ايش افضل .. تاهو ول برادو ؟

تاهو دون اي شك بعدين المقارنه غلط 

التاهو فئة مختلفة اكبر وافضل من البرادو 

التاهو v8 ويفصل اربعة ويشغل اربعة يعني موفر

التاهو عزمه افضل اذا دبلت الدعسة لانهv8 

التاهو اريح وقطعه ارخص 

البرادو افضل في البر

البرادو سعره يمسك اكثر

الحين السيارات طاحت اسعارها يعني خلونا من يمسك ومايمسك التهاو سيارة يعتمد عليها جرب الاثنين واحكم بنفسك

اكيد تاهو ما يحتاج لها تفكير عزيزي

مجرب يوكن 2011

مسافر عليه من جدة للقصيم ثلاث مرات والمدينة مرتين
والجنوب 3 مرات

سيارة ممتازة ويعتمد عليها ماشاء الله مكيف ومكينة ورساوة وصرفية البنزين ممتازة في السفر

كل الخيارين جيد ,

شف أنت تفضل الحجم الكبير مثل التاهو أو الأصغر مثل البرادو ,

و لا تنسى السلندر 4 و 8 يفرق

اخوي اذا يهمك وسائل السلامه لك و لعائلتك.. خذ تاهو جميع الايرباقات ونظام الثبات الالكتروني وغيرها ز
اما البرادو اكثرا اعتماديه و لا اعيب عليه بشيء الا في السلامه .
و الخيار راجع لك .

من تجربة البرادو 4 سلندر اقدر انصحك بالتالي:
1- مصروف خفيف من بنزين و زيت و فحمات و كفرات و كلشي قطع استهلاكية
2- اعتمادية ممتازة
3- تكييف ممتاز
4- حجم مناسب جدا في المدينة و للسفر
5- ميزة الدفع الرباعي المستمر و طبعا الدبل الخفيف و الثقيل

شرّفني مروركم جميعا يالغالين ..

فعلا .. المقارنة غير متكافئة
بس معليش ما وضحت لكم اني اقارن من ناحية السعر بين
تاهو "مستعمل" او برادو "جديد"
وانا رجال استعمالي رقيق واحافظ على السيارة ..
الله يحفظنا واياكم من شر الحوادث .

ياليت اللي جرب التاهو او اليوكن يوضح لنا كم يعبي بنزين فل ؟ واي نوع ؟ وكم يمشيه داخل البلد وفي الخط ؟
وبصراحة ماكنت اعرف سالفة ان التاهو يقفل 4 ويشغل 4 .. ياليت تأكيد المعلومة

عندي التاهو الموديل قبل الاخير دبل
اعبي بنزين 91 ب 68 ريال اذا ولعت لمبة البنزين.
المكينة على السرعات المنخفضة والدعسة الخفيف تستخدم 4 سلندر فقط واذا دعست تزيد الى 8 سلندر.
طبعا يظهر معاك على طبلون العدادات عدد السلندرات اللى تستخدمها المكينة . 4 او 8 .
استخدم حاليا بنزين 91 وسابقا استخدمت 95 . والفرق بسيط في العزم وسرعة الاستجابة لصالح 95.
انصحك بالتاهو وبشده لأن سعر المستعمل منها رخيص وعملي وانصحك بالدبل. افحص وتوكل على الله.

حط خيار ثالث الي هو الاكسبديشن 2016 شوف الوكاله عليه عروض

وبالتوفيق

برادو موتر خدوم وكرف وعملي ومكيف وبطل

بس اربع سلندر ابوكلب عزمه وترى صرفية تاهو v8 5.3

نفس صرفية برادو اربع سلندر 2.7

وصوت مكينة اربعة مزعج 

خذ تاهو حلو ويمشيك خمس سنوات قدام

بالمناسبة صرفية برادو اربعة و تاهو كلهم يمشونك 10.2 كيلو لكل لتر

ماقصّرتو .. جزاكم الله خيرا وبارك فيكم

4 سلندر على سيارة كبيرة الحجم جهد ضايع
زي تعطي بزر كرتون كبير وتقول له دفه
خذ التاهو وتوكل على الله
بالنسبة لموضوع البنزين
نظامه 4 -6-8
حسب دعستك

حسب مستخدمي التاهو في الردود السابقة يحتاج لتفليل التانك 68 ريال بنزين 91 يعني بحدود 90 لتر(رد الأخ ابو أحمد الشهير) لكن الأخ (mohammad 1368) بيقول التاهو (مثل البرادو !!!) بيمشي 10.2 كم لكل لتر, بالتالي 90 لترمضروب بـ 10.2 = 918 كم يمشيك التاهو بالتانك الواحد و طبعا هذا خطأ
بالعودة لصرفية البرادو (أنا مالك برادو4 سلندر و لله الحمد) أعبيه 60 لما تولع اللمبة و أمشي أكثر من 600 كم و صديقي عنده تاهو و فل التانك عنده مثل ما قال (ابو احمد الشهير بحدود 70 ريال لما تولع اللمبة) يمشيه 450 الى 500 كم حد أقصى و ليس 918 كم حسب الاخ mohammed1368

حسب حاجتك يا طيب
برادو اذا انت شخص كثير التنقل و تحتاج شي عملي ما مصروفه قليل و صيانته سهلة
تاهو اذا انت تحب الفخامة و ما يهم المصروف أو الصيانة و ما تتنقل كثير

و بخصوص المصروف معروف جدا الـ8 سلندر يصرف أكثر من 4 سلندر
و نظام صرفية الوقود الاقتصادي بالتاهو يشتغل فقط على السرعات ما بين 80 الى 120 و ليس حسب دعسة السائق

Ayham73

الي جبته انا انه مثلا كلا السيارتين على خط بسرعة 120

وفي وضعية اقتصادية مو تاهو شغال ٨ سلندر