الناس اللي تتفلسف بدون خبره

الله يجزاك خير دام انك تشور على الناس من واقع خبرتك وماعليك من الي تهرج اهم شئ انت ضميرك راضي

كثر الله من امثالك فعلا كلامك صحيح
ليش الواحد اذا تكلم عن اللومينا والكابرس يقول خرابات و كدا
و ليش مايقول اني اشتريت اكورد و دفعت فيها و تعبت فيها اكثر من اني اسوق
صحيح كانت تخرب زيادة و دفعت فيها ولكن قبل ما ابيعهل ساعدتني كثير
ف اي سيارة لو نظيف و راعيها يحافظ عليها مستحيل تخرب
اما يجيك واحد عقله في طي...... و يقولك شفر خرابات عمي قالي ولا اخوي قالي يعني.كلام خرطي
و اعرف كثير من ملاك لومينا و كابرس ماتعبتهم نهائيا شغل و امشي لان الموتر نظيف

صادق

واحد رد على موضوع يقوله اما كذا او كذا او كذا الخ وغيرها وابدأ بالسهل !!! والبعض يروح الصناعيه ويغير بواجي وطرمبه وينظف بخاخات ويغير حساس الهوا وحساس الشكمان كانها مقبلات قبل التوظيب ,اتفق مع الورشه ان ماراحت المشكله ما ياخذ ريال

بالظبط 

خسرت فلوس علشان فلسفة ناس طبق الي قلت لك وتظبط ومن جرف لدحديرة

الشيء الي ما عندي خبرة فيه اكتبه قبل كل كلامي ان ماعندي خبرة ولكن مجرد اعتقاد

عليكم السلام ورحمة الله 
شكلك نزلت الموضوع عشان ردي عليك 
وماتوقعت ان ردي يضايقك كذا 
ابد السموحة منك يابعدي ولا يهمك 
وبخصوص اللي يقول فلان يقول 
ولا مع اخوي ومع عمي 
ترا السيارة مستخدمها استخدام شخصي 
وامسكها خطوط عشان دوامي 
وانت قلتها انت تشتغل السيارة بنفسك وعندك 
خبره ماشاء الله يعني لو عندك اي سيارة
وتعرف تصلحها تطول معاك 
اما غيرك مايعرف من ورشه لورشه 
لو تطفي السيارة بسبب فيوز مايدري 
يشيلها بسطحة وكل ورشه يتفلسف عليك 
عشان كذا قلت لك السيارة مو اعتماديه