أضف سؤال أو موضوع جديد          

استفسار عن امبالا

up 6 down 6
f2016m 78
قبل 5 سنه و 4 شهر



لسلام عليكم ورحمه الله وبركاته
يالربع انا ناوي على شرا امبالا جديد اصفار
فأتمنا من اخواني اللي سبق لهم وجربوا الامبالا يفيدوني
بمميزاتها وعيوبها
واكثر مايهمني
استهلاكها للوقود
عزلها
قساوتها مع الحفر والمطبات
جودتها

وارجوا اللي عنده معلومه سمعها من شخص من الناس
لايذكرها لان المجربين راح يفيدنا اكثر والله ولي التوفيق
طبعا باخذه منتهي بالتمليك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك يالغالي انا عندي امبالا 2014 وماشيه للحين 130 الف اداوم عليها كل يوم 120 كيلو السياره حلوه وانا اخذتها وانا متخوف لان لي تجربه سابقه سيئه مع الشفر بس الصراحه تغيرت نظرتي بعد الامبالا مميزاتها العزل ممتاز حتى على سرعه 240 العزل جيد اللي عندي جنط 19 سمعت ناس تشتكي من القساوه في جنط20 طبعا فيها مواصفات كثره وعزمها قوي مره عيوبها انا اعبي 95 واحسها تصرف بس انا رجلي حاره والمكيف ممتاز بس احيانا لو طولت الوقفه يخف تبريده بالنسبه للجوده اشوفها ممتازه انا للحين ماغيرت فحمات بلادها اخر فحص قال باقي فيها 25 في الميه وانصحك تستاجرها قبل تشتريها وبالتوفيق اخوي


up 10 down 1
alramadi2008 495
قبل 5 سنه و 4 شهر



معاي فل كامل
ماأزيد على كلام أخوي الرمادي : بشكل عام السياره ممتازه وحلوه وأنيقه وناعمه وعزم ماشاءالله

جنط 20 دعسته رياضيّه والمشكله في شوارعنا تعبانه حسبي الله ونعم الوكيل..
لكن مع الخطوط والشوارع الممتازه ماتسمع صوت..

ينقصها حسَّاسَات أماميّه و كذلك مشكلة الرؤيا الخلفيه ومع الجوانب صعبه شوي بحكم حجم المرايا الصغيره وحجم السياره كبير
لكن مع خاصية النقطه العمياء في LTZ ممكن تتلاشى المشكله بنسبة 60% تقريباً

لاتنسى الأستخاره أهم شيء
وبالتوفيق


up 1 down 0
naif30naif 36
قبل 5 سنه و 4 شهر



مشكورين باذن الله الاحد جاي رايح للوكالة


up 1 down 0
f2016m 78
قبل 5 سنه و 4 شهر



الاخوان افادوك ماقصروا..
وللفائده اكثر ادخل على عضويتي بتلاقي تقريرين عن الامبالا ان شاء الله تفيدك
___________



up 2 down 0
sultan-07 2445
قبل 5 سنه و 4 شهر



بالمعارض LS 2016 على 88 مع التأمين ب90
بالوكالة السعر اعلى من 95 بدون تأمين


up 1 down 0
مثقف سيارات 1144
قبل 5 سنه و 4 شهر