أضف سؤال أو موضوع جديد          

أين أجد فحص و صيانة هيدروليك الجمس ؟

up 1 down 2
رحـ العاصفة ـيل 102
قبل 5 سنه و 2 شهر



السلام عليكم ورحمة الله
كل عام وانتم بخير عقب الزحمة :)

يا اخوان لي فترة ابحث ع ورشة بالرياض فاهمين في هيدروليك الجمس وفحصه ! الى الأن ما لقيت ناس تفهم فيه .. كلهم احتمالات
احتمال السبب من المساعدات الهيدروليك الأمامية
احتمال من جهز الهيدروليك الخلفي
احتمال مساعدات الهيدورليك الخلفي ضعيفة

جمسع الأحتمالات انا عارفها اصلا من غير فلسفتهم .. ولكن من يعطيني الحل الصحيح فيهم ؟ (( لم ينجح أحد ))
رحت جدة لأني سمعت ناس كثير يتكلمون عن راكز صيانة جدة !! لقيتك ياعبد المعين تطلب حد يعينك لقيتك يا عبد المعين تبي حد يعينك .. جدة فشل فل كامل في الصيانة والفحص

وقريبا باذن الله بروح الشرقية أعتقد عندهم خبراء افضل .. ولكن مجرد اعتقاد لا اعلم الغيب . هذا حكم أن اهل الشرقية افضل ناس في تعديل السيارات بشكل رهيب

انا حاليا في الرياض
اتمنى الي له معرفة بورشة معينة ومضونيين لا يخل علي

المشكلة :
عند تشغيل السيارة يظهر صوت الهيدروليك وكأنه يرفع السيارة ! والسيارة فاضية مافيها الا انا ووزني 71 يعني مانيب عائق هههههه
في السابق لما كنت اركب السيارة ووزني كان 98 كان يشتغل الهيدروليك فترة ما تتعدى 4 ثواني .. ويسكت يعني فترة تشغيل السيارة ولا هوب دائما ! يعني نقول مرة في الاسبوع احتمال تكون بسبب منحدر او اني راقي الرصيف عند باب البيت وهذا له دور .. يعني ماعتقد وزني له دور
(( سببي لي نفسيه الهيدروليك هههههههه نزلت وزني عشانه ههههههه ))

الأن يشتغل الهيدروليك وانا عند اشارة واقف او توني وقفت عند باب البيت وقاعد اتصفح اوراق معي واسمع الصوت ما يوقف الا بعد 7 الى 12 ثانية

صرت ماعاد اعطيه وجه .. اسمع الصوت واروح واتركه يطرطر اقلقني واهملته
قبل امسح مسافر من الباحة الى الرياض وحملت عفشي بالسلة الخلفية واشوف السيارة نازلة .. يشتغلولكن لا يرفع السيارة مثل قبل

هذي سالفتي مع الهيدروليك
ولاحد يقول لي غيره عادي .. انا شريت السيارة عشان الهيدروليك من الأساس لأن السيارة بدون هيدروليك ما تسوى بالنسة لي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكلتك في تنسيم هواء

اذا نظامها مثل الفورد بالون تكوت المكشله غالبا منه

واذا مساعد بنظام ضغط تحصل المكشله منه او من التوصيلات الرابطه بينه وبين الماطور

صلح المكشله قبل يحرق عليك الماطور وتتضاعف عندك المكشله والتكلفة...


من ناحيه ما ودك تحوله لعادي فهذا من حقك ولكن الشوارع عندنا ما ترحم

ان فكرت تحوله لعايدي في مقطع امريكي يحوله لمساعدات عاديه ويعلمك خطوة خطوه مع طريقه برمجه النظام عشان ما يطلع لك اشعارات... والشغل وكاله وما احد يسويه في السعوديه


up 0 down 0
asalami 2180
قبل 5 سنه و 2 شهر



هذا رابط التحويل الى عادي


https://youtu.be/v_2GtXT4_NE


up 1 down 0
asalami 2180
قبل 5 سنه و 2 شهر



وعليكم السلام 
اخوي اذا شغلت السيارة طبيعي تسمع صوت كمبروسر المساعدات يشتغل ثواني ويطفي 
وفي اي سيارة جمس تاهو اسكاليد هذا نظام السيارة
بعد كذا مايشتغل الا اذا زادت الحمولة في السيارة او طلعت رصيف ومالة السيارة  
ثاني شي لمعلوماتك المساعدات الأمامية مالها علاقة في الارتفاع والانخفاض لانها كهرباء فقط ومالها ليات مثل الخلفية 
انت مشكلتك فيه تهريب هواء وهذا اللي يخلي كمبروسر المساعدات يشتغل كل شوي 
وماراح تطلع المشكلة عن المساعدات الخلفية أو ليات الهواء الخاصة فيها 
شيك على المساعد الخلفي تحصل فيه مثل البالون لونه اسود في النص ممكن مقطوع وينسم 
او الليات يمكن شي منها مكسور ولا مفصول 
واذا شفت ان شغلتك مطوله افضل لك تفصل الكمبروسر مؤقتا عشان لا ينحرق عليك لأنه يشتغل الحين على الفاضي 





up 2 down 0
hussain4 854
قبل 5 سنه و 2 شهر



المشكلة عندك في المساعدات الخلفية
إذا ما ودك تصلحها الآن لازم تفصل الفيش تبع ماطور الهواء قبل ما ينحرق عليك


up 1 down 0
عبودي-aboode 94
قبل 5 سنه و 2 شهر



روح لورشة الطائر بالصناعية القديمة
مخرج 17 قريب من شالنجر
محترمين وشغلهم زين

الله ييسر لك أمورك


up 1 down 0
الابداع التقني1 165
قبل 5 سنه و 2 شهر



جيب مويه وصابون وامسح علا البالونات اذا فيها تنسيم غيرها اغلب الظن منها هي اللي تضيع الهواء


up 2 down 0
عادل الانصار 107
قبل 5 سنه و 2 شهر



انا عندي نفس المشكله كان عندي الماطور حق الهواء يشتغل بزيادة 
ولقيت البالونات متشققه وغيرتها جديده والحين اذا حملت عفش معاديرتفع 
غيرت حساس الارتفاع ونفس المشكله مايرتفع ونشبان فيه الحين مالقيت ورشه ممتازه


up 0 down 0
عادل الانصار 107
قبل 5 سنه و 2 شهر



اذا احد دلك علا ورشه في جده ولا مكه تكفى علمنا السياره فورد فكتوريا


up 0 down 0
عادل الانصار 107
قبل 5 سنه و 2 شهر



asalami
يعطيك العافية اخو قلبي .. بس مثل كا قلت وانا اخوك سيارة بدون هيدروليك ما تنفع ولا بريال
هذا الكلام بحكم تجربتي وعارف المساعدات العادي والهيدروليك بحسب تجربتي لكذا سيارة من قبل .. بس الي مثلي تارك السيارة بالبيت مخصصة للعائلة والسفريات احتاج الهيدروليك اكثر


hussain4

https://www.youtube.com/watch?v=PF6DRRYA91c
كلامك منطقي وانا اخوك .. لكن الي حيرني كيف اقدر اتعامل مع هالموقف ؟؟؟ وسالفة ان السبب من السماعدات الأمامية ما دخل مخي بصراحة ! وانت اثبت لي بكلامك ربي يحفظك
الفيديو الي فوق فيه شرح لفصل الكمبريسور تبع الهيدروليك ! ياليت تتأكد هل الكلام هذا صحيح ؟
لقيته في اليوتيوب وانا افرفر ادور حل للمشكلة والخوف اني اعك بالموضوع وينشب اكمبريور ما يطلع هههههههه تشوفه بالفيديو يقول اطلع يالخسيس هههههه اخاف انه كلبسات وابلش وقت تركيبها اذا هي من داخل الكمبريسور
اتمنى افادتك بارك الله فيك :)



عبودي-aboode
هذا الي بسويه الله يحفظك .. بس يعرف الطريقة الصحيحة عشان ماتوهق .. شوف المقطع :
https://www.youtube.com/watch?v=PF6DRRYA91c
يشرح عملية فك الجهاز لكن انتضر تجربة الأخوان عشان ماجيب العيد




khalil99ss
مشكلة هالورشة صار شغلهم ضعيف موب مثل قبل !!
كنت اروح بمرسيدس يضبطون هيدروليكاته ورحت مرة بكاديلاك وضبطوها واخر مره قبل 4 سنوات رحت لهم بـ جمس 97 عشان الباكم وملحقاته ما ضبطوه .. وجبت لهم هوندا اكورد 2008 وكامري 2008 عشان هيدروليك الدركسيون ما ضبطوه خسروني
واخر مرة جبت لهم لينكن 2004 مشكلته هيدروليك الخلفي نفس مشكلة التاهو حاليا وقالو ما نعرف له .. ومرة يقولون المهندس مسافر .. رحت بعته بخسارة
فيه محل قريب من المسجد الي بشارع الجمعية نسيت اسمه .. هذولي اثق في شغلهم وبسعر اقل من سعر السوق ، بحاول امرهم هاليومين اتأكد اذا يزبطونه والا لا !
بس ودي بورشة خبرة في هالمجال افضل .


عادل الانصاري
يعطيك العافية ياغالي .. شكلي بجيب له مطوع يمسحه بمويه ويقرا عليه ههههههه يمكن يزبط مع ثاني تفله هههههه
فاهم قصدك يا غالي بس مافيه اي تشققات شيكت عليه هو والمساعدات كلهم تمام .. اصلا تشوف شكلها تقول توها طالعه من الوكالة ما شاءالله تبارك الرحمن نظيفه

لك رد على الخاص اخوي عادل


up 0 down 0
رحـ العاصفة ـيل 102
قبل 5 سنه و 2 شهر



يالغالي المسأله بسيطه ومحوله ان شاء الله وكل مافي الامر تنسيم تقدر تكتشفه انت بنفس .. بحيث تشغله حتى يعبي وتطفي السياره على حفرة زيت مثلا وتخش تحت السياره وتسمممع للتنسيم او تحط صابون ومويه ويبين معك وين مكان التنسيم وتصلحه


مع انك ماذكرت نوع الهيدرويلك اللي عندك وطريقة توصيله ولكن غالبا يكون ثلاثة انواع اما مساعدات هوائيه او منافيخ او بساتم هواء .. لكن مثل ماذكرت لك يجيب تفحص مكان التهريب مع انه عادي ان يشتغل تلقائي ويفصل تلقائي اذا طولت السياره بدون تشغيل ومع الوقت لازم يحصل تنسيم


up 2 down 0
yukon99 8
قبل 5 سنه و 2 شهر



اطفي الكمبرسور واتركه كم يوم وشغل السياره وهو طافي وشوف اذا فيه ميلان او شي لان الواضح ان التنسيم بسيط عندك

وشوف بنفسك هل فيه ميلان بجهه او بالجهتين حسب نوع التوصيلات مشترك او منفصل

ويبان معك التنسيم في مساعد او في هوز او بلف التعبئه او المواصيربس غالبا من وصف المشكله ان التنسيم بسيط

وفكرة المويه والصابون جيده للتجربه على المساعدات

اعانك الله لو اعرف ورشه كان دليتك بس هالامور اشوفها حساسه والافضل تكتشفها بنفسك قبل الخساير




up 1 down 0
abdullah.ags 395
قبل 5 سنه و 2 شهر



yukon99
بارك الله فيك .. الهيدروليك عبارة عن مساعدات مرتبطة بجهاز كومبريسور هذا مثال له :
https://www.youtube.com/watch?v=PF6DRRYA91c
بالنسبة لكلامك انه عادي ! صدقني اخوي موب عادي وانا استخدم السيارة من خمس سنوات .. الفترة الماضية من حوالي 6 شهور اشوف الوضع ما يطمن
اوقف عند اشارة يشتغل ثواني ويطفي
اترك السيارة 24 داخل البايكة واشغلها الصبح رايح للدوام يقعد يشتغل وكأني محمل عفش لمدة 7 الى 13 ثانية
قبل لا تطلع هالمشكلة ماعمر الهيدروليك اشتغل الا اذا حملت عفش او احد ركب معي بالسيارة يشتغل لمدة 4 الى 6 ثواني يرفع نفسه ويسكت ولا يشتغل الا اذا نزلو الي معي من السيارة او نزلت العفش الي شايله يبدأ يشتغل عشان يرجع لوضعه الطبيعية


abdullah.ags
مشكور ياغالي . وكلامك على متمة
اقنعني كلامك يا غالي وراح اجرب باذن الله اليوم او بكرة وقت اتفرغ له .. بفصل الكومبريسور واشوف الوضع بعد كم يوم
لكن هل تعتقد لازم افصل الفيوز الي بعلبة الفيوزات بالكبوت قبل افصل الكومبريسور ؟؟


up 0 down 0
رحـ العاصفة ـيل 102
قبل 5 سنه و 2 شهر



ماادري كيف طريقة الكمبرسور اذا مثل الفورد له زر خاص او بدون

عموما مايضر فصله واكيد الوكاله  متوقعه انه يصير مشاكل ولابد من فصله

ولو تراجع دليل المالك توضح لك الصوره


up 0 down 0
abdullah.ags 395
قبل 5 سنه و 2 شهر



لا والله ماله زر ! اتوقع انه الفيوز
انا توي واصل من السفر من يومين بس اروق له واشوف وش وضعه
علما اني شيكت عليه امس عند بنشري لقيت المساعدات الخلفية كأنها متقطعة !!!! هل هذا يعني ان مساعدات الهيدروليك خربانه فعلا ؟؟
هذا الي حيرني !
لو فعلا خربانها بشتريها واركبها بالبيت
بس اخاف تطلع لي شغله ثانية غير المساعدات


up 0 down 0
رحـ العاصفة ـيل 102
قبل 5 سنه و 2 شهر



تم تغيير ( مساعدات هيدروليك هوا ) خلفية
سعر المساعدات اثنين خلفي 900 ريال
شغل يد 300 ريال

وصلى الله وبارك على سيدنا محمد


up 0 down 0
رحـ العاصفة ـيل 102
قبل 4 سنه و 7 شهر