أضف سؤال أو موضوع جديد          

الفرق بين قيادة السيارة و الوقوف

up 21 down 89
عطني جبهتك -30
قبل سنه و 11 شهر



السلام عليكم ورحمة الله و بركاته

أولا فيه 2 أعضاء البارح تفلتت عليهم و غلطت عليهم أحب اعتذر منهم

العضو pilot man و الثاني ما ادري وش اسمه

قرأت ردودهم على السريع وانا أسوق بالسياره و تفلتت عليهم

و بعد ما رجعت البيت رجعت أقرأ الردود بروقان لقيت كلامهم عادي مافيه شيء

لكن فهمته غلط فأعتذر منهم
_________________________________________________

الموضوع الرئيسي

عندي بعض التساؤلات أجاباتها عارفها ولكن مستنكر هالامور

ليش اذا كنت ماسك خط بالليل واحد رايح جاي يحصل عناد بالنور العالي

و حتى لو مره مرتين و قصرتوا النور كلكم اذا السياره الثانيه قرب منك

يعرف ما لك مجال تعميه يرفع النور العالي

ولكن لو كنتوا ماسكين خط واحد مجرد ما تسقط عليه مثلا و يكون مشغل النور العالي

يرخي النور بدون ما تنبهه ولو ناسي تعطيه اشاره يرخي النور

يعني لأنكم بخط واحد يعرف انه ماله مجال للهروب او وش المقصد

الشيء الثاني العناد اللي يحصل و السيارات تمشي تبي تطلع مخرج مثلا او شيء

تدق اشارة اللي جنبك يحاول يتجاهلك ما يفتح لك مجال او يدعس معك

ولو كنتوا بتقاطع مثلا لانكم شبه متوقفين يكون اكثر اخلاق و يعطيك مجال

ليش لأنكم واقفين يعني يخاف تنزل عليه او ليش ؟؟

ليش ما يحصل العناد بالانور لو انكم واقفين داخل حاره او بمواقف مول او غيرها

تجي قدامه تطفي النور يطفيه هو حتى لو كان مشغل نوره و تعطيه مره اشاره يقصر النور

ليش ما تكون اخلاقه هذي حتى بالخطوط السريعه

او لأنكم واقفين نفس الشيء يخاف تحصل مشكله

نجي للنقطه الاهم الاكثر اخلاقا على الاطلاق

تمشي على رجولك انت وواحد و قربتوا من مدخل مطعم او سوبر ماركت او اي باب

ما يعاند معك مثل السياره يحاول يدخل قبلك و يضايقك

تحصله بالعكس يعطيك مجال و يقولك تفضل و يبتسم بوجهك هههههههه ليش يا أخي ليش

ما عمري شفت 2 تعاندو مين يدخل المطعم اول العناد فقط بالسيارات

طيب كلها مثل بعض ممكن تعاند بالسياره حتى لو يخاف يتضارب معك يمكن يصدمك

المهم ما ادري وش قصتهم يمكن المشي يزيل التوتر مثلا ههههههههه تفسير وحيد

احصل تصريفه للناس المهايطيه
_____________________________________________

موضوع رئيسي آخر

رجاءا أصحاب هونداي لا أحد يعلق أقرأ وانت ساكت و أطلع و شكرا

عندي ملاحظات على بعض الاسئلة بالمنتدى او خارج المنتدى

يجيك واحد يسأل عن سيارة معينه يكون توه شكلها متغير

مثلا عشان اصحاب هونداي ما أعور قلوبهم

مثلا كامري 2016

يجيك يسأل وش رأيكم فيها من ناحية الخدمة و التحمل

معروف السيارات كل ما يتغير شكل تتغير قوة صبرها و تحملها عن الشكل السابق للأفضل أو الأسوأ

فكيف سيارة 2016 تحكم عليها تتحمل او لا و شكل جديد

خاصه لو كان الاستفسار عن هونداي سوناتا او النترا

يجونك اصحابها بالتعزيز على الفاضي

يقولك انا سيارتي 2016 و كارفها و متحمله

و أمس العضو BMW z4

يقول معاه النترا 2016 الدفعه الثانيه

طلع من المدينه للجنوب و رجع و السياره تمام لا حراره ولا شيء

اذا سيارة 2016 تقول سافرت ما ارتفعت الحرارة فهذا أبدا ماهو مقياس

طبيعي ما ترتفع الحراره و تسافر و ترجع بدون مشاكل و بدون حتى ما تفتح الكبوت تشيك عليها

و البعض يقول مثلا استخدمت فرضا سيارة معينه بموديل مثلا 2013

و ماشيه معي 80 ألف ما غيرت غير فحمات فرامل و زيت

يا أخي حتى 80 ألف تعتبر جديده باقي ما تحتاج صيانه ولا يمديه شيء يخرب فيها

المشكله يقولك كارف السياره وهو تحصله يخاف عليها أكثر من صحته

برأيي سيارة ما تحكم عليها الا بعد 200 ألف كيلو

بغض النظر عن الموديل سواء 2010 ماشيه 200 ألف او 2014 مشيتها 200 الف

او حتى موديل 2007 مثلا بنفس الممشى

اذا وصلت 200 ألف تعال قولنا وش الاعطال اللي واجهتك

البعض تحصله ما غير شيء ممكن مسامير توازن و جلد عامود توازن

يعني كلها على بعض 400 ريال قيمه و تركيب

و البعض ماشي 200 ألف تحصله احتاج مساعدات و كراسي مساعدات و ممكن جلد مقصات

و اشياء اخرى استهلاكية و هو تحصله محافظ هنا اقولك والله السياره ما تعتبر خدومه

و تجي بعض الاستفسارات يقولك مشاويري كثيرة وامسك خطوط

ساكن بمكه وادرس أو اداوم بجده

كلها 80 كيلو و تقول امسك خطوط و ابي سيارة مريحه و مع ساهر و أمن الطرق ما تقدر تعدي 120

و تقول ابي سياره مواصفات أمان و عزل و راحه و تتحمل

و المصيبه الكبرى

الواحد يطلع سيارته جديده يحافظ عليها وهي كل القطع فيها جديده ما تحتاج لا صيانه دورية ولا شيء

اكرفها ما تقول شيء

و بعد 4 او 5 سنوات او اذا اخذ سيارة موديل 2010 مثلا

ما يطبق الكلام اللي كان يسويه مثل تغيير فلاتر او فلتر بنزين او اشياء دورية

مثل ما يسوي بالسيارة الجديده رغم انها محتاجه لعنايه اكثر من السيارات الجديده

فيا حبايبي لا عاد اشوف احد يقول سيارتي كارفها ماشيه 50 او 60 الف او سافرت ليها

ووصلتني الحمد لله سياره جديده تبيها توقف فيك بالخط يعني

البارح جاني اتصال غريب واحد اتصل يقول واحد عطاني رقمك بستفسر منك طيب تفضل

قال شريت كرسيدا اعتقد قال موديل 93

و راعيها يقول تنقص ربع علبه و راح الصناعية قالوا له تحتاج شغل يد فك مكينه حوالي 2000 ريال

غير قطع الغيار يعني تصفي على 3000

اقوله ربع علبه كل متى

ما يدري يقول أمس شاريها

طيب كيف الحراره قال الربع

فيها تدخين قال لا ما فيها

طيب ليش تدفع 3000 وهي سليمة

و اعرف ربع علبه كل 100 كيلو او كل 1500 كيلو فيه فرق

قلت لك بحكم عمر السياره لو نصف علبة كل 1200 الى 1500 كيلو اشوفه جدا ممتازة تعتبر

ولا تحتاج تخسر عليها يصير كل حوالي 2500 كيلو او اكثر تحتاج علبه

2500 زيدها علبه و امشي 2500 ثانيه و غير الزيت مره وحده

مالها داعي الخساير

ولكن البعض يركب سياره 93 او 94 يتوقع انها تكون مثل الوكالة

لو فيها نقص بسيط يعتبر عيب فيها او تبويش و هنا الخلل

مثل وقت ما شريت الشبح الوالد الله يحفظه قالي تصرف

قلت له 8 سلندر اكيد تصرف خاصه مع الدعس

قال لا تصرف زيت

قلت له طبيعي على موديلها تصرف حتى لو مافيها حراره ولا تدخين

عموما موضوع منوع

ولكن عندي طلب أخير

من اليوم و رايح رجاءا لا احد يحرج نفسه بالواتس او السناب يقولي ابي منك خدمة

تبي خدمه اخدم نفسك بنفسك بعيد خارج جده ادخل على الموقع تحصل فيه ناس يخدمونك بمقابل مادي

اما انا لا تحرج نفسك معي ولا تشغلني مهما كان طلبك سهل او صعب

من اليوم و رايح لا تتوقع اني برحب فيك و اقولك ابشر

يجيني طلب بالسناب او الواتس اصكه بلوك

يجيني اتصال احد يطلب بقفل الخط بوجهه و المعذرة من الان

اخيرا

سنابي للي يحب يتابع و لكن كل واحد يضيفني يعرفني بنفسه

تجي اضافه بدون ما يعرف بإسمه و اسم عضويته بعطيه حظر مثل غيره

iii34iii







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


العلبه ماتركب لانه 2009
و2012,2011 نفس الشي تركب
مدري عن 2013 تركب ضنك؟


up 4 down 2
pilot man -134
قبل سنه و 11 شهر



بدأت بإعتذار وكانت هذه مبادرة طيبة ، لكن خربتها بردك الأول ونسفت كل الإعتذارات والكلام الجميل وبيّن معدنك الحقيقي وهو انك فقير أخلاق وأدب .. هذا شيء ، شيء آخر هو انه مواضيعك مبتذلة وطويلة ومملّة ومالها داعي أصلاً ، والله ما فهمت شي
تحياتي


up 9 down 2
صخر منصري 60
قبل سنه و 11 شهر