بغير الزيت من 20w50 إلى 10w30

غير عادي مافيه اي مشكله حنا غيرنا لزيت خفيف وسيارات ماشيه 300وبعضها 150 اتوكل على الله وغير للخفيف

أجل بسم الله وعلى بركة الله

في سيارتي الباثفايندر كنت امشي على لزوجة 20 دبليو 50 و الآن ماشي على لزوجة 10 دبليو 30 دون مشاكل 

حياكم الله ياخوان ، طيب فيه فرق بين : 30w10 و 30w5

ان شاء الله مافي مشكله لأنك غيرت الزيت من ثقيل إلى متوسط الزوجه 
10w30 يعتبر متوسط

ان شاء الله مافي مشكله لأنك غيرت الزيت من ثقيل إلى متوسط الزوجه 
10w30 يعتبر متوسط

لو غيرت من 5/20 لين 10/30 فيه فرق ياشباب ولا لا

مساء الخير ي اعضاء وزوار المنتدى برأيكم افضل زيت 5W30

والله يالغالي غالبا ( وليس دائما ) تغيير لزوجه الزيت من ثقيل لخفيف ماتسبب مشاكل الا بنسبه 10%

من باب اخذ الحيطة والحذر حاول تنزل باللزوجه تدريجيا يعني اختار اولا 15w40 ثم 10w40 بعدها 10w30 واخيرا 5w30

طبعا هاللزوجات اللي ذكرت تغيرها مره وحده ثم تنزل للزوجه الاقل لين توصل 5w30 .. و المشاكل اللي ممكن تحصل مب سببها الزيت الخفيف ( بالعكس هو افضل لموترك ) ولكن السبب هو خطأ السنين السابقة اللي كنت تستعمل فيها زيت ثقيل ولها تأثير على الطرمبه لانه يضعف دفعها للزيت ويسد الشخال بسبب الرواسب وبقايا الكربون بينما الزيت التخليقي 5w30 يجي مضاف له مواد تنظف الماكينه وتمنع تكون الرواسب عكس الزيت المعدني الثقيل

بالنهايه زي ماذكرت الزيت الخفيف افضل بكل تأكيد ويمكن تغيره الحين ومايحصل لموترك شي ( ولكن الحذر واجب ). وشي جميل انك اخترت زيت حاصل على اعتماد ديكسوس اللي حصل عليه 3 زيوت مثله وهي بترومين A1 وفوكس تيتان سوبر سن وموبيل 1 .. وممكن اضيف لها موتر كرافت مع انه ماحصل على اعتماد ديكسوس لكنه ممتاز وسعره مناسب

ومن فوائد زيوت 5w30

1/ تقليل استهلاك البنزين .. خصوصا زيت فوكس تيتان سوبر سن

2/ زيادة عزم الموتر . خصوصا بترومين A1

3/ هدوء صوت المكينه واختفاء التكتكة والازعاج اللي تسمعه اول ماتشغل الموتر

4/ تنظيف ذاتي للمكينة .. لأن الزيوت التخليقيه مضاف لها مواد تنظيف خاصه زي ماذكرت بالتعليق السابق

5/ زيادة عمر المكينة .. لانها تريح المكينه عكس الزيوت الثقيله وحركتها تكون اسرع

6/ تحملها مضاعف .. توصلك 10 الاف كيلو او حتى 12 الف بينما الزيوت المعدنيه بالكاد توصل لنصف المسافه

بعدين ترى عندك خطأ بالصور .. انت كاتب انك بتغير ل 10w30 وبالصورة منزل ايسدلكو 5w30



لزوجه 5w30 الافضل بكل تأكيد

خلك على زيت الوكاله

الا اذا تبي تشتري راس مكينه او توظب

بتشوف بنفسك بدايتها صوت تكتكه او دخان ازرق ونهايتها تدور في التشاليح

الزيت مهامه تنظيف وتبريد وتزييت وامتصاص ارتجاجات وتثبيت بعض القطع اللي تدور بعد ما يكون طبقه فوق الجلب وهذي لها مقاسات وحسابات ويجيك واحد يقول حول للزيت الفلاني تراه خفيف وسهل الهضم او ثقيل ومعضل والنتيجه توظيب

ايه نعم أنا متعمد الصورة وحطيت 30w5 ، والف شكرا خاص لك يابو هيثم 7

لا أنا ولا انت ولا اي واحد هنا رح يكون أفهم من اللي صنع المحرك لا تسمع كلام احد افتح كتيب السيارة وشف وش مكتوب فيه

انفوي 8 سلندر بعته تشليح بسبب راس المكينة ضرب وكان يحتاج توضيب وشغلة طويلة عريضة والسبب هو اني كنت احط زيت رخيص وعياره مختلف عن المكتوب على غطا الزيت

انت الحين لعبت بمكينه بزيت الثقيل 20 50 خلاص خلك على 10 30 مو تنزل مره لنك عوتها على الثقيل

سكودر !!

أنا مامشيت إلا 3000 الاف على زيت: 50W20 يعني أن شاءالله مايضره ،،
أما اللى يسأل عن المكتوب بالغطاء المحرك فهو : 30W5