أضف سؤال أو موضوع جديد          

اقدر ابيع سيارتي وعلي مخالفات

up 2 down 0
العصيمـي 307
قبل سنه



السلام عليكم

اخواني عندي لومينا 2006 وابي ابيعها لأني مااستخدها
المشكلة علي مخالفات والاستمارة مطوفة 4 سنوات
سؤالي هو اقدر ابيعها بورقة مبايعة من المعرض عشان الشاري يضمن حقه ويكون معه اثبات

والله يوفقني وياكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لازم تجدد الاستماره .ثم تبيعها . وهالشي لازم تسدد مخالفاتك . ولكن تقدرتمر اي معرض تقول ابي ورقة مبايعه . ويعطونك بي 100


up 1 down 0
صاحب سموه 537
قبل سنه



يعني تنفع ورقة المبايعه


up 0 down 0
العصيمـي 307
قبل سنه



المعارض ممنوع تعطي ورقة مبايعه الا بفحص دوري جديد
انت ودها الفحص على الاقل و حاول فيهم


up 0 down 0
1405-1985 1319
قبل سنه



قصدي فحص دوري صالح هو مدته سنة
من اخر مرة سويته شف التاريخ


up 0 down 0
1405-1985 1319
قبل سنه



لازم تسدد مخالفاتك الله يعينك 
وبعدين تجدد وتفحص وتامن

تقدر تبيع بحاله واحد لو كانت الاستماره باقي ما انتهت 


up 1 down 1



يا شباب انا عارف اني م اقدر ابيع بشكل نظامي الا لازم اسدد مخالفاتي واجدد وافحص



انا سؤالي واضح بخصوص ورقة المبايعه


up 0 down 1
العصيمـي 307
قبل سنه



طيب اللي سيارته 2016 يعني الاستماره جديده لكن عليه مخالفات يقدر يبيعها؟


up 0 down 0
bmw z4 1259
قبل سنه



الاستماره جديده تقدر تبيع ياراعي 2016 اهم شي الاستماره اذا ماتكون مطوفه والفحص تنفحص عادي حتى لو كان هناك مخالفات


up 1 down 0
miz00 201
قبل سنه



ايه ياراعي 2016 تقدر تبيع لكن ماتقدر تشري


up 0 down 0
العصيمـي 307
قبل سنه



اذا الاستمارة صالحة و الفحص صالح تقدر تبيع و عندك مخالفات بس ما تقدر تشتري الدفع فيك فيك 

و التجديد تبي تحسب  اربع سنين 100 ريال عن كل سنة يعني 400 ريال  و الفحص 72 ريال  هذا غير المخالفات اللي عندك 

الله يهديك ليش خليتها تتراكم عليك المخالفات 




اذا تقصد تبيعها بدون ما تنقلها يعني بورقة مبايعة نصيحتي لك اذا لقيت من اخد اقاربك رجل ثقه فبيعها عليه بورقة مبايعة بينكم وعليها شهود تظمن حقك ويظمن حقه وسدد بقيمتها المخالفات اللي عليك واذكر من ظمن الشروط تاريخ المبايعة علشان المخالفات واتفقوا على تجديد ونقل الاستمارة يا عليك يا عليه بعد تسديد المخالفات
والله يعينك وييسر امرك


up 1 down 0



طيب ليش دس لايك


up 2 down 0



البيع تقدر تبيع بدون ماتسدد مخالفاتك لكن تشتري ماتقدر والبيع لازم الاستماره والفحص يكون جديد 


up 0 down 1
saif2257 106
قبل سنه



عزيزي انا فاهمك وش تقصد ، قصدك بتسجل ورقة مبايعة بينك وبين الشاري وتستلم دراهمك والموتر يبقى باسمك وهو بموجب ورقة المبايعة يمشي وانت تستلم دراهمك


حبيبي هذا مو حل بكره ولا بعده جاب لك مصيبة في الموتر ولا حادث ترى مهب عارفين الا انت وياما قضايا وقضايا صارت وش لك وش للمشاكل يا بعها بشكل نظامي ولا تشليح وكفى الله المؤمنين القتال وبقيمتها سدد مخالفاتك

على الاقل ضربت عصفورين بحجر بعت بشكل نظامي وينزل الموتر من اسمك وترتاح وسددت مخالفاتك

بالتوفيق


up 3 down 0
a.ibrahem 2785
قبل سنه