صوت طقطقة إذا لفيت يمين أو يسار والسيارة واقفة

اتوقع مسمار توازن او ذراع  و العلم عند الله

اكشف عند مختص تبان لك إن شاء الله 

تقريبا نفس الشي كان عند خويي في لومينا 2009 إذا أنت في ابها بدلك على ميكانيكي فنان صلحها ب 100 ريال تربيط بس 

وينه هالمكانيكي ياعزوز

أتوقع جوزات أو العكس الخارجي

جلد العكس شيك عليه

الصوت هذا اذا تلف الطاره يمين ويسار تسمع طق طق شبه خفيف
هذي صارت لي على فورد تورس وطلع السبب من كرسي مساعد قيمتة 170
اذا تبي تعرف انه السبب او لا
اي واحد يلف الطاره يمين يسار وانت امسك بيدك الياي حق السياره وبتحس الطق فيه اعرف من كرسي المساعد

طقطقة وانت واقف مثل ماتفضل الاخ كرسي مساعد ولاتركب الا الاصلي

الله يسعدكم جميع تم حل المشكلة .
كرسي مساعد مع الرمان سعره 150 ريال الاصلي .
شغل اليد 50 ريال .
ودي وتقديري لكل من شارك وجزاكم الله خير .

حياك ابو عبدالله اللي أخذته الاصلي صناعة استرالي يجي مع الرمان ب 150 ريال
الدرجة اللي بعده امريكي يباع لحاله والرمان لحاله .
والكرسي ما ينفع تشحمه لانه لقيناه مكسور من الداخل .

انا عندي كابرس 2008 ويطلع صوت طقه اذا لفيت يمين يسار بسرعه .. اذا هذا الي عندك لا تغير شي هاذي فضاوة في الدودة انا غيرت كل شي ولفيت كل الصناعيه وبالاخر طلعت فضاوة بالدودة ,, اذا صوت طقطقه مو طقه ممكن يكون كرسي المساعد الي فوق

هلا معالم لا الصوت اللي كان عندي طقطقه قوية وغيرت الكرسي والرمان وراجت الجمد لله

شرفني مرورك ودي واحترامي