أضف سؤال أو موضوع جديد          

بيع سيارة بالغش الصريح ... نقاش

up 9 down 5
مليحي 244
قبل 2 سنه و 3 شهر



صبحكم الله بالخير,

ياأخوان موضوع البيع بلا ذمة وضمير صار منتشر بشكل كبير
وعندي سالفتين عن هالموضوع


الأولى شخص عنده كابرس 2011 ويبي يبيعه وحاط صور السياره ومن ضمنها صورة لبطن الموتر

ياجماعة الخير الشاصي فيه تلحيم واضح من جهة اليسار ولا جاب طاريها بالاعلان ويوم كلمته خاص ونشبته صار يسب ويشتم وبعدها حذف اعلانه


طبعا يمكن يبيعها زي اللوز بحالتها هذي على ناس خبرتها بسيطه في موضوع البيع والشراء يعني الاخ من زود البجاحه مصور المشكلة الكبيره في سيارته ويقول وكاله



الثاني : شخص معه كابرس 2011 برضو والموتر شفته بعيني نظيييييييف جدا من ناحية البدي والصدوم وبعد مافحصت بطنه تفاجأت انه فيه لحام بارد في المكينه !!!!!! ياجماعة لحام يعني باي لحظه اللي ببطن المكينه تلقاه بطريق الملك فهد عادي والرجال يقول مادري عنها ( بذمته طبعا )



اللي فاجأني الرجال عرض موتره للمره الثانيه ولا بين العلة اللي كشفتها انا يعني مااتوقع فيه ابجح من كذا وكلمت الادارة وحذفوا اعلانه ونزله مره ثانيه وبلغت الادارة برضو ( ناشب له ) وبعدا حذفوا عضويته




الشاهد يااخوان الشخص يجيب انه يحط الجنة والنار قدام عينه عند البيع والشراء ولابد يتعلم كيف يشتري علشان مايطيح مع احد مايخاف الله









والسلام ختام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عشان كذا نقول الي بيشتري ياناااس لازم يفحص الموتر اما تشتري على عمى ماينفع


up 2 down 0
rangrover666 143
قبل 2 سنه و 3 شهر



السلام عليكم
اخوي ما يحدث بمعارضنا شيئ يدمي القلب والله هذا حالنا
ونحن مسلمين الي يصدم اكثر ان غير المسلمين عندهم
امانه اكثر من الشريطيه على سبيل المثال السيارات
المستوره استعمال امريكي تجي ماشيه فوق 200 الف كم
طبعا عندهم ما يقدر يلعب بعداد المسافات تجي عندنا
الشريطي ينزل العداد لين 60 او 80 الف كم ويقول مخزن
وغلب الناس ما يطلب تقرير الكارفس
شراء سيارة مستعملة اشبه بمن يقطع نهر كله تماسيح
هذا المشكله الا يوجد لها حل على سبيل الفرض الا نستطيع
الزام معارض بيع السيارات المستعمله بكشف كل عيوب
السيارة المستعمله وفي حاله وجد غش تردها له مع دفع
كامل الخسائر للمشتري ونحن نعلم ان الشريطيه جزء من المعارض



up 5 down 2
غريب 111 455
قبل 2 سنه و 3 شهر



اغلب الشريطيه من قطاع واحد سيئ السمعه و لايهتمون بشي ولا تقدر تلاحقهم او تشتكيهم
ومن امن العقوبه ساء الادب
ولا يوجد حل الا انك
تلجاء للجديد وتبداء من السيارات الاقتصاديه او تشتري من دوال الخليج
ولا حول ولا قوه الا بالله
+1 لايك للجميع


up 1 down 3
الشرقية1 265
قبل 2 سنه و 3 شهر



مليحي

كثر الله خيرك على التنبيه

و كثر الله خيرك زود على تبليغ الإدارة


up 2 down 1
الفارس المميز 2645
قبل 2 سنه و 3 شهر



شكرا لكم جميعا على المشاركه




اخوي الفارس المميز والله هذا واجب لايستحق الشكر


up 3 down 0
مليحي 244
قبل 2 سنه و 3 شهر



المستعمل غاسل يدي منه يازين الجديد حتى الجديد ذلحين ما تضمنه


up 1 down 0
v8..... 61
قبل 2 سنه و 3 شهر



كلامك صحيح ياخوي لازم الواحد ينتبه ولايستعجل


up 1 down 0
abofarah 1029
قبل 2 سنه و 3 شهر



للأسف انا أكلت المطب مرة ولا عاد اشتري سيارة من تبوك بعدها


up 2 down 0
ابوفوز513 22
قبل 2 سنه و 3 شهر



حياكم
قبل كم يوم شفت سيارة باالموقع نوع سيدان
شفت الصور قلت هذي المطلوب 
طبعا الرجال ماهو موضح وضع البدي بس يمدح المحركات
كلمته واعدني وشفت الموتر جايتها صدمه باالشنطة
والباب فتحت السويتش ادور لمبه الاارباق سالته عنها
قال مدري شكلها مفصوله قلت اكيد جايتها صدمه قوية
قلت له المفروض مبين اللي فيها بااعلانك
قال اهم شي سيارة وتمشي مايهم اللي بيستخدم
الخلاصة لاتغركم الصور والكلام المبهم
اذا ماتعرف تفحص فيه ورش سمكرة وميكانيكا وكمبيوتر الخ
وباالتوفيق للجميع


up 4 down 0
باترول 2020 2486
قبل 2 سنه و 3 شهر



اخوي باترول



حتى اللي مايعرف يفحص لايروح للورش واماكن الفحص



افضل حل ياخذ واحد فاهم معه


اشوفه انسب حل


up 1 down 1
مليحي 244
قبل 2 سنه و 3 شهر



على شان كذا اقول حاول قد ماتقدر تشتري جديد


up 2 down 0
خالد ___الرياص 1330
قبل 2 سنه و 3 شهر



الجديد افضل بكل الاحوال بس يعني مو الكل يقدر عليه والاغلب يشتري مستعمل


up 2 down 0
مليحي 244
قبل 2 سنه و 3 شهر



نصيحة يا خوان ابعدو عن المستخدم
والله العظيم اني خسرت فيها خساير
لا يعلم بها الله
حتى لو كانت نظيفة وشد بلد وربي لتاكلك
من الاساس لو فيها خير ما رماها الطير


up 4 down 1
ghost1 577
قبل 2 سنه و 3 شهر



المعارض الموتر النظيف تلقاه غالي جداً
والشريطيه لاعبين في السوق مايهمهم
الا الربح المادي فقط
اللي ناوي يشتري مستخدم يشتري من شخص
يعرفه ويعرف موتره زين


up 2 down 0
fahd077 295
قبل 2 سنه و 3 شهر



وهل تتوقع صاحب السياره بيقولك لاتشتري سيارتي ترا الشاص ملحوم وبتبهذلك روح شوف موتر غيره....

اكيد بيكذب وبيدلس لحد مايبيع القرمبع حقته


up 4 down 5
شويخ من أرض مكناس 2817
قبل 2 سنه و 3 شهر



الله حسيب رقيب
البيع والشراء ذمة راح يحاسب عليها الاثنين
البايع في غش سلعتة
والشاري في بخس السلعة
________
عندي لاند كروزر على يدي وكالة 2004 لما عرضته للبيع قبل سنة
شرحت لشاري كل الي اعرف عنه
وكل واحد يجي يفحص يطلع لي عله ما عندي علم عنها
ما ادري بهدف البخس او فعلاً فيها المشكلة الموجودة
واخر شي قلت (( السيارة ما اعرف عنها شي )) ويحق لشراي التجربة يوم كامل 
ابي ابري ذمتي ولا ودي احد يشتريها و هو غيير راضي
وكل زبون يطلع يجربها يجيبها يرجعها بخراب واضح لم يكن موجود معي
واخر واحد جابها مصدومة
لا حول ولاقوة الا بالله
يعني الواحد عشان يبيع شي و يكون الشاري مطمئن شنهو يسوي


up 4 down 0
بو جنان 176
قبل 2 سنه و 3 شهر



بو جنان




اذا قلت السيارة ع الفحص كذا بتبرا ذمتك لانه بيفحصها وهو بيكون على علم قبل يشتريها



صعب الشخص يحدد مشاكل سيارته خصوصا اذا كانت معه من سنين طويله





الفحص هو اللي بينك وبين المشتري


up 2 down 1
مليحي 244
قبل 2 سنه و 3 شهر