أضف سؤال أو موضوع جديد          

اختلاف اعطال السيارات عن بعضها

up 19 down 43
عطني جبهتك -30
قبل 2 سنه و شهر



السلام عليكم ورحمة الله و بركاته

اولا هذا اخر موضوع لي ولا هي مثل المرات السابقه اطلع و ارجع

كنت اتسلى بالمنتدى و فاضي ما وراي شيء

ولكن الحمد لله هذا الاسبوع كسبت الدعوى ضد وزارة الدفاع و هي كانت لها 6 سنوات بديوان المظالم

و لا بكون فاضي بكون مشغول بحياتي اول بدون تعديل مهنه كأني مربط ما اقدر اسوي شيء

ولكن حاليا الحمد لله افتكينا

السبب الثاني كثروا الورعان بالمنتدى ولا يعجبهم شيء

يعني يبون الواحد يكون على هواهم

يعني تقولهم الواقع و اللي حاصل ما يعجبهم يبون مجامله و تمشي حسب ما هم يبون

عموما هو اخر موضوع و لا راح ارد اي رد على اي استفسار بعدها بالموضوع هذا او غيره

الموضوع

تتكرر الاستفسارات عن انواع مختلفه من السيارات و دائما الاعضاء يقولون حصلت معي

بالسيارة الفلانية و طلع المشكله الفلانية وهي تكون مختلفة اختلاف كامل عن السيارة المستفسر عنها

و راح اعطيكم بعض الامثلة

مثلا سيارة فيها رجه مع المشي لها اسباب كثيرة منها ترصيص او كفر محبل او اسباب اخرى

ترصيص او تحبيل كفر تجتمع بكل السيارات

ولكن لو الترصيص تمام و مافيه تحبيل الدفع الامامي قد يكون من العكوس

و الدفع الخلفي يكون من عامود الكردان

ولكن ما تقدر تجزم بأنه من العكوس او عامود الكردان

لان القير الاوتوماتيك تحصل المشكله حتى من بطيخة القير و رجه مستمرة

لكن يجونك كثير من الاعضاء يقول حصلت معي كفر محبل

والثاني يقول عامود كردان و متأكد من كلامه بعد

طيب الاسباب كثيرة و تختلف من سيارة لأخرى على اي اساس تكون متأكد بمجرد وصف بالكلام فقط

عندك مثلا رجه مع الفرامل

غالبا يقولك خرط هوبات

طيب يا حبيبي انا اتكلم عن نفسي اكثر من 18 سنه اسوق و سيارات اشتريها بنفسي

يعني ما ياخذها الوالد يسوي لها صيانه او شيء

ولا عمري سويت خرط هوبات ولا قد حصلت رجه معي من الهوبات

صحيح تسوي خرط هوبات ترجع ناعمه و تروح الرجه اسبوعين ثلاثه و ترجع

لانها راحت النعومه منها ولكن ماهي السبب الرئيسي

الهوب ما يخرب مع الوقت عمره يجلس 10 سنوات عادي بدون تغيير

لكن لو الهوب حار و جاء عليه مويه يخرب و تحصل رجه مع الفرامل

ولا يفيد الخرط لابد من تغيير الهوب

السبب الثاني حسب نوع السياره

بعضها من الاذرعة تسبب رجه قوية مع الفرامل

و بعض السيارات تحصل من ذراع السحب و بعضها من جلد المقصات

يعني تختلف من بين سيارة لأخرى

عندك مثلا التفتفه تختلف عن التقطيع و تختلف عن ضعف العزم

لكن الناس عندها تفتفه و تقطيع مثل بعض

مثلا السيارات اللي فيها كويلات ممكن التقطيع يكون من الكويلات

ولكن الكويلات ما تسبب تفتفه

ولكن المشكله من الجهل يجيك واحد ما يفرق بين الكويل و البواجي و يقول شيك على الشيء الفلاني

عندك مثلا الشفر كابرس ولومينا

6 سلندر تجي كويلات

8 سلندر تجي أسلاك بواجي بدون كويلات و هذا الكلام من طلع الكابرس موديل 2000 لحد الان

ويجيك احد يقولك عندك تقطيع شيك على الكويلات وهو ما يدري كم سلندر

و حتى لو يدري 8 سلندر يقول شيك على الكويلات وهو مافيه كويلات

يجيك ثاني يقول متى غيرت فلتر البنزين غيره افضل

اساسا الكابرس و اللومينا ما يجي فيها فلتر لا بالتانكي ولا غيره

و بعض الاستفسارات تجيك يقولك عندي حراره مع الوقوف او المشي

مثلا السيارة جمس موديل 2000

يقولون شيك على دينمو المروحه

وهو اصلا ما يجي فيه دينمو يجي اوتوماتيك للمروحه و مرتبطه بشكل مباشر بالمكينه

او العكس يجيك مثلا جمس 2010 فيه حراره او المروحه ما تتحرك

يجيك واحد معاه جمس قديم يقول اوتوماتيك المروحه شيك عليه

عرفنا معك جمس لكن الموديل مختلف ولا يجي فيه اوتوماتيك

او سيارة فيها المروحه ضعيفه وهي ميكانيكية يقولون شيك على الكتاوت حصلت معي

و المروحه الاوتوماتيكيه ما يجي لها كتاوت من الاساس

او احد يشتكي من حراره اي سيارة كانت

يقولون تسييخ رديتر و غير بلف الحرارة و تأكد من المراوح

وهي تختلف الحراره مع الوقوف هذا بالغالب يكون من ضعف المراوح

حراره مع المشي غالبا يكون الرديتر يحتاج تسييخ او تغيير

لكن اللي يجيك حصلت معاه المشكله و يقول حصلت معي الحراره و غيرت دينمو المروحه

و ضبطت طيب ماهو شرط نفس المشكله تكون عند غيرك

المشكله لو تعطي كل الحلول بالنهايه تحصل صاحب الاستفسار الدلخ مركب شبك زينه مثل وجهه

تقفل التهويه ولا يدخل الا هواء شيء بسيط للمكينه وهو ماهو داري عن نفسه ولا فيه حل

غير يرجع شبك الوكالة

و اشوف استفسارات عن بلف الحراره البعض يسأل يفكه او يغيره او يتركه

البعض يقول لو تشيله ترتفع الحراره و البعض يقول تنزل تكون دائما بارده

وهي تختلف من سيارة لسياره و من موديل لموديل

بعضها ترتفع و بعضها تنزل و بعضها تكون افضل من البلف

و بعض السيارات مثلا لها بلف حراره مختلف الارقام

يفتح مثلا على 65 هذا مستحيل الحراره تكون عنده 65 الا بالشتاء

اما بالصيف لو يركب 65 تحصل الحرارة تتعدا 95 عنده

ولو يركب بلف 80 تحصل الحراره 85

و هذا لأن البلف 65 ماله فائدة مجرد تشغيل السياره دقايق يكون مفتوح ولا يوزن الحراره

لكن عندك عقليات يقولك كل ما صغر البلف كان افضل و تنزل الحراره

هو حسب حجم و عدد سلندرات المكينه تختلف الارقام

عندك احيانا يكون فيه صوت طقطقه بالمكينه بعضهم يقولك طرمبة الزيت

الطقطقه احيانا تروح و تجي و بالغالب لو دعس بنزين تروح

هذا ما يكون من الطرمبة احيانا يكون من حساس الطرمبة وهو خارجي يتغير و تنحل المشكله

لكن يغيرون طرمبة ولا تزال المشكله و خساير بالفاضي

عندك ضعف العزم

بعض انواع السيارات كون من حساس الكام شفت او حساس الكرنك

و بعض السيارات من حساس اسمه حساس الصرقعه

و بعض السيارات او حساس الكرنك خربان ما تشتغل السيارة اصلا

و بعضها تشتغل لكن العزم ضعيف

ولكن الاجابات دائما مثل بعض ما يجاوب حسب نوع السيارة المعروضه

و يقول اخاف اروح الصناعية يعلبون علي السباكين هناك وش رايكم

ما يدري ان سباكين الصناعية بالغالب افضل من حلاقين المنتدى ههههههههههههههههه

عموما جاني شغل و بطلع كنت ناوي اسولف لبكرة

و لا راح اكتب اي رد بعد هذا الموضوع

بالنهاية

الاخت شاقح

وينك يا اختي ما نزلتي صورة العداد وهو 140 الف انفجرت الجبهه و تورطتي ههههههههههههههه

يلا في أمان الله

و اخيرا مقطع لموستينج مثبت السرعة و فقد الوعي و تورط اكثر

لو ان المثبت ماهو شغال و طلع برى الخط و حاصت فيه كان وقفت و خلاص او طفت

لكن مثبت السرعة ترجع تدز مره ثانيه و تورط

https://www.youtube.com/watch?v=l4vsMDCupio







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلام سليمم وبعدين اغلبهم يسال الي هنا على انهم بكالرويوس ميكانيكا وياخذ بكلامهم ي خي اذا مره تعقدت معك دخلها الوكاله فحص بس وتطلع لك المشكله وصلحها برا ولا الصناعيه فيها فنيين شاطرين 


up 1 down 28
غريب الدار١٣٢ 80
قبل 2 سنه و شهر



بتوفيق ي برهوم ♡



up 1 down 27
raeed.55 286
قبل 2 سنه و شهر



ابرااهيم


لاتصمل



خلاص الدراسه بتبداء



ونص البزارين بتتسحب اجهزتهم وينفصل النت




up 13 down 34
مدرس عاطل 30
قبل 2 سنه و شهر



تنسحب على كونك صريح واضح بالعكس اجلس شوكه بحلوق اللي مطفشينك

يا اخ ابراهيم انت تعرف ان الناس حتى في الطب تفتي هههههههههههه جت على السيارات

بالعكس انا من اللي يراقبون ردودك بصمت وكلامك صحيح الناس عندنا مشاعرهم رقيقه وتبي تطبيل

يارجال موعد مستشفى تأخرت عليه نص ساعه وصح انها تعتبر كثير المهم كلمت الاستقبال وكذا ولكن مافاد

رحت لم المدير من الكلام الحلو والتطبيل مشااااني اخ ابراهيم تك وجلس ولاتاخذ موقف يمكن يراسلوك ناس

او مضايقينك ماعليك اعز الخلق رسلونا الكريم ماسلم من الناس بتجي انت وانا بنسلم منها



up 5 down 30
لينكولن 2011 434
قبل 2 سنه و شهر



مدرس عاطل
هههههههههههههه وحنا نبلش بهم 


up 2 down 23
االخاالدي 3893
قبل 2 سنه و شهر



أزعجتنا بتطلع وبتغيب ولاشفنا شي
وش تنتظر ؟؟ إطلع والباب يوسع جمل
تدخل تسب وتقذف وتشتم ولاتحترم صغير ولاتوقر كبير
وتقول منتدى ورعان لازم تقول على هواهم ومايعجبهم عجب ؟؟
بالناقص طس غير مأسوف عليك


up 30 down 9
..original 187
قبل 2 سنه و شهر



التركي  

اذا صامل على الرحيل انصحك تطلب الحل من الرجال الي اخطيت عليهم سنين، بنسبه لي بحل واتمنى تسامحني اذا انا مخطي بحقك.




up 16 down 7
لائق8 -45
قبل 2 سنه و شهر



انا كنت اشوف التعصب الرياضي من اقوى التعصبات الاجتماعيه لكن الان اشوف تعصب السيارات بدا يطغى عليه حقيقه اراها في هذا المنتدى وكثير من المنتديات اذا ماكانت كلها وهي ان بعض الاعضاء يسب الشركه الفلانيه ويمدح شركة سيارته وكأنه يملكها وهذا غلط كبير حتى اذا في احد يستشير لأجل شراء سياره الاحظ كمية تعصب وسب وقذف وبعضهم يعطيك معلومات خطاء وتروح تشتري السياره بذيك القيمه وهي ماتسوى نصها 


up 5 down 3
ابوعمير الغامدي 28
قبل 2 سنه و شهر



بصراحه الموضوع طوووويل وممل خذ دسلايك يشق جبهتك

وهذي المره المليون الي تقول بروح وبعد يومين نشوفك متهاوش مع واحد.





up 13 down 15
لائق8 -45
قبل 2 سنه و شهر



لائق عندك انفصام بالشخصية شكلك 

ويابرهوم لاتطلع ياخي ماعليك من المبزرة 


up 5 down 20
blakman -1
قبل 2 سنه و شهر



احترم تحترم


وكفى .


up 17 down 2
عبدالعزيز العنزي40 19
قبل 2 سنه و شهر



موضوع ممل / باالنسبه لاغلب الاعظاء تعتبر عضو غير مفيد وخروجك غير مهم /


up 11 down 3
.ابوظافر -10
قبل 2 سنه و شهر



بالنسبة لي بابراهيم بكل صراحة وجودك مهم واستفدت منك واجد جزاك الله خير وودي انك تجلس 


up 3 down 16
ahamd9477 123
قبل 2 سنه و شهر



ابراهيم شكلك يوم قلت بزران جبتها ع الجرح هههههههه واضح ان عقولهم تنك اكثرهم 
الله يشفيهم 


up 2 down 14
غريب الدار١٣٢ 80
قبل 2 سنه و شهر



الله يهدي الجميع 


up 5 down 0
abdullah7326 74
قبل 2 سنه و شهر



يازقينكم معطيني دسلاك زعلتوا من الحق هذا حق انا اقوله الرجال مستفيد من خبرته ومواضيعه لاشفت منه الا كل خير على العموم ليت تهون عن قرارك وتجلس 


up 1 down 8
ahamd9477 123
قبل 2 سنه و شهر