إستشارة بخصوص كابرس 2008 اللي جرب يفيديني

حبيبي خالد
,,, نصيحة اخ ومحب

الكابرس من 2011 وطالع تعدلت فيه اشياء كثيره واصبحت سياره يعتمد عليها

اما موديلات 2010 ونازل مشاكلها كثيره نسبيا
الموتر اللي بتشتريه مستعمل والبدي مب نظيف ممكن يكون مصدوم وفوق هذا كله اول تجربة لك للكابرس
انا انصحك انك تبتعد عنه بما لايقل عن 2600 كلم وشف خيار اخر

كلامي عن تجربة وانا اخوك ومن ملاك الكابرس

الله يوفقك

تعقيبا على ردي فوق لو ان الموتر 8 سلندر يمكن يمكن يمشي اما 6 سلندر مشاكله اكثر من الرز على قولة السيسي

كلام الاخوان الي فوق صحيح والسته سلندر بالاخص مشاكلها كثيره

6 سلندر كريهه وترفع الضغط و بامكانك تراجع مواضيعي بخصوص المكينه


6 سلندر صيانته صعبه اذا تبي تغير بواجي او كويلات او كوع الماء او بلف حراره لازم تفك ثلاجه المكينه؟!!!


اذا تبي تغير شداد السير لازم تفك طرمبه الدركسون ( علبه الباور )


تبي كابرس خذ 8 سلندر مكينه معروفه قريبه من حق الجمس


بالنسبه قطع الغيار اسعارها مرتفعه مقارنه بالكوري حتى الموديلات القديمه باقي طايره سعرها والكلام هذا لكل سيارات GM مو بس الكابرس ( اتكلم عن الاصلي وكاله )

يعطيكم العافيه جميعا على الردود وبيض الله وجيهكم وان شاء الله احصل 8 سلندر نظيف

طيب سؤال الان المكينة ال8 سلندر اذا بغير بواجي مايحتاج فك الثلاجة ؟

لا ما يحتاج

يالحبيب خذ الكلام من تجربة اذا الموتر نظيف فتراه موتر ما عليه الكلام حق كرف وما يطلب و6 سلندر اقتصادي في البنزين طبعا 8 افضل في الصيانة بس يصرف بنزين العيب الوحيد قطع الغيار الاصلي غالية جدا جدا جدا والله يكتب لك الخير .

عندي لومينا اس ٢٠٠٩ ٦ سلندر مطلعها وكاله عمري ما شكيت منها ليومك ذا ما غيرت الا فحمات وزيت وفلاتر وبواجي فقط ولونها بترولي واقتصاديه بالبنزين

انحش عن الكابرس نصيحة مجرب والله لياكل جيبك عليه خرابات مدري ويش تبي خذ اي سياره صينه ولاتاخذ كابرس انغريت فيه واشتريته وكاله ب 165 الف ماكمل سنه الى ويفتح فمه وبعته بخسارت

موتر يعشق الورش بكل صراحه صنع لاجل هذا الشي