مشكله في قير الكابرس 6نمر

هل تقصد التبديله 6 فيها مشكله او وانت ماشي بالنمره تجيك النتعه

ثاني شي كم لك مغير زيت القير

كم ماشيه السياره قبل ماتغيره

عموما الحساست حقت القير كلها في الوحه (الخريطه) يعني ماتقدر توصلها الا بفك القير = توضيب

انت حاول تمشي امورك لين يفوت مره وحده ووضبه بعدين ولا تشتري قير مستعمل ابد

الله يوفقك

شيك على الجلد الخلفية و كلها افضل

الاخ بايلوت مان

كلامك غير صحيح

كنت بقروب كابريس وفي كثير غيروا حساس القير (مخ القير) بدون توضيب

حبيبي الشغله عندك من حساس بالقير او بالكارتير حق الزيت

ولكن الفحص ما يطلعها اذا جيتهم و هي سليمة لازم يطلع تمشي بالسياره و تطلع الطقه و يطلع بالفحص وقتها

حساس القير يسوي نفس الشيء

اتمنى ان الواحد يتكلم بالخبره والاستناد اما عن طريق التجربه ولا غيره كل واحد يقدر يفتي من راسه اذا الحساس هذا يتغير من دون توضيب

والله لا اعطيك قير السياره تبعي لكن اما تتفلسلف ونت مالك بالسياره وتلقى من حقين حساس ب50 وبالاخير توضب ب 4 الاف وعلى الله

بايلوت مان 
حساس القير او مايسمونه شريحة القير مالها علاقة بالتوضيب الله يعطيك العافية التوضيب هو فك القير كامل وتغيير الكلتشات
الشريحة او الحساس او المخ  تركب اسفل القير تفك الكارتير والفلتر وتتغير طبيعي  وماتجي الا في قير الست نمر 
الاربع نمر مافيه هالشريحة يجي له حساسات لحالها تقريباً سعر الواحد ١٠٠ ريال  

اوكي انا معك صحح لي اذا كنت غلطان واعتذاري للجميع بس بوضح تسمحلي

الان المخ هذا الي تتكلم عنه كم سعره انت عارف ولا اعلمك

ياخي الشريحه هذي هي القير لان القير يعتمد على الكهرباء بنسبة خل نقول 50% وهذا افتراضا لكن لو بغيت تغير المخ بس ماتستفيد

بتفك القير كامل وانت تعرف اللوحه ما يتغير الحساس لها لازم يتغير الا اذا انت قد فكيته وتعرف وش تتكلم عنه

عموما انا موضب القير وكلفني (المخ) لحاله 3000 يعني اغيره ولا اغير كلتشات صعبه شوي اوكي بغير المخ بس!!

لاتنسى ان الفلتر والزيت والقاز كيت حوالي 1000 بدون كلتشات مع شغل اليد 2000 ريال

المجموع 6000 ريال

مخ قير هل غيرت فلتر القير الرايش يقفله ويسوي ذي الحركة بعد

اخ بايلوت 
الحين اذا فيه مشكلة في القير لا سمح الله اكثر الورش يقول لك توضيب وينفض لك القير يغير طقم كلتشات كامل من شركة ديكسول ولا ترايستار يجي طقم كامل مكمل فيه كل قطع القير من وجيه وكلتشات وصوف حتى الفلتر تقريباً سعره ١٤٠٠ 
ولا تصدقه اذا قال لك بوضب قطع اصلي لان الاصلي كل قطعه تنباع لحالها وصعب تجميعها هذا اذا حصلتها في الوكالة كاملة غير السعر 
ومع طقم الكلتشات راح يغير لك الشريحة اللي يسمونها المخ عشان يضمن انتهاء المشكلة ويتجنب الدخول وياك في المشاكل وسعرها ٣٠٠٠ ويبي لها برمجة بعد التركيب بحدود ٥٠٠ ريال
يعني لو حسبتها ١٤٠٠ + ٣٠٠٠ + ٥٠٠+ ١٠٠٠ شغل يد  راح تطلع مقاربه للسعر اللي انت ذكرته هذا اذا البروانه او البطيخة سليمه 
ولكن موضوعنا عن مخ القير وانا خوك اذا فيه خلل فهو يتغير لحاله ولا يحتاج ينزل القير ويفرطه عشان يغيره 

انا اعلمك السبب

الي يقول توظيب هههههههه عشان كذا سمو الكابرس .. 

لانك جاهل للاسف

اخوي اقل اعطال تتوقعها قير السته نمر عكس الاربع 

الا هوات التفحيط والدرفت هذول ودك تضرب مكاينهم مو قيورهم وفوق هذا مايجيهازشي لانه قوي

عموما السالفه ان الزيت بارد وقت ماتحمي موترك في حاجه بالقير اسمها جلدة توزيع جهد القير هذي تسوي زي التوزيع حسب حرارة الديت

ان شاء الله متاكد انا انها تطلع معك وقت التشغيله الاولى وتختفي معك حسب دعستك لعلمك في واحد استرالي مشهور يحب الكابرس تكلم عنها بشرح له باليوتيوب

يعني طبيعي وهذا بنفسك قلتها انت شيكت وكل شي جديد

اما عقليات الي يقولوك توظيب صراحه مالم العماله يوم تسرق وتنهب جيب السعودي الدفيع

واذا كانت ماتطلع وهي جديد بالبدايات عشان احتكاك القير تطلع وتصير مستقبليه وكل القيور ممكن تسوي كذا عندك الجنسس ١٦ 

التعشيقه الثالثه يدفع معك تقول احد يدفك 

السلام عليكم
اخ
hussain4

انت ما تقتنع الا اذا تشوف بعينك انا عندي اسعار القطع بالفواتير وولعلم ماخذ فيها خصم 25 بالميه يعني ادري كم قيمة القير مفكك كامل

واذا بتلقى التشليح مخ للست نمر زين عشان توفرررررررررررررررررررر

اما الي ماساق الكابرس (كباس) وراكب كوري ولا ياباني ويتفلسف هذا معذور لان السياره ماصنعوها الا لاشخاص فاهمه النوعيه هذي من السيارات

في الختام تقبلو تحياتي

الله يهني سعيد بسعيدة

اشكر الجميع على الرد بالنسبه للزيت انا منتظم ع تغييره كل 40 الف المشكله تواجهني امام مطب او حفراذا كنت ماشي وجيت اهدني تتطلعلي النتعه