افضل سياره بالقيمه ذي؟

خذلك اكسنت او زود الفين ريال وخذ اكسنت 2007 وفوق نظيفه ابعد عن الشفروالسيارات المكاين الكبيره والله العظيم نصيحه لك انت مادورت بحدود المبلغ الا انك تبغا توديك وتجيبك وصدقني شهر وهي خربانه اذا كان مستعمل نظيف وعاد دور من يصلحها
اغلب الورش مايعرفوله وحساس وشغل ع الاقل الاكسنت كورلا يارس السيارات الصغيره يمديك تعرف وتشغتل وتوديك لين ماتدبر فلوس تصلحها اما شفر اقعد فيها دور من يوديك انت وهي

نصيحه ابعد عن الكابرس من 2000 الى 2010 يصدّع برأسك صح خذلك كامري او اكسنت 

عفوا كورولا او اكسنت لان مستحيل تلقا كامري طيبه وتخدم بالسعر ذَا لو تزود شوي يكون افضل

^ الكابريس من 2007 وفوق ممتازة وانا معي 2008

طيب وشريك بالكورلا  موديل ٢٠٠٥ وتحت

الكورلا من 2002 الى 2007 تراها نفس المكينه بس اختلاف الشكل

كانت معي وحده موديلها 2006 فاكها جديده وعاشت معي 7 سنوات وبعتها واصله 330 الف صحيح البدي جته 4 صدمات لكن مافكت المكينه ولا القير ماشاء الله

واساسا مكاينها رخيصه ب 2500 والقير ب 1500 والصدام الامامي تايلندي ب 75 ريال والكبوت تايواني ب 180 والرفرف الامامي صيني الواحد ب 90 ريال .. طبعا ذا الكلام قبل 3 سنين يوم كانت معي اللي يبارك لراعيها

جالنت تحصل موديل 2004 عمليه واقتصاديه وعن تجربه
لكن افضل بكثير من اللومينا والكابرس

الكابريس اذا ما كان نظيف بيبهذلك
نصيحة لا تقربة وانت ما عندك قدرة كافية لتحمل اي خراب محتمل
خذ لك صني 2005 ولا كورولا 2003 تلقاها بهالسعر

ولا اكسنت موديل احدث شوي
واحرص على النظيف

فطع الكابرس رخيصه جدا ولكن ي اخوي اذا مالك خبره ولا قد استخدمت الكوابرس
لاتاخذها ..لان الموديلات ذي ماتمشي مع اي واحد والي مقبل على الكابرس أفضل شي 11 وطالع. .
وهذا كلامي عن ال 8 سلندر. .ال 6 سلندر ماتنفع بريال

وعندي نصيحه بسيطه لك ي صاحب الموضوع...
اختيارك للسياره على حسب استخدامك. .
فمثلا الاخ ax500 قالك خذ كورلا أو اي سياره صغيره لانها عمليه أكثر
من السيارات الي مكاينها كبيره.. كلامه ذا صحيح اذا كان استخدامك داخل البلد
اما خطوط وسفريات راح يكون العكس تماما لأنه المكاين الكبيره تتحمل أكثر ب المسافات الطويله. .

فعشان كذا استغرب لما الناس تنصح بسياره معينه ولا يسألون عن استخدامك قبلها. .

وموفق خير والله يسهل امرك ويرزقك

أنا اعطيك رأي مختلف ،، شوف السيارات اللي ماهي مرغوبة بالسوق مثل الرينو والبيجو تحصل نظيف وموديلات من 2012 وانت طالع وممشاها اقل من 100 الف بتخدمك سنين ما تحتاج غير قطع استهلاكيه ومتوفرة بالوكالة واسعارها طيبة خلك من اللي يقولون مالها قطع ..

السيارات المنتشرة مثل الاكسنت والصني بسعرك هذا استحالة تحصل نظيف وممشى قليل ،، وراح تتعب مع الورش

السيارة نفسها الي تحكم اذا كانت نظيفة اتوكل على الله وخذها واذا كانت لك عليها بعد وشوف لك غيرها بس نظيف