أضف سؤال أو موضوع جديد          

احذرو منهم الشريطيه

up 11 down 4
سكودر 14904
قبل 6 سنه و 7 شهر



يااخوان انا قبل ما نزل موضوع ودي اسال عن عضو اسمه عاشق الكورفيت zr1 الي شافه ولا يعرفه يبلغنا عنه والله واحشنا

الموضوع سلمكم الله احد الاصحاب باع سيارته وهي من نوع كابرس ال اس v6 2008 طبعن موتر

جايته صدمه مع الوجهيه والاربقات ضاهره والرجال عاف موتر وده يبيعه طبعن هو صلحه رش

وسمكره بس الاربقات تعرفون غاليه بس ماصلحها سكرها ورجعها

الزبده الرجال محتاج قروش وباعها لن بعد صدمه بعد عايف سياره المهم راح معارض يفرفر فيها وقفه

شريطي يماني قال بشتريها منك قال الرجال سمها قال بفحصها قال افحص المهم فحصها وقال هذي جايتها

صدمه والارباق ضاهر المهم قاله الرجال نعم صحيح قال بعتني 28 الرجال قال بفكر ورد لك خبر قال له

شريطي بعها والله ابيها لي بستخدمها المهم قال الرجال زد وانا بابيع لك قال شريطي 28 وخمس وماعندي غيرها المهم باعها له

استغربنا بعد يومين رحت الحراج الى ذيك كابرس الاسود عرفتها بلوحه المهم قربت منها الى لقيت

شمعات ملمعه البودي ملمع الديكور ملبس تجليده علشان الارباق مايوضح لمبه الارباق طافيه المهم سياره

الي يشوفها يقول نظيفه وهي مصدومه واستغربنا انها وصلوها السوم 34 الف وابو يمن يزود فيها والله

الي يوم شفت السياره قلت مستحيل هذي سياره رجال

انا من القهر الي فيني اروح لناس واقول تراهي مصدومه واروح عند يماني واقول مصدومه موتر يحلف

انها ماجاها صدوم لنه وصخ يعرف ان بحراج سيارات سكر على ماء مافيه فحص وماحد يدخل الحراج

والسوق الى واحد له خبره وقد السوق والله انا انقهرت يوم شفت موقف هذا



السيارات الي تنباع في مزدات تراهي حقت شريطيه مصدومه يشترونها من تعاونيه

والله ان حنا وقفنا عند افلون 2007 مافيها الى رفارف وشريطي يقول موتر يبي لها سمكره وبطاريه

خلاص بناخذها ونصلح المهم قلنا خلنا نجيب ميكانيكي من برا اتصل على ميكانيكي يعرفنا ونعرفه

يوم شغل السياره الى سمعنا عمود كرنك وصوت مكينه مزعج ههههههههه هذي الي يبي لها سمكره

وبطاريه طلعت يبي لها مكينه وحتى مكينه بعد يقول الميكانيكي حاطين فيها زيت قير وفرامل علشان صوت يختفي

وحتى القير بعد معطوب مافيه ولاقطره زيت احذرو منهم الشريطيه بكل مكان الله لايكثرهم









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حسبي الله .. فيه ناس وده يطلع الريال من عينك ما همه حلال ولا حرام بل الحا والحرام مو موجودة في قاموس حياته اللي يطوله ياكله علطول , وش فيها لو باعها مثلا بـ 30000 ولا 29500 وهو كسبان كسبان ويبين عيوبها .. لكن الزمن هذا كل واحد ما همه الا نفسه والله العظيم اني عرف واحد انه ينصب على اخوه ابن امه وابوه علشان الفلوس واعرفهم شخصيا واخاف اتدخل تحصل مشاكل احنا في غنى عنها ...


up 7 down 0
صاحب السمو 2 1497
قبل 6 سنه و 7 شهر



نفسي القى واحد يجي يمدح فالشريطيه او مر بتجربه مع شريطي ومدحه !!! مانسمع عنهم الا كل شر


هههههههههههههههههه  استغفرالله  عاد يالي عاليسار داخل غلط 


up 6 down 2
ياسر العتيبي .. 503
قبل 6 سنه و 7 شهر



ناس ماعندها ذمه  والمشكله ان خويك تسرع في البيعه 


والله وحشنا عاشق كورفتzr1 ماعندي اي اخبار عند 

حتى الجنرال معاد يدخل المنتدى احصل له ردود في اي اعلان عن كابرس لاكن ماعاد يدخل المنتدى ماادري وشفيه


ناس ماعندها ذمه  والمشكله ان خويك تسرع في البيعه 


والله وحشنا عاشق كورفتzr1 ماعندي اي اخبار عنه

حتى الجنرال معاد يدخل المنتدى احصل له ردود في اي اعلان عن كابرس لاكن ماعاد يدخل المنتدى ماادري وشفيه


سكودر الصوره راكبه على الشريطيين 100%100

وتحيه لأخونا عاشق الكورفت المحبوب اللي ماعمره غلط أو جرح مشاعر أحد والنعم بالأعضاء كلهم


up 4 down 0
مورسدس24 3638
قبل 6 سنه و 7 شهر



شكرًا يا شباب على سؤال 


والله أنشغلت شوي

بس أدخل على الخفيف وأحط لايك وأطلع



يا لبى قلوبكم


up 8 down 1
عاشق الكورفت zr1 6471
قبل 6 سنه و 7 شهر



حي الله كلن  بي اسمه منورين    وشرفني مروركم العطر  

 عاشق  عاش من شافك ياغالي والذيب ع طاريه 


up 4 down 1
سكودر 14904
قبل 6 سنه و 7 شهر



الله يرد كيدهم في نحورهم 


up 4 down 0
abuali2012 185
قبل 6 سنه و 7 شهر



السلام عليكم ورحمه الله وبركاته
يا عزيزي وما خفي كان أعظم


up 3 down 0
elegant 731
قبل 6 سنه و 7 شهر



اخس لافي الحراج الشريطي ينشب بالحلق


up 1 down 1
.عبدالعزيز. -18
قبل 6 سنه و 7 شهر



ههههه صراحه جذبني صورت الموضوع ولكك لايك يالغالي


up 3 down 0
ابوهنادي01 1537
قبل 6 سنه و 7 شهر



اخوي موضوع ممتاز وما عليه كلام بس عندي سؤال ولا تزعل مني ليش ما تكتب ((ال)) التعريف قبل الكلمات اللي تحتاج ال حسيت ان اللي كاتب الموضوع مهوب عربي



up 5 down 0
arabok 10
قبل 6 سنه و 7 شهر



صحيح كلام arabok  لكن يمكن ان الأخ سكودر يكتب بسرعه ولا يهتم في ال التعريف وقد سبق أن كلمه أحد الأعضاء عن هذي المشكلة وزعل الأخ سكودر 
لا تزعل يا سكودر حنا نبغالك الخير والله 


up 1 down 0
الفقير الى ربه 344
قبل 6 سنه و 6 شهر



معك حق ويعطيك الف عافيه بس الشريطيه نوعين محترف وعيني عينك المحترف يخفي العيوب ولا تلاحضها اما الثاني تجي تشغل الشياره والا ذيك الدخنه يعني مبوشه  ويحلف يمين ويقول هذا حساس القير تغييره ب 80 ريال 
ونا عارف انها مبوشه بغيت اصدقه ياخي ربي عندهم صار لعبه ما درى ان فلوسها حرام وان ثروته مبنيه ع حرام وانه ياكل حرام ويأكل اهله كمان 


up 0 down 0
alharbi-s- 229
قبل 6 سنه و 6 شهر