أضف سؤال أو موضوع جديد          

هام بخصوص فلتر زيت اسي ديلكو و ضغط الزيت

up 23 down 1
مجيد1 198
قبل 2 سنه و 2 شهر



السلام عليكم ورحمة الله وربركاته

اخواني حبيت انبهكم عن شي مهم جدا وهو فلتر زيت اسي ديلكو  pf48 الي يركب على اليوكن والتاهو والكابريس والكمارو

انا اعاني من مشكلة انخفاض ضغط الزيت والموشر عندي تحت الربع واذا دعست يوصل الى النص المهم
غيرت طرمبة زيت وركبة طرمبه ضغط عالي ومافيه فايده وقعدت ابحث عن الحل لرفع الزيت دون فايده حتى اصحاب الورش مالقو لي حل وتركت السياره على وضعها

الي حصل اني جيت لبنشري هندي  وقلتله المشكله قالي مشكلتك يمكن من الفلتر!!!

طلعت منه وقعدت افكر بالموضوع وبحثت بالنت ولقيت شخص منزل موضوع عن تجربته لي توسيع فتحات الفلتر ويقول التجربه ناجحه 

انا قلت بغير الفلتر وبطلب فلتر من النت وقررت اطلب فلتر من شركة موبل ون لانه كان اغلا فلتر لقيته 

قبل ما اطلب الفلتر قعدت ادور فلاتر تركب لسيارتي بالبناشر بالصدفه لقيت انو فلتر الزيت حق اسي ديلكو فيه نوعين 

النوع الاول (الصوره الاولى) فتحاته صغيره جدا جدا وهو الي انا مركبه وبحت عنه بموقع اسي ديلكو الاصلي ومالقيته ولا موجود اصلن بنفس الرقم وانصدمت 

والنوع الثاني ( الصوره الثانيه) يجي فتحاته كبيره وبحثت عنه بموقع اسي ديلكو ولقيته موجود وقررت اركبه وماشاء الله تبارك الله الضغط حق الزيت رجع طبيعي 
وصار وانا واقف ربع ومع الدعسه فوق النص

خلاصة الكلام يا اخوان قبل ماتركب فلتر تاكد من الفلتر وانا صورته لكم وباين الفرق وواضح وحبيت اعطيكم المعلومه

وشكرا








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا عرف السبب بطل العجب

الشركة هذي وش فلحت فيه؟

بطاريات؟؟ افشل بطاريات تم انتاجها تحمل شعار هذه الشركة
الزيوت والفلاتر؟؟ حدث ولا حرج استخدام سيء جدا

أزيدك من الشعر بيت وتحذير أهم من تحذيرك

جميع صيانات إي سي ديلكو غير معترفه وغير معتمده من جنرال موترز ولا الوكلاء حتى الجميح نفسه وعمل الصيانات لديهم يفقدك الضمان


up 4 down 1
شماال 108
قبل 2 سنه و 2 شهر



اشوف من تالي حتى مساحات القزاز
قليل ما تحصلها بالمحلات
اكثر اللي يجيبونه نوع ماليزي و جربته ممتاز على الكامري
سألت العامل قال مهو مثل اول اكثر الديلكو قطع مغشوشة


up 1 down 0
1405-1985 1397
قبل 2 سنه و 2 شهر



يعني ياخوي صوره اول غير اصلي 
وثاني اصلي اللي فتحته كبيره 


up 0 down 0
mm.2015 150
قبل 2 سنه و 2 شهر



اخواني حنا مايهمنا من اصلي او مو اصلي بالموضوع الي يهمنا انو الثاني افضل للزيت وواضح انو الزيت يجيري به بشكل افضل وانا مجربه بنفسي 

موضوع اصلي او مو  اصلي انا ما ابي اتكلم فيه بس انا لما بحثت عن الاول مالقيته لاكن الثاني حصلته موجود بالموقع 

الي يهمنا في الموضوع الثاني افضل 


up 1 down 0
مجيد1 198
قبل 2 سنه و 2 شهر



الله يعطيك العافيه ياما ناس راحت مكاينهم واغلبهم غيرو الطرمبه ومشكلتهم نفس مشكلتك كانت ولا عرفو لها حل وعلى بالهم
مشكلة بالجموس عاميه واكيد دام القطعه الاولى غير وارده مغشوشه 100بالميه الثانيه دامها وردت صحيحه واصليه


up 0 down 0
احمد شريف 3194
قبل 2 سنه و 2 شهر



يعني الحين اذا طرمبة الزيت ضعيف و ركبت ذا الفلتر ماراح يخبط المكينة ؟


up 0 down 0
fowad 127
قبل 2 سنه و 2 شهر



خلك على فلتر الزيت الأصلي خذه من الوكيل واحرص على اللزوجه الموصى بها من المصنع اللي هي 
5W30 لأن اغلب مشاكل الجموس بطرمبه الزيت واذا اختربت راحت المكينه والسبب السباكين حقين البناشر يسوق لك الزيت عشان يمشي بضاعته 
فنصيحة لاتسمعون كلامهم أنا قرأت الكتالوج ومكتوب في مستطيل تحذير لا تستخدم زيت ذو لزوجه 20W50 والبنشري يقولك هذا أفضل مايحترق بسرعه اما الخفيف يصير مويه من راْسه يفتي 
ادري أني طلعت شوي عن الموضوع بس نصيحه للفائده وآسف على الإطاله
وكل عام وأنتم بخير 


up 1 down 0
al 3oomda 75
قبل 2 سنه و 2 شهر



اسعد الله صباح الجميع بكل خير 
اخوي مجيد انا شفت موضوعك وعندي فلتر في السيارة ماخذه من التوكيلات 
فتحته وشفت انه نفس الصورة الثانية  ورقمه PF48E 
والافضل ان الواحد يتجنب فلاتر البناشر مجهولة المصدر 
ولكن بتكلم في موضوع طرمبة زيت وانخفاض الضغط والقلق اللي تسببه للكثير 
ملاحظتي ان الكثيرين اذا نزل الامبير للربع او تحته بدأ يدور السبب  ومن ورشة لورشة وكل واحد منهم يعطيك مشكلة 
واحد يقول جلدة والثاني طرمبة 
انخفاض الضغط امر طبيعي اذا احترت المكينة 
الجلدة او الطرمبة  او ساعة الزيت اذا فيها مشكلة راح تسبب طقطقة اذا شغلت السيارة الصباح  او بعد مشوار طويل او يعيطيك في الطبلون ضغط زيت المحرك منخفض
او تولع لمبة الزيت  هنا اقولك انه فيه مشكلة في السيارة 
وغير كذا لاتخلي الامبير كل اهتمامك 
البعض بيقول اجل ليش حطو الامبير دام ماله فايدة
اخواني ماراح افتي له يمكن احد عنده معلومات اجهلها انا 
ولكن بحكم استخدامي للإسكاليد وله عندي ٥ سنوات 
وسييرا استاندر  وكلهم نفس المحركات الاختلاف فقط في سعة المحرك
الحمدلله ماني شايل هم ضغط الزيت لأن كل السياراتين من الاساس مافيها امبير ضغط الزيت ولو كان مهم ماكان خلو السيارة بدون امبير 


up 1 down 0
for speed 752
قبل 2 سنه و 2 شهر



حياك
موضوع جدا مميز الله يعطيك العافية
الصورة الااولى 6 فتحات وهو التجاري 
والصورة الثانيه 8 فتحات وهو الااصلي
وفعلا الفلاتر التجارية ياما تسببت بتخبيط كثير سيارات
لانه تتسكر الفتحات الخ 
وفعلا كثير من اصحاب التاهو واليوكن غيرو طرمبات زيت واحتمال
كبير انه من الفلتر 
واخير موضوع مميز 
وباالتوفيق


up 1 down 1
باترول 2020 2395
قبل 2 سنه و 2 شهر



طيب اغلب الكوابرس اللومينات يخبط المكينة بسبب طرمبة الزيت
و انا كنت احط 20 دبليو 50
وامس غيرت غيرت الى 10 دبليو 30 كاسترول علبة بيضا ب 20 مدري العكس المهم وش رايك في ذا الزيت


up 0 down 0
fowad 127
قبل 2 سنه و 2 شهر



انت اول من فين تاخذ الفلتر؟!!!


انا اشتريه من بالبيد ب 15 ريال ولا واجهت فيه مشكله مع ضغط الزيت


البناشر فلاتر مضروبه في علب تقليد الاصلي ولا تفرق بينها وبين الاصلي من الكرتون


up 1 down 0
asalami 2087
قبل 2 سنه و 2 شهر



يكون بعلمك الفلتر اللي بالصورة الأولى ماعاد تحصله وقفته الشركة وصارت تورد النوع الثاني لأنه الأفضل
وقليل تحصل اللي بالصورة الأولى بمحلات قطع الغيار لان الشركة وقفته


up 0 down 0
المناخ 621
قبل 2 سنه و 2 شهر



نصيحه نصيحه نصيحه

لا أحد يشتري فلتر زيت من البنشر مر على قطع الغيار وخذ لك فلتر أضمن لسيارتك وبزيدكم بعد فيه محل موزع لقطع غيار نيسان في بريده جيته بالصده باخذ فلتر زيت وكان مسوي اعلان خذ فلتر والثاني مجانا


up 0 down 0
inside 35
قبل 2 سنه و 2 شهر



بالصده= بالصدفه
لايفوتكم العرض


up 0 down 0
inside 35
قبل 2 سنه و 2 شهر



من الوكاله الحل الأمثل  


up 0 down 0
abufaiz305 -2
قبل 2 سنه و 2 شهر



من الوكاله الحل الأمثل  


up 0 down 0
abufaiz305 -2
قبل 2 سنه و 2 شهر



الافلتر الاصلي الاول والدليل داخل الفلتر حديد والفلتر الثاني في الداخل بلاستك مع الحررة الزيادة يتكسر ويتلف المحركه
هذا السبب المنطقي


up 0 down 0
اكترواس
قبل 10 شهر و 2 أسبوع