أيهما أفضل ؟؟

كلهم ممتازين .. لكن يتميز البليزر بتوفر القطع وسهولة الحصول عليهاااا وسهل عند البيع ..

اولا مافي مقارنه في السيارتين بسبب اختلاف الفئة


ولكن ك مقارنه في الصيانه وقطع الغيار فهي لصالح البليزر

قطع غيار أرخص من الدودج
وصيانه متوفره بشكل كبير عكس الدودج

تشارجر هيمي عز الله يعزك
بس القطع نار

الشور يا طايع الشور ورايي بيختلف عن الجميع ويمكن فيه ناس بتزعل وتعطي ديسلايك


لاتطلع من الياباني والكوري خلك من الشكل والخرابيط


كانك تدور راحة بالك وتبي تحفظ قريشاتك اشتر منهم


بليزر من متى الى متى نشوفه في الشارع وفوق كذا خلونا منطقيين هو والاكاديا والانفوي والترافرس مع احترامي لملاكها سيارة ما ينشهد لها في العملانية وعسى ما تلقى واحد منهم واقف في ورشة الا خراب عويص ولا صعب مهب كل هذا اهمال في ملاكها الموتر اللي فيه البلا


وبعدين الموديل اللي بتاخذه قديم يعني حتى السيارات العملية يبي لك تدور منها النظيف فما بالك بذا ، هذي نصيحتي لك واخويه لا تجي بكره تتشكى فتح ثمه يبيله مدري وشوا ولا طالعة لي مشكلة


بالتوفيق

هي نظرية في السيارات خدها معك وين مارحت

كلما زادات الفخامة والقوة كلما قلت الخدمة والعكس صحيح
يعني سيارة فخمة وقوية لازم تحتاج صيانة مستمره حتى تعيش معك
وهذا الكلام ينطبق على البي ام والمرسيدس والأودي مع ان جودتهم وقوتهم عالية لكن ماينفع الى كرف واستخدام يومي زي الياباني او الكوري

^^ كلامك صحيح يا شفروليه وهذي النقطة اللي دايم يحصل تعارض فيها


لما احد يجي يسأل عن الماني يقوله اعتماديه وخرابيط ويكفي انه مرسيدس ولا بي ام


اوكي هي سيارة المانية ومصنوعة بجودة عالية بس مهب معناها انها بتكون الافضل في العملانية

مشكلة البعض فاهم كلمة الجودة غلط


رغم ان فيه بعض السيارات على كثر ماهي فخمة لكن تضل عملانية وتصلح لاستخدام يومي اذا حافظت عليها مثال لذلك لكزس 460 صراحة انا ما اشتري ياباني كل شغلي كوري لكن كلمة حق اقولها ومحد ينكر عملانية اللكزس 460 رغم فقر بعض مواصفاته وشكله نوعا ما مستهلك

تحياتي

اتفق مع a.ibrahem

يعطيكو العافية جميعاا

استاذ ابراهيم انا معاك
هي السيارات هذه مصنوعة لغرض الفخامة والرفاهية واللكزس مع الفخامة فيه نوع من الخدمة والكرف والتحمل عشان كذا سعره يمسك افضل من غيره المنافسين
مشكلة الناس تغفل عن اشياء كثيرة مثل ان السيارات مصنفة الى عدة اشياء
يعني سيارات صنعت لجل الفخامة وسيارات لجل القوة والسرعة وسيارات للبر والأماكن الوعرة و سيارات للشحن وسيارات عملية اقتصادية و القائمة طويلة...الزبدة ان الألماني ماصنع على انه سيارات عملية اقتصادية