أضف سؤال أو موضوع جديد          

اصحاب الخبره خلط زيت القير بماء اللرديتر

up 2 down 0
basketball9800 16
قبل سنه و 9 شهر



السلام عليكم ورحمة الله وبركاته
أسعد الله صباحكم بكل خير و جمعة مباركة

يا جماعة الخير قدر الله وما شاء فعل
معي لومينا Ls 2008
حصلت لي مشكلة قبل اسبوع وكم يوم انه زيت القير انخلط مع ماء اللرديتر
ورحت غيرت المبرد القير الداخلي وغيرت زيت القير مع الفلتر
و امس رحت سويت شفط علبتين و رجعت عبيت عليتين جدد عشان لسع لون الزيت مثل حليب فروله
و اليوم على 8 صباح وانا ماشي بسيارة وقفت ورجعت كملت مشي الا
الاحظ صارت نمرات القير فيها نتعات قوية
وش المشكلة تتوقعون مع اني خسرت في تغير الزيت و الفلتر و المبرد الداخلي ومع حق اليد فوق آلاف ريال
وما ابي اخسر زيادة

اتمنى إلي عنده خبره او مرت عليه لا يبخل علينا

والله يجزاكم خير









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابوعبدالله طيب وش الحل يعني الجير رح يحتاج توظيب ولا بس اغير زيت الجير والفلت


up 1 down 0
basketball9800 16
قبل سنه و 9 شهر



واذا ممكن ترسلي رقمك ع الخاص عشان اشرحلك المشكلة احسن


up 2 down 0
basketball9800 16
قبل سنه و 9 شهر



ارجع غير الزيت مره وثنتين وثلاث وفيه منظف خاص نلقاه عند الوكالة يسوي فلاش للنظام كامل
بعده حط زيت اصلي من الوكالة واحرص اشد الحرص على تنظيف البدي فلف او مخ القير وخله يفكه حساس حساس ويغسله


up 2 down 1
amunt 22
قبل سنه و 9 شهر



حصلت مع خويي في اوبتيما

طلعت مبرد القير فيه فيوز او طرمبه المهم وقفت دفع وسخن ولما سخن صار يخلط مع الاديتر زيت

انفجعنا فكرناها توضيب

وديناها ورشه واحد فنان

وقال مبرد القير فيه مشكله او حاجه زي كذا


وكلفته يمكن 450 ريال شغل يد وقطع


up 0 down 1
حكيم المعاني 10335
قبل سنه و 9 شهر



مثل ما قالو الشباب شيلها الوكاله بسطحه وخليهم يسوون فلاش كامل تنظيف للقير
نصيحه لا تروح عليك الكلتشات الكلتشات شغل يد 3000 هذا اذا لقيت كلتشات


up 1 down 1
ابوزياد123321 201
قبل سنه و 9 شهر



غير رديتر المويه زيت القير يمر بمردين واحد خارجي والاخر يجي طبقة بلاستك تحت رديتر المويه اذا انفقعت على طول يخلط زيت مع مويه
اذا موترك ماراح القير فيه غير رديتر مويه جديد وفرغ الزيت وعبي زيت واستخدم النمر كاملة بمافيها الريوس وارجع فرغه حتى تتأكد القير نظف من المويه
وارجع عبي زيت جديد مع فلتر قير جديد


up 0 down 2
miz00 205
قبل سنه و 9 شهر



السلام عليكم ورحمة الله وبركاته
ياجماعة الخير اليوم وديت السيارة الورشه والراجل جربها
قلي المشكلة في القير و النمره الاخيره ما تنمر الضغط يوصل ع ال4

وقلي توظيب و رحت محل ثاني قالو لي غير الزيت مع فلتر وش رأيكم


up 0 down 1
basketball9800 16
قبل سنه و 9 شهر



السلام عليكم
يا شباب اليوم رحت فحصت القير
وطلعت مشكلتين في الفحص
والاوله p0741 torque converter clutch (TCC) H

والثانية PA717 A/T Input speed circuit no s h
احد يعرف وش المقصد من الرموز
وعلى كلام الراجل يقولي يبيله تغير حساسين و كمبيوتر


up 0 down 0
basketball9800 16
قبل سنه و 9 شهر



شفت قلتلك فكك من وجع الراس ولا تسوق الموتر لين ينضف الزيت (تنضف زيت ولا توظب قير)

فيه امل لاكن لا تسوقها نهائيا نهائيا نهائيا
الكود الاول له احتمالين الاول ان كلتش الطنجره وهو مختلف عن كلتشات القير انمسح (لازم تشوف طنجره من التشليح ولاكن هذا اخر خيار بعد اللي بقوله في الاخير) الاحتمال الثاني الزيت اللي يضغط الكلتش ناقص او مو حق الوكاله او انه مضروب(وفي حالتك نقول انه خالط مع مويه عشان كذا لا تسوق السياره)

اما الكود الثاني معناه ان العمود اللي يطلع من الطنجره عليه حساس سرعه وهذا الحساس ما يرجع كهرب للكمبيوتر وبالتالي الكمبيوتر موعارف سرعه الدوران اللي خارجه من الطنجره الاحتمال الاول الحساس خرب مع المويه (تغيره من التشليح) الاحتمال الثاني السلك حقه خربان او اللي اشتغل عالقير ما ركب فيشه والاحتمال الثاني القراءة تعبانه لان الكلتش حق الطنجره يؤثر عليه مباشرة


يعني اولا نظف الزيت تماما
ثانيا اذا المشكله باقيه والاكواد مثل ما هي شيك عالحساس اللي قلتلك عليه وعلى اسلاكه فقط لا كمبيوتر ولا حساس ثاني الحساس من التشليح ب 150

ثالثا اذا باقي المشكله مثل ماهي غير الطنجره لانه راحت كلتشاتها


up 2 down 0
ابوزياد123321 201
قبل سنه و 9 شهر



للمعلوميه الكمبيوتر ما عنده حساس على كلتش الطنجره لاكن يوم يشوف السرعه اللي يقراها من الطنجره مضروبه يقلك كلتش طنجره ويقولك حساس لان السبب ممكن يكون واحد فيهم ودائما في الحالات اللي زي كذا سباكين الصناعيه بيخلونك تغير كل شي نصيحه سو اللي قلتلك عليه


up 2 down 0
ابوزياد123321 201
قبل سنه و 9 شهر



اللي صار معك صار لواحد بالباثفندر 2007 الخلل بالرديتر اذا كان مبرد زيت القير مدموج بالرديتر يكون انفتح الرديتر على المبرد وخلط الزيت لازم تسزي تنظيف كامل وتشيكعلى خريطةالقير


up 0 down 0
The_Glory 77
قبل سنه و 9 شهر



السلام عليكم ورحمة الله وبركاته
اسعد الله مساكم بكل خير
قبل 4ايام رحت فحصت وطلعلي في الكمبيوتر
عطلين
الاول p0741 torque converter clutch (TCC) H
والثاني PA717 A/T Input speed circuit no s h

وبعدها يومين الي هو قبل يومين رحت فحصت مرة ثانيه كمبيوتر عند واحد يمدحونه
وطلع ليفي كمبيوتر خطأ واحد
الي هو Input speed sensor (ISS) circuit Low voltage

وطبعا رحت الوكالة و شريت نفس الحساس الي فوق كلفني 154 شكله مثل الكويل
بحاول ارفع صورته وغيرت الزيت و الفلتر مثل قالو لي بعض الشباب
لكن الدقه ما راحت
وقلي المكانيكي يبيله القير توظيب عشان الكلشات بتطلع ريحة حرق


up 0 down 0
basketball9800 16
قبل سنه و 9 شهر



لمبه المكينه او لمبه الاي بي اس ABS والعه ولا طفت


up 0 down 0
ابوزياد123321 201
قبل سنه و 9 شهر



عندي لمبة المكينة بسبب حساس الشكمان


up 0 down 0
basketball9800 16
قبل سنه و 9 شهر



تمام نقول لازم برمجه للتبديلات والثرتل عشان من جديد

افصل اسلاك البطاريه واضغط عالبوري لمده دقيقه

وخل الموتر لين ثاني يوم

واشبك البطاريه وشغل الموتر وخل كل شي طافي لا مكيف ولا انوار لمده 15 دقيقه راح يتعلم الكمبيوتر على الثرتل وبعدين تمشي فيها مشي طبيعي من وكاله لوكاله تفرق لاكن نقول خلال 40 كيلو راح يتعلم القير نقاط التبديل تمشي مشي طبيعي لاخيفيف ولا حرق ولا عليك بالنتعه اذا خفيفه يعني لا تخفف عشان لاتنتع بالعكس خلي دعستك طبيعيه الا اذا الطقه قويه مره معناته اما كلتشات واما مخ القير مسدود لانه على كلامك مافيه اكواد اي قير اتوماتيك يستخدم معلومات من الثرتل ومن واي قير الكمبيوتر يتعلم افضل نقاط للتبديل لانه التروس والكلتشات تتغير مع الزمن فالوكاله تخليه يتعلمها بدال ما تكون نقاط ثابته وقللي وش يصير معاك


up 0 down 0
ابوزياد123321 201
قبل سنه و 9 شهر



ما انتبهت انه يقول ريحه حرق , لاكن منت خسران شي جرب وبعد خلي اكثر من مكنيكي يشم الزيت


up 0 down 0
ابوزياد123321 201
قبل سنه و 9 شهر