أضف سؤال أو موضوع جديد          

ماهو افضل حل للمشكله هاذي

up 1 down 2
hadi alghamdi 7
قبل سنه و 7 شهر



السلام عليكم
اسعد الله اوقاتكم بكل خير

اخواني انا توي شريت سلفرادو 2010 8 سلندر وظهرة لي مشكله غريبه اللي
وهي ( تذبذب في الانوار ,اذا ماشي 120 وكبست النورمره وحدها الا المسجل يطفى ويشتغل لحاله والعداد يطفى ويرجع يشتغل والسياره طبعا شغال ويفصل القير يسير الضغط يحن وتفتح ازرار الابواب وتقفل طبعا كل هاذي في ثواني وترجع اوكيه وانت واقف نفس الطريقه يطفى المسجل ويشتغل وضغط المكينه يرتفه وينزل تطلع لي عبارات كثيره وتشتغل لمبات كثيره بس مافي شي ثابت مثل ( تولع لمبة الارباق وتطفى تولع لمبة ABS والتراكشن وتطفى , تجيني رسال جهاز الثبات مطفا يجب اصلاح جهاز التماسك يجب اعادة نظام شحن البطاريه ) زبدة الكلام الموتر ملخبطه الكهرب فيه مدري وش الدبره الموتر الحين عند كهربائي في صناعية الخليج برياض فحصه يقول المشكله كلها من المسجل لان راعيها مركب شاشه فصلنا المسجل وجربت السياره بدون مسجل مافاد والحين عنده يقول بيفحص ويبرمج الاعطال ويتاكد
{ اللي صارت معاه نفس المشكله ارجو افادتي تكفون }
طبعا تم تغير الدينمو اصلي وكاله
وتم تشيك ع البطاريه كل شي تمام فيها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أتوقع التماس في الظفيرة، ولازم يطلعه فني ممتاز، صارت معي في جمس قبل فترة طويلة بس الحالة اللي كانت عندي، يطفى الجمس مع المطب القوي ومعد يشتغل أدق سلف الين تفضى البطارية ما يشتغل، المهم ماخليت به كهربائي ومحد عرف وش علته الا واحد وطلع مكان الإلتماس وكان في أسلاك الطرمبه داخل التانكي ضبطها وضبط الموتر وكويس ما صار حريق لأن الماس في منطقة بنزين. عموما مشكلتك هي في الظفيرة أو في مجموعة الفيوزات شيك عليها ولا تفرز الظفيرة الا كحل أخير لأنه مو كل كهربائي يرجعها مثل ما كانت وشيك على الفيوزات هل فيه شي منها ملفوف عليه سلك يدعم الفيوز عندها احتمال يكون الكمبيوتر تعرض لشوط لأنك ذكرت ان الموتر احيانا يفضي النمرة


up 1 down 0
saudi___07 1020
قبل سنه و 7 شهر



في الصناعيه القديمه بجانب مركز الوفاء في ورشه اسمها الجابري معروفه جدا واختصاصها الكهرب ومحل مشكله الجمس عندي الا الله ثم هم واللي يشتغل فيها سعودي شايب عمره فوق 60 خبير ماشاء الله ويشرط لك اذا ماحل المشكله ترجع لك فلوسك كامله ويعطي ضمان على اي شغله يشتغله بالكهرب موقعها اول اشاره وانت جاي من 17 تديور اول لفه يمين بيجيك على يسارك بعد الوفاء


up 4 down 0
saif2257 108
قبل سنه و 7 شهر



وعليكم السلام
انصحك اخوي اما تروح لشيخ المعارض وتشتكي مركز الفحص اللي فحص السيارة ولا أكتشف المشكلة
أو تشتكي صاحب السيارة اللي باعك اذا لم يتم فحصها عند مركز
وسوف يرجع حقك
واذا شيخ المعارض حولك للشرطة رح وافتح شكوى وبيرجع حقك.
واذا ما قدرت انصحك تبيع الموتر وترتاح.
هذا مجرد رأي والله يسهل أمورك


up 0 down 3
abooabdallah 14
قبل سنه و 7 شهر



صارت علي بالهيلي . كانت المشكلة بأصابع البطارية . غيرتها و راحت المشكلة


up 1 down 0
mh.saeed 146
قبل سنه و 7 شهر



هذا ماس في الظفيرة شف لك كهربائي متمكن وتنحل مشكلتك


up 0 down 0
fahd077 290
قبل سنه و 7 شهر



التماس بالظفيرة ..  صار معي بسلفرادو 2002  واهملته الين احترقت الظفيرة وغيرتها كاملة ..


بتشاليح الحاير أرخص وحدة ب3500 ريال ... جبتها من الكويت ب700 ريال 


up 0 down 0
شرقااااااوي 661
قبل سنه و 7 شهر



هذي عندك اصابع البطاريه مو مربوطه زين او فيها كربون واملاح نظف اصابع البطاريه وشد عليها زين اذا ماضبطت ممكن دينمو الشحن عندك ضعيف افحصه


up 1 down 0
Pro rare 430
قبل سنه و 7 شهر



حصلت معايا زى كدا طلعت اصبع البطاريه الموجب غير مشدود 


up 0 down 0
polpol 146
قبل سنه و 7 شهر