وش الحل للاصوات و القربعه للتاهو 2012 ؟

نقص الهوا ف الكفرات الى 30
وحاول تسوي تنسيم للقزاز اذا توقف ف الشمس 

اول شي وش نوع الكفرات اللي انت مركبها فيه انواع قاسية ?

ثاني شي مثل ماتفضل الأخ صوت الأرض ضغط هواء الكفرات شوف كم الضغط المناسب المكتوب في الباب وعاير عليه

الطبلون ماله حل الا انك اذا وقفت السيارة تحط لك شماسية عن الشمس

لازم تسمع قربعه تصنيعه كذا
الديكور كله كلبسات

كفرات قوديير جنط 17 والضغط 35 ولا زال فيه قربعه انا ابغى اعرف السبب و اصلحها 
واذا فيه ورش تضبط هالشي دلوني عليها الله يعافيكم

اذا لقيت حل علمنا يا أخي

ديكور الطبلون عيب مصنعي دايم يتكسر غيره وحاول  يا انك تركب فرش على الطبلون مع ان شكله معتوه 
او تحط سجاده يوم تسوقها بالشموس وإذا وقفت تحط شماسيه وخل ضغط الإطارات 32
وبالتوفيق 

اذا انك بجده فيه واحد اندونسي ممتاااااز جداً شغله ديكورات في صناعيه الجوهره 
ورشه الغامدي 

قريت موضوع عن واحد راح الوكاله يستفسر عن نفس المشكله وفي الاخير ركب نوع من اللزقات اللي تجي بين الباب والبودي وخف الصوت اما الطبلون ايضا وجدت واحد كاتب موضوع يقول انه حط مرهم مثل فازلين في الاماكن اللي تصدر صوت بس عيب هالطريقه ان بعد فتره لازم ترجع تحط والله اعلم . والسيارات هاذي وغيرها مصنوعه على اساس انها تستخدم في ازفلت زي العالم مو مثل اللي عندنا اللي حتى السيارات الالمانيه واليابانيه صارت تتعب معه 

شوف نوع كفراتك يمكن حتى لو تطري الكفرات تجي قاسيه خصوصا إلي تجي ترادوير حقها فوق الأربعميه.
ثاني شي الجمس إذا كان إستخدام أمريكي لازم له قربعه ليش مدري أتوقع عشان التفكيك إلي يحصله في الجمرك.
ثالث شي ركب كفرات الترادوير حقها بين 220و350تجي ألين شوي مع شوارعنا الرااااائعه.
الجودييروالجنرال قاسيه حيل

ورشة المنصور في الرياض
في شي اسمه تضمين
يسوونها اهل القنص بعد ما يطامرون في مواترهم كل سنة
ولا تسمع ولا صوت بعد ما يطلع من الورشة

الحل إنك تتعايش مع الوضع لأن أنا نفس موترك وعندي نفس المشكلة حتى مع تخفيف هواء الكفرات
حاول ترفع صوت الراديو