أضف سؤال أو موضوع جديد          

ما نستغني عن آراء الأعضاء

up 7 down 4
1405-1985 1257
قبل سنه و 8 شهر



السلام عليكم و رحمة الله و بركاته

الأخوة أعضاء المنتدى الكرام


اللي عنده رأي أو خبرة من تجربة او معرفة من قريب أو زميل

محتاج موتر للخط للدوام بعد العيد
طبعا" مستعمل و المبلغ بين 20 و 25 الف
اربع او ست سلندر مالي بالV8
 و ضروري مثبت السرعة ما استغني عنه

لقيت هاليومين شفروليه ماليبو 2010
 اربع سلندر و فيها مثبت
نظيفة و ممشى قليل  و حادها راعيها ب23
( مواصفات خليجية مدري تدخل صيانة الجميح وقت الضرورة )
ابمر الجميح بكره اسأل عن الفحص و قطع الغيار و الصيانة

و سؤال مهم
((( كيف اتأكد من سلامة الايرباقات انها شغالة و ما طلعت
و تمت خياطتها و برمجتها وش يكشف لي )))))

السؤال كيف تجاربكم وش آرائكم بشكل عام عن السيارة

بالنسبة لي شفت مقاطع باليوتيوب
الاربع سلندر موديلات 2008 و 2009
القير 4 نمر و من 2010 القير ست نمر
( اذا معلوماتي خطأ صححوا لي )

قوة المكينة 170 حجم مكينة 2400
ما فيه تكييف خلفي لكن مهو مهم

السيارة عيبها نازلة بقوة ممكن تحك بالمطبات
لكن يمدحون راحة المراتب و راسية بالخط
و اظن جودتها افضل من الكابرس و اللومينا
مع ان قطعها متوفرة بشكل اقل بالوكالة فقط

و بشكل عام انا ابغاها استخدام سنة او سنة و نص بالكثير
ما عندي قدرة حاليا" على تقسيط الجديد
 عندي التزامات و ابوفر شوي



تحياتي للجميع








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب يالغالي
شفلك كامري امريكي وشف مواضيع اخونا الرفاعي
تجي سته سلندر ومثبت وارباقات وسياره عمليه وخدومه


up 2 down 0
االخاالدي 3891
قبل سنه و 8 شهر



لو مكانك اخذت اوريون 2008 او كامري ستة سلندر امريكي


up 2 down 2
al_orainy 54
قبل سنه و 8 شهر



حياك بالنسبة للكامري الامريكي الشهادة لله انه موتر
لاكن والله ال25 الف ماتجيبلك نضيف
خاصتا 2011 جمرك فئة LE اقل سعر مادون 35 الف
مستعمل برا الصالات ممكن تحصل 2009 ب28 الف استاندر
يعني الجمرك اذا مامعك 35 الف الى 40 الف لاتتعب نفسك
والكامري الامريكي الي يستخدمها مايبيعها الا بعد مايحللها
لذالك ابعد عن الكامري الامريكي المستخدم حلاتها على يدك جمرك
انا اقول بما ان الافالون متوفر اكثر من الكامري
شوفلك افالون 2006 امريكي ولا سعودي بتحصل ب30 الى 32
والافالون موتر بطل وشكل 2006 طيب


up 7 down 0
الرفاعي33 13762
قبل سنه و 8 شهر




الماليبو منظر حلو قويه نوعا ما لكن قطع غيارها الله لا يوريك فيها
غاليه بشكل ما تتصور وغير متوفره في كل مكان
وانت صاحب الامر الاول والاخير
واستخير ربك والله يوفقك.


up 2 down 0
bssam13 241
قبل سنه و 8 شهر



انا داري و الله ميزانيتي ما تجيب لي كامري نظيفة
و الكامري جربت اول 3 اجيال منها ما تصلح سفر دايم و خطوط
تحسنت من 2012 قير و مكينة و مواصفات 
فمالي الا ادور سيارة مهي منتشرة تكون ارخص و انظف
مازدا 6 او التيما قير عادي او ماليبو
فورد فيوجن ما ارتحت لها
و الله ييسر اللي فيه الخير للجميع

انتظر الاراء عن الماليبو الموديل هذا ....


up 1 down 1
1405-1985 1257
قبل سنه و 8 شهر



نصيحتي لك ابعد عنها وانا خوك
وانا مع راي العضو الرفاعي 100*/*


up 1 down 1
bssam13 241
قبل سنه و 8 شهر



الميزانية يا شباب 24 الف بالكثير
ابتسلفها من واحد و اردها له على سنة
كل شهر 2000
اللي بيسلفني زود يرسل لي على الخاص هههههه


up 5 down 0
1405-1985 1257
قبل سنه و 8 شهر



كيف ماتصلح خطوط انت جربت الكامري الامريكي 6 سلندر
حتى ال4 سلندر بطل من 2007 وفوق
الكامري الامريكي خاصتا 6 سلندر فل الفل
لو تستخدمها ادماااااان ان بغيت خطوط عقبات طلوع نزول
واثقل من السعودي في البدي رزينه وقطعها سيم سيم اوريون
ويكفيك في الفل ملغمه وسائل امان
ومن جربها عزالله ماعاد يبعد عنها
عموما ياغالي زي ماقلتلك عليك بالافالون 2006
او الاوريون 2008 الى 2009 بحكم انها متوفرة في السوق
اكثر من الكامري الامريكي
لان الكامري الانريكي المستخدم نادرتحصلها ونادر تحصل الي يبيعها نضيفه
الا جمرك والحمرك من 35 وفوق على حسب نوع المكينه والفئة


up 2 down 1
الرفاعي33 13762
قبل سنه و 8 شهر



عندي سؤال انت عندك تجربه فاشله مع الالتيما قير تماتيك
وخبط القير عليك السؤال هل غيرت فيها قطع استهلاكيه
خلال تجربتك لها؟اذا جاوبت على السؤال تقدر بعدها
تقرر تاخذ التيما قير عادي وﻻ ﻻ
اشوف مبلغك يجيبلك التيما نص نظافه او نظيفه ميزة الالتيما سعرها
يطيح بقوه وﻻتنسى انها قير عادي يعني محد يبيها
فرصه تاخذها بسعر طيب يراعيك راعيها


up 3 down 0
d7ooom777 456
قبل سنه و 8 شهر



تدري الالتيما مشت معي 220 الف
خلال 3 سنوات
غيرت فقط القماشات و سير مكينة و فلتر المكيف
و فلتر المكينة  و لحمت القزوز مرة
المكينة يشهد الله الحرارة على الربع ثابتة
من شريتها حتى بعتها
ما غيرت حتى ماء الرديتر و لا بواجي 
مكينة جبارة لكن قير الCVT غير قابل للتوضيب
و لو انها قير عادي كان استمرت معي الى يومنا هذا


up 3 down 0
1405-1985 1257
قبل سنه و 8 شهر



شف رقم الاعلان هذا
15689296
وهذا
15490726


up 0 down 0
d7ooom777 456
قبل سنه و 8 شهر



مشكور دحوم 
انا ادور موتر عندي بحائل أو بالقصيم
ممكن اروح الرياض باجازة اليوم الوطني
لكن زحمه مراكز الفحص  و غثى  و الغش واجد
و القير العادي غثيث لي 10 سنوات اسوق اوتو
و مهي بذيك الراحة الالتيما
الله يعين شغله المستعمل انحديت عليه


up 0 down 0
1405-1985 1257
قبل سنه و 8 شهر



والله  ياغالي الماليبو سياره توب لكن إذا كانت على يدك راح تخدمك اكثر سياره لكن مستعملة ماتسوى شي كل الشفر  نفس النظام 


up 2 down 0
ابوخالد-2 40
قبل سنه و 8 شهر



وانا معاي ماليبو 


up 2 down 0
ابوخالد-2 40
قبل سنه و 8 شهر



ماأنصحك فيها صراحة 
السيارة قليلة الانتشار و الوكلاء تعبانين وقبل هذا الموديل قديم بالنسبة للماليبو 


up 3 down 0
أبو راشد 33 876
قبل سنه و 8 شهر



الله يكتب لك مافيه الخير
بالنسبة للايربقات كيف تعرف انها مفكوكة أومفصولة
افتح السوتش حتى تولع جميع لمبات الطبلون وشف لمبة الايرباق شغالة أو لا
اذا مو موجودة فهذا يعني انها مفصولة ربما طلع الايرباق وتمت خياطته وفصل اللمبة
واذا شغالة خلاص شغل السيارة وانتظرثواني حتى تروح اذا ماراحت يعني الايرباق طالع

وسلامتك


up 3 down 0
أبو عبد الله 2 336
قبل سنه و 8 شهر



أنصحك تشوف فورد تورس موديل 2010 أو 11 أسعارها نازلة وتلاقي النظيف 


up 0 down 0
bloly 1159
قبل سنه و 8 شهر



ب24 ما اظن
ممكن احصل استعمال امريكي و ماشي كثير
من 30 الى 35


up 1 down 0
1405-1985 1257
قبل سنه و 8 شهر



الصراحة الماليبو ممتازة وعملية ، سبق وخذيت وحده
لكن انصحك كل فترة تشيك على عضلاتها وعطوسها وشيالاتها
لكن نصيحتي: الكامري 2008 أفضل
غيرت عليها,, والحين أمان وقوة والحمد لله
بصراحة الكامري سيارة خطوط بدون منافس


up 0 down 1
khalil99ss 91
قبل سنه و 8 شهر