هل من حل لرائحة السيارة من الداخل

حط فحم داخل الغماره ونسم القزاز خفيف 

صارت معي وجلست فتره طويلة بعدها غسلت الفرش حق الارضيه 

جراح القزاز فاتحة كامل من يومين ما نفع وبالنسبة للفحم راح اجرب ويعطيك العافيه .


محسن الغنم حطيتهم بالشنطة وغسلت الشنطة بس الريحة مدري اشلون دخلت للكبينة ويعطيك العافيه .

غسل كامل فرش الشنطة والافضل تتركه بالشمس

لان الريحة تعلق بالفرش مهو الحديد او ودهل محل تلميع و ممكن تغسل فلتر المكيف

بشر الغنم اللي جبتها ماصار فيها شئ من مسكت الخط ههههههه

على العموم الريحه مالك الا تغسل فرش الشنطه وبعد ماينشف تحط بخور بالشنطه وتقفل عليها حق خمس دقائق

وبعدها تطلع البخور

وتشوف النتيجه

الله يعطيكم العافية يا شباب ما قصرتوا 

بالنسبة للغسيل غسلتها وخليتها تنشف وبخرتها وعطرتها وما نفع .

بالنسبة للغنم أبد ما شاء الله ما صار لهم أي شئ طبعا ما قفلت الشنطة 

حطيت خشبة على أساس ما تقفل الشنطة وربطت الشنطة بحبل يعني خليت 

تهوية 1سم تقريبا مشيت 200 كيلو وقفت وفتحت الشنطة أشيك والحمد لله الامور تمام وكملت 


ووصلت ولا صار شئ ولله الحمد بالعكس نقلهم في الشنطة اريح من الحوض من خلال التجربة لكن 

المشكلة الحين بالريحة وان شاء الله الاقي لها حل .

خذلك معطر منزل وعطرها وجيب لك بخور وبخر السيارة وخلي السيارى في الشمس وبرضة خذلك معسل بالفراولة وحطة على الطبلون ويصير تمام ..

افتح القزازات الاربعه وامشي 100-120 لمسافه وتبي تروح الريحه

هذي معتقة بسبب طول المسافة 
جرب تحط صحن خل فب الشنطه يمتص الريحة

انا مجرب القهوه 
قهوه تركي مطحونه فرش 
وراح تدعيلي

مع المدة بتروح لانها تغلغلت بالفرش
وفترة ثانية غير فلتر المكيف بالتوفيق

اشكر كل من تفاعل في الموضوع وإستفدت كثير من ارائكم شكرا لكم جميعا من قلب .

عزيزي

الفحم يشفط الرائحة و يستخدمونه بهذا الخصوص كثير
بالنسبة للطرق الأخرى
ادخل على اسمي في الموقع حاط اعلان لمزيللت الروائح الكريهة
أكثرها مدحا اثنين.. مافرا و ميقوايرز رائحة الوكالة

وظيفة المادة القضاء على البكتيريا التي تحمل الروائح.


بإذن الله تعالى تفيدك المادة كثيرا

تحياتي لك

حط معسل تفاحتين وحده بوحده

الله يعطيكم العافية ما قصرتوا .