أضف سؤال أو موضوع جديد          

تغيير زيت السوبربان 2014

up 2 down 0
عبدالله عبود 117
قبل سنه و 5 شهر



السلام عليكم

إخواني الأفاضل وفقكم الله لكل خير

أني في حاجه الى أخذ رايكم

فأرشدوني رعاكم الله

لدي سوبربان مودديل 2014 ماشي حاليا حوالي 55 ألف كيلو

وبغير زيت الجربوكس
0 القير
وذهبت للتوكيلاتوطلبت صيانة الـ 60 الف وأفاد أنها بحوالي 2059 ريال



وفيها يتم
تغير زيت الحرك
فلتر هواء المحرك
حزام المحرك ( مدري ماهو )
سائل علبة التحويل
سايل وفلتر القير

وهذا المبلغ كبير

وانا في حفر الباطن
والجميح غير موجود فيها

وفي هذا الامر اطلب من الله ثم منكم التوجيه هل تغيير زيت الجربوكس خارج الوكاله بيكون نفس شغل الوكاله

أم ترون أن المبلغ عادي


لانه خارج الوكاله جميع ماذكر اعلاه لا يكلف سوى 700 ريال

وجزاكم الله خير
وأعتذر على أخذ وقتكم وجهدكم بالرد








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله يابعدي اشوف تغير برا الوكالة
وزيت القير شغلته بسيطه ماهو ذاك الشي الي نقول
يستاهل تغيرة بالوكالة
تطمن وغير جميع القطع عند واحد امين وشغلة تمام
وامورك في السليم


up 1 down 0
الرفاعي33 13810
قبل سنه و 5 شهر



الله يوفقكم ويسعدكم دنيا وأخره


up 0 down 0
عبدالله عبود 117
قبل سنه و 5 شهر



تقدر تقولهم يغيرون زيت القير لحاله
بدون الاشياء الثانيه
واذا بتغير خارج الوكاله
حط الزيت الموصى لسيارتك
لاتحط اي زيت والفلتر


up 1 down 0
d7ooom777 445
قبل سنه و 5 شهر



دحوم وانا اخوك

انا خايف ان فيه برمجه ولا شي
لازم تتسوى

وخايف احوس الدنيا اذا غيرته برا


up 0 down 0
عبدالله عبود 117
قبل سنه و 5 شهر



حياك
صراحةً مبلغ مبالغ فيه 
خذ منهم الزيت والفلتر وغيره برا 
وبخصوص باقي القطع بعد خذاها منهم 
وفر باقي المبلغ لك
شاورتنا وعطيناك الشور
عندك فلوس زايدة رح لهم وادفع 
وباالتوفيق


up 0 down 0
باترول 2020 2363
قبل سنه و 5 شهر



ههههه
الله يرحم والديك يابترول
والله انا ع باب الله
لكن الخوف وانا اخوك
زماقصرت الله يجزاك خير


up 0 down 0
عبدالله عبود 117
قبل سنه و 5 شهر



انا غيرت زيت القير في التوكيلات العالمية ب700 على ممشى 59000 يوكن 2013 وقالوا صيانة 60 الف يغيرون سير المكينة وكم شغله ناسيها بحوالي 2000 وعليها ورفضت ولا يبيله برمجه ولا اي شي اذا بعيد عن الوكالة خذ زيت وفلتر القير من الوكالة وغيره برا
وكل القطع خذها من الوكالة افضلك مثل زيت المكينة والفلتر وفلتر الهواء وغيرها برا


up 0 down 0
ابوخلوودي1 5073
قبل سنه و 5 شهر



ابو خلودي وفقك ربي


up 0 down 0
عبدالله عبود 117
قبل سنه و 5 شهر



اذا غيرت زيت القير خارج الوكالة بيخرج من الضمان


up 0 down 1
اسعد حسين ابونجا 13
قبل سنه و 5 شهر



لاتقولهم صيانه 60 الف ارفض هالصيانه واشرط عليهم تغيير الزيت والفلتر فقط وكم السعر اذا وافقو وقالو لك السعر واعجبك خير وبركه مااعجبك اسئلهم كم علبه زيت ونوع الزيت واخذ الزيت والفلتر من الوكاله وشف المحلات الكبيره والمعروفه لغيار الزيوت مثل رد كاب ون ستوب وغيرهم


up 0 down 0
كارينو 544
قبل سنه و 5 شهر



رح مراكز اي سي ديلكو 
اسعارهم منطقيه جدا 


up 0 down 0
تواوت 528
قبل سنه و 5 شهر



الله يوفقكم
ماهمني الضمان
كله خرطي
السياره ماتمشي في السنه
الا 5 الاف كيلو
واقفه بس اشغلها واطفيها
وفترة الضمان ماهي فترة اعطال
يضحكون علينا

لكن انا س اخاف من ججودة الشغل برا


up 0 down 0
عبدالله عبود 117
قبل سنه و 5 شهر



والله شوف الوكاله دايم يبالغون باسعارهم مره كنت زيك متخوف غيرت زيت قير للماليبو في الوكاله قلت انها شيء صعب الان ع المبلغ الي طلبوه مني يقولي على ما اذكر ب540 المهم قلت مابجلس في الاستراحه بشوف وش الشغل يوم شفت شغلهم وان ما اخذ معهم ربع ساعه تحسفت والله اني دفعت لهم هالمبلغ وتهاوشت معهم ليه هالنصب ع الناس وما عندهم الا حنا وكاله واذا وكاله تنصبون على خلق الله والله لو دريت كان شريت الزيت وغيرته في اقرب مركز قيور وفيه مراكز كثير بالدمام والخبر متخصصه بالقيور وبالامريكي بعد وخلك من الجميح النصاب خذ الزيت بس من الوكاله والشغل برى وفلوسك الزايدة خلها في جيبك


up 0 down 0
هاوي707 203
قبل سنه و 5 شهر



ياهاوي صارت السيارات توسوس في الواحد
من غلا القطع والأسعار
ومن شدة خوف الزبون
الوكاله تلعب علينا بأسعار خياليه

شكرا لك اخووي وفقك ربي لكل خير


up 0 down 0
عبدالله عبود 117
قبل سنه و 5 شهر