استشارة أخوية بخصوص سيارتي
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم ورحمة الله
اخواني الكرام، عندي استشارة وحبيت آخذ رأيكم حولها.
الموضوع ومافيه، عندي كابريس 2012 أسود اس اس، وتعرفون ان ان هذا النوع يعتبر رياضي
اشتريته قبل 3 سنوات تقريباً واشتريته وانا متزوج وعندي عيال بس كانوا صغار ووقتها كنت متردد
لأن الموتر رياضي وانا عندي عائلة ولكن كان عندي سيارة ثانية استخدمها في مشاوير الأهل، وكنت
مخليه للدوام وللسفر. من فترة بعت سيارتي الثانية وصار الكابريس فقط اللي معي اقضي عليه كل المشاوير
وحاس كذا ان الوضع مو راكب ، وخصوصاً قدام الشباب ومجتمعي ان موتري رياضي ومتزوج وعيالي بيدرسون السنة الجاية
يعني ماهي زينه أنزل الولد عند المدرسة على كابريس اس اس " وجهة نظر ". طبعاً جالس افكر أرهمه
من SS الى LTZ ولكن متردد حيث ان التكلفة تقريباً لتغيير الصدامات والكشافات والسمكات اللي على الجنب حوالي 2000 ريال قطع تجاري مع شغل اليد والجنوط يمكن 1600 تجاري وخايف من الرجة ومشاكلها.
وأفكر برضه أغير لونه الى أبيض لأنه رسمي أكثر وهذا مجرد تفكير عابر لأنه مكلف تغيير اللون. وما اعرف ورش جيدة في الجنوب تغير اللون مثل الوكالة.
الخيار الثاني أفك شعار SS اللي بالشنطة واللي بالبيبان وأحط شعار شفروليت العادي وأشوف هالحركة كأنها تشويه فقط.
وش رأيكم في مبدأ التغيير من الأساس ووش رأيكم بموضوع الترهيم ؟
![إبلاغ](https://montada.haraj.com.sa/images/alert.gif)
الردود
خلها على وضعها أو بعها اوأشتر غيرها
أما إذا تحاول تعدلها راح تطلع لك مشاكل أنت بغنى عنها
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
قبل 7 سنه و 5 شهر