ما هو حل مشكلة لمبة المكينة لتاهو 2015 ؟

لازم تفحص كمبيوتر

اذا السيارة لازالت على الضمان مر الوكالة.

يا أخوك لمبة المكينة ما تفارق التاهو ولا الجمس

جديد ولا قديم

الله والعالم عندك يفيوز لشيء معين

انا عندي اللمبة طالعة بسبب فرامل abs او الجهاز نفسه مستعمل

اذا شبكت الفيوز تروح واذا فصلته تطلع

حاول اسوي إعادة برمجة

افصل سلك البطارية وأرجع اشبكه مرة ثانيه

خطأ إملائي
الله العالم #

لمبة المكينة لها اكثر من حساس

لابد من فحصها بالكمبيوتر عشان يطلعلك الكود او الحساس اللي عنده المشكله
والله يسهل امرك

المفروض اللي عنده سيارة تكثر فيها الحساسات او مشهورة بالشيك انجن ياخذ قطعة رخيصة obdii ويفحص عن طريق برامج الجوال مجانية وتظهر لك الكود وتبحث عن اسبابه بدل مو كل شوي دافع فحص اقل شي 100

جزاك الله خير 

وين اللي عنده فحص كمبيوتر بشرق الرياض ؟

في ورشة اسمها جوانا على ما أعتقد حي الروضة اكتب في خرائط جوجل تحصلها
موجودة في محطة راعيها واحد سعودي يفحص كامبيوتر ببلاش
انت قبل تفحص سوي إعادة برمجة ويمكن تروح وهي بفصل إصبع البطارية وأرجع اشبكه

اذا السيارة عالضمان اول شي جرب روح الوكالة يمكن تطلع شغلتها بسيطه 

اكثر عطل يواجه التاهو واليوكن لمبة المكينة واكثر ضهورها من حساس البيئة او حساس الاوكسجين وعندي لها حوالي السنة تضهر اكثر في ايام البرد وايام الحر تطفى ولابد من تغيير او تنظيف الحساس انت الافضل انك تكشف كمبيوتر وتتأكد وترى ما منها ضرر واللمبة اذا كانت شغالة التشغيل عن بعد ما يشتغل

ماهو شرط التاهو واليوكن بس يحدث مشكلة لمبة تشيك أنجن "فحص المكينة !!
حتى السيارات اليابانية والكورية تكثر فيها وتظهر معم
سيارتي تاهو 2012 وكارفها وفوق 130 ألف وماشاءالله ماعانيت من أي مشاكل والحمدالله

سيارتك 2015 وتحت ضمان الوكيل مادام لم تقطع 100ألف أو 3 سنوات
ليه ماتمرهم يكشفون عليها يمكن تتصلح سيارتك مجانآ أو بنصف السعر الا اذا تغيرت سياستهم
وأذا غالية تصليحها أتركهم المهم تعرف وين هي المشكلة وتصلحها بورشة خاصة

ويوجد كتيب السيارة يشرح لك المشكلة ويمكن يعطيك خطوات الفحص والأصلاح

الأكثرية بيقول حساس شكمان أو الضغط وعشان سيارتك 2015 !!! لازم يشوفها لك
صيانة الوكالة تحسبآ لخلل مصنعي أوتغير حساس وأعادة برمجة للحساسات من جديد

الأخ yahya ذكرقطعة obd2 ممتازة لأكواد الأخطاء لك وللزمن
وهذي شروحات عنها حتى أنت تقدر تسويها بنفسك ولا مزاجية الورش ::

https://www.youtube.com/watch?v=eH3HQO4MfPI

مقطع فيديو للمحترف لشرح جهاز البلوتوث
http://youtu.be/LAUyarkHKeY

- مقطع فيديو للمحترف لشرح جهاز الواي فاي :
http://youtu.be/eJKlS1VZ6sw
البرامج التي تعمل مع الجها :
TORQUE PRO

انا صايرة لي هالمشكلة في تاهو 2014 وكانت تروح وترجع بس الان رجعت ومو راضية تروح وعداد الزيت على الصفر ما تحرك

وش صار معاك ياصاحب التاهو انحلت المشكله وش كان السبب

عندي 2015 ولمبه المكينه اشتغلت