أضف سؤال أو موضوع جديد          

ما هو حل مشكلة لمبة المكينة لتاهو 2015 ؟

up 0 down 1
ayas.298 -1
قبل سنه و 2 شهر



السلام عليكم 

مساكم الله بالخير 

أنا معي تاهو اللهم لك الحمد 
موديله 2015 
الموتر جديد ومحافظ عليه 
ولكن فيه مشكلة طلعت لي وانا مستغرب 

اللي هي اشتغلة لمبة المكينة 
ما ادري وش السبب 

اللي يعرف لايبخل علينا 


شكراً لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لازم تفحص كمبيوتر


up 0 down 0
asalami 2045
قبل سنه و 2 شهر



اذا السيارة لازالت على الضمان مر الوكالة.


up 1 down 0
iadnuyh 835
قبل سنه و 2 شهر



يا أخوك لمبة المكينة ما تفارق التاهو ولا الجمس

جديد ولا قديم

الله والعالم عندك يفيوز لشيء معين

انا عندي اللمبة طالعة بسبب فرامل abs او الجهاز نفسه مستعمل

اذا شبكت الفيوز تروح واذا فصلته تطلع

حاول اسوي إعادة برمجة

افصل سلك البطارية وأرجع اشبكه مرة ثانيه


up 1 down 4
وساطة.com 86
قبل سنه و 2 شهر



خطأ إملائي
الله العالم #


up 0 down 0
وساطة.com 86
قبل سنه و 2 شهر



لمبة المكينة لها اكثر من حساس

لابد من فحصها بالكمبيوتر عشان يطلعلك الكود او الحساس اللي عنده المشكله
والله يسهل امرك


up 2 down 0
abuturkie3 299
قبل سنه و 2 شهر



المفروض اللي عنده سيارة تكثر فيها الحساسات او مشهورة بالشيك انجن ياخذ قطعة رخيصة obdii ويفحص عن طريق برامج الجوال مجانية وتظهر لك الكود وتبحث عن اسبابه بدل مو كل شوي دافع فحص اقل شي 100


up 3 down 0
yahya alajlani 416
قبل سنه و 2 شهر



جزاك الله خير 

وين اللي عنده فحص كمبيوتر بشرق الرياض ؟


up 1 down 0
ayas.298 -1
قبل سنه و 2 شهر



في ورشة اسمها جوانا على ما أعتقد حي الروضة اكتب في خرائط جوجل تحصلها
موجودة في محطة راعيها واحد سعودي يفحص كامبيوتر ببلاش
انت قبل تفحص سوي إعادة برمجة ويمكن تروح وهي بفصل إصبع البطارية وأرجع اشبكه



up 0 down 0
وساطة.com 86
قبل سنه و 2 شهر



اذا السيارة عالضمان اول شي جرب روح الوكالة يمكن تطلع شغلتها بسيطه 


up 0 down 0
hammoud mendes 107
قبل سنه و 2 شهر



اكثر عطل يواجه التاهو واليوكن لمبة المكينة واكثر ضهورها من حساس البيئة او حساس الاوكسجين وعندي لها حوالي السنة تضهر اكثر في ايام البرد وايام الحر تطفى ولابد من تغيير او تنظيف الحساس انت الافضل انك تكشف كمبيوتر وتتأكد وترى ما منها ضرر واللمبة اذا كانت شغالة التشغيل عن بعد ما يشتغل


up 1 down 0
ابوخلوودي1 5031
قبل سنه و 2 شهر



ماهو شرط التاهو واليوكن بس يحدث مشكلة لمبة تشيك أنجن "فحص المكينة !!
حتى السيارات اليابانية والكورية تكثر فيها وتظهر معم
سيارتي تاهو 2012 وكارفها وفوق 130 ألف وماشاءالله ماعانيت من أي مشاكل والحمدالله

سيارتك 2015 وتحت ضمان الوكيل مادام لم تقطع 100ألف أو 3 سنوات
ليه ماتمرهم يكشفون عليها يمكن تتصلح سيارتك مجانآ أو بنصف السعر الا اذا تغيرت سياستهم
وأذا غالية تصليحها أتركهم المهم تعرف وين هي المشكلة وتصلحها بورشة خاصة

ويوجد كتيب السيارة يشرح لك المشكلة ويمكن يعطيك خطوات الفحص والأصلاح

الأكثرية بيقول حساس شكمان أو الضغط وعشان سيارتك 2015 !!! لازم يشوفها لك
صيانة الوكالة تحسبآ لخلل مصنعي أوتغير حساس وأعادة برمجة للحساسات من جديد

الأخ yahya ذكرقطعة obd2 ممتازة لأكواد الأخطاء لك وللزمن
وهذي شروحات عنها حتى أنت تقدر تسويها بنفسك ولا مزاجية الورش ::

https://www.youtube.com/watch?v=eH3HQO4MfPI

مقطع فيديو للمحترف لشرح جهاز البلوتوث
http://youtu.be/LAUyarkHKeY

- مقطع فيديو للمحترف لشرح جهاز الواي فاي :
http://youtu.be/eJKlS1VZ6sw
البرامج التي تعمل مع الجها :
TORQUE PRO


up 1 down 1
th_otaibi 338
قبل سنه و 2 شهر