنس لا تغيرة حتى لو قالوا لازم غيار و قديم لا تغيره خصوصا الدفرنس

هذي نصيحة لك

و الزيت حق المكينه اي سي ديلكو 10w30

ما اعرف 2006 كم علبة ياخذ و لكن عندي اغير 7 علب موديل 2008

شغل اليد مع الزيت و السيفون كله 172 ريال

و لو عندك 6 علبة او 5 بيكون الحساب اقل

فروع الرياض

شارع الامير مساعد بن جلوي
مركز الملز بشارع الجامعة
مركز الروابي مخرج 15
مركز الازدهار طريق عثمان بن عفان
مركز البديعه طريق المدينه مخرج 28 الدائري الجنوبي
مركز الفاخرية شارع الامير سطام بن عبدالعزيز
مركز المروج شارع الخضار مقابل مدخل سوق الخضار الجنوبي
مركز المنصورة شارع البطحاء


هذي مواقع الفروع و اعيد و اكرر لك راح يقولون لك زيت دفرنس و قير لا تغيره

يقولون غسيل مكينه تنظيف بخاخات كلها كلام فاضي لا تسوي شيء غير زيت و سيفون مكينه فقط

و فيه عرض عندهم على زيت لا تاخذ العرض حقهم لأنه يعتبر اسوأ زيت لدى الفروع

خذ الزيت اللي قلت لك عليه فوق

كلام الاخوان سليم غير زيت المكينه 10w30 مع السيفون والدفرنس لا تغيره انا غلطت وغيرت زيت دفرنس فورد في بترومين ضحكو علي وقالوا تعبان غيره وغيرته واكتشفت انهم حطو اثقل زيت دفرنس الظاهر حقين الشاحنات يحطونه والسياره من يومها ثقيلة ومو عاجبتني ما كملت عليه عشرة الاف 

الا ووديته كويك لاين حق فورد وقلت لهم غيروه وفعلا غيرت وحطيت حق الوكاله حقته ورجع الموتر خفيف وممتاز ومشيت عليه فوق 40 الاف ولا فيه ونه ولا شي 

السلام عليكم
اذا ودك تغيير الزيوت غيرها لكن انتبه تكون محترقه او فيها ريحة طبعا هذا بالنسبه للقير - واذا الدفرنس تزويد فقط ولا تغيره الا اذا ضمنو انه ما بيخرب او يطلع فيه صوت

بحكم اني موضب بالجميح فرع الروضه هذا للقير بعد مامشى 60,000 قالو رح ايسي ديلكو وغيرت هناك الزيت للقير بوكس بس للامانه نصحوني اني اغيره عشان لا انساه - اخيرا انت لاتروح الا الصباح او بالنهار عشان تشوف الزيت ولزوجته وحط ببالك قيمته حول 1000 القير بوكس يعني
هم ما بيخسرون ابد انت الي بتسوق وسيارتك مهي سيارتهم

المكينه غير الزيت برا عادي مع فلتر الهوا او انفخه بس

كلام ابراهيم التركي على متمه اللي هو عطني جبهتك


زيت الدفرنس ناقص ينزاد فقط لا تغيره ، وما ينقص الا لو كان فيه تهريب سابق وابطى ما تمت معالجته


القير خله اذا الموتر توك شاريه وماتدري عنه راعيه الاول يغير بانتظام ولا لا ، يمكن تغيره ينهبل يفوت خله الكابرس غثيث


الزيوت الثانية يتشيك عليها فقط فرامل دركسون


التغيير لزيت المكينة فقط مع السيفون اصلي ( وكفى الله المؤمنين القتال )


وفقك الله

مسيت بلخير ياراعي الكابرس

الزيوت كلها تتغير زيت المكينه والقير والدفرنس شييك على وزيت الدفرنس انا غيرته والامور طيبه في جمس ٩٨
رح محطات اسيدلكو ولا الوكاله نفسها قسم الصيانه السريعه 
غير زيت بسيفون وزيت القير اسحب العيار حقه وشم ريحته اذا ريحته حريق ف هذا منتهي يبغالك تشفط علبتين وتزيد علبتين جدد عشان ينظف القير ويروح الزيت القديم وبعدها غيره بلفتر وتوكل على الله اما اذا كان ريحة الزيت زينه مافيه ريحه كريهه غيره والراي يرجع لك تبغا تخليه فتره وتغير او تغير عشان ترتاح 

وكلام الشباب ما اقول شي بس زيت القير يتغير سالفة انه مايتغير شف الصناعيه نصها مواتر ماتتغير زيوتها وتخبط والله يبارك لك في حلالك 

غير زيت المكينة مع السيفون .. وزيت القير شيك عليه قبل تغيره 

وباقي الزيوت زود الناقص وشف سبب التهريب وصلحه .. 

احيانا الحرص الزايد يجيب العيد بصاحبه.

بيض الله وجيهكم جميعا ماقصرتوا 
ومشكور يابراهيم التركي انت وكل الاخوان الي نصحوا 

زيت القير اذا تبي تغيره غيره علئ دفعات اسحب 2 لتر وعب مكانها وبعد كم اسبوع سو زيها لين تضبط معك بعدها غير فلتر

اخواني مشيتعلى الكابرس من الرياض لحايل وكنت معبي الراديتر وصلت حايل الا والحرارة اتش 
وش السبب ضنكم ؟ مع العلم ان قربة الراديتر النايلون الجانبية مشقوقة من زمان واعبي الراديتر الاساسي