تغيير زيت الدفرنس

اذا تبي تغيره غير بشكل تدريجي يعني اسحب نص لتر وحط بدالها نص لتر جديد وهكذا عشان الكرونة تتعود على الزيت الجديد .

عمره الافتراضي اعتقد 80 الف وانت ماشي كثير

زود زيت كل مانقص

فيه زيت يضاف مع الزيت الأصلي والجديد اسمه زيت مانع الاحتكاك

لكن مدري يفيد في سياراتك او لا

لا لاتغيره الممشي كثير اصلاً جدول الصيانه اتكلم عن تايوتا يقول
يتغير على ٨٠ الف واذا تعديت به الميه الف مايغيرونه لانه راح يسبب ونه

السلام عليكم اولا ماشاء الله تبارك الله موديل ٢٠١٢ وماشي هالممشى الله يعطيك خيره ويكفيك شره وانا اقول نصيحه لاتغيره خلك ع التزويد كل مانقص ومعروف هذا القير والدفرنس ان غيرت زيوتها بعد فتره طويله تضرب معك لاقدر الله وفالك المليون يابعدي ههههههههههههههههههہّ'هُ 

يا ولد انتبه زيت الدفرنس لا تغير شيك عليه اذا ناقص زيده بس

اشفط علبتين وزد علبتين وحط مانع احتكاك قسم مانع الاحتكاك على العلبتين وامورك طيبة باذن الواحد الاحد

هذه الحركة اسويها بالفورد حقي من سنة وما شفت الا العافية منها

ماقد سمعت دفرنس ضرب بسبب الزيت ؟  لكن اذا تبي تضمن قل للصيانة اذا صارت مشكلة بالدفرنس تتحملونها  + اذا غيرته تمشى عالراحة وامورك طيب 

اذا غيرته بيون عليك (يطلع صوت) لاتغيرة نصيحه اذا ناقص زوده فقط

ماحد يقدر يفتي بأحترافية
أن تركته بزيته بيجي اليوم اللي تسمع فيه صوت الكارونة !!!
وأن غيرت أو زدته زيت بعد يمكن يضرب ويطلع الصوت !!!!

هل مريت الوكالة تستفسر منهم أفضل ؟؟
سيارتك ماشيه مسافات طويلة وشي طبيعي يقلب زيته ويتوسغ ومعها يحتاج لك زيت جديد
بس وش نوع الزيت وطريقة أضافته هنا مربط الفرس

هل يحتاج يفك الدفرنس وينظف وبعدها يركب ويضاف له الزيت الخاص فيه !!!

لست خبيرآ لكن أقول من تجاربي
صار على وانيت جمس 2011 ماشي 240 ألف لم يتم تغير زيت الدفرنس (طلعت صوت الكارونة)
سيارتي السابقة ماركيز 2003 أمريكي مشت فوق 200 ألف وبعتها ولم أغير زيت الدفرنس بدون مشاكل

والحكم لكم .....................

انا اشوف الافضل انك تغيره بشكل تدريجي يعني شوف في الكتالوج كم لتر تقريبا تحصله حول 3 اسحب 1 وحط بدله جديد مع المعالج
وبعد اسبوع اسحب 1 ومش عليه شهر وغيره كامل والافضل انك تنظفه بس اذ هو زي الماركيز ينفك ,, لكن اذا ما ينفك فرغه وعبيه

ممكن انك ما تغيره في حالة ان لك نية تبيع قريب لا تغيره بس اذا بتستخدم غيره افضل والسبب انه يفقد لزوجته
ومع الوقت يصير مويا خلاص يفقد خصائصه كالزيت ويبدا الاحتكاك يصير قوي لقلة اللزوجة ومع الوقت يطلع ونة

واذا مرة خايف اسحب نصه وعبيه جديد مع المعالج وخلاص يكون 50% جديد وقديم ومش عليه شهر وشوفه اذا ناسبك ولا غيره كامل
في نهاية المطاف ماراح يسبب ونة وتكون لك حرية الاختيار اما تغيره او تخليه

زيت الدفرنس له رقم ولزوجه معينه مثل75w90او80w90 وارقام اخرى لازم تتأكد كم الرقم تحصله بالكتالوج تأكد اذا وضعت نفس الزوجه الموصى بها لاونه ولاحنه عندي سيارة كانت ماشيه أكثر من 200 الف وغيرت زيت الدفرنس وديتها الوكيل قال المهندس يطلع صوت ومن هالكلام ماانصحك وغيرته بنفس اللزوجه ومن أحسن مايكون....وللتذكير رقم اللزوجه منقوش على الدفرنس حق سيارتي كان مكتوب 75

زيت الدفرنس يتغير مع المعالج لحماية الأجزاء الداخلية كالترس والكارونه والكلتشات في بعض السيارات مثل دفرنس الكابرس . السيارات السيدان والأستخدام العادي كل 80000 ألف كيلو والسيارات ذات السحب والجر والأستخدام الكثير في التطعيس المفروض كل 5000 كيلو يتغير مع المعالج واهم شي رقم الزيت الوصى بها من قبل المصنع الفتاوي وحقل التجارب ماينفع. وإلي يبي يشوف بالفيديو كيف زيت الدفرنس يصير بعد ممشى كيلوات كثيره فتح اليوتيوب صاير مثل الطين . وشكرا

تصحيح الأستخدام في السحب والجر والتطعيس الكثير كل 50000 كيلو*********

اذا انت مشيت هالمسافة ما انصحك تغير، الونه طبيعي من 100 - 110 للتاهو الدبل،
نصحيتي لك خله زي ما هو ولا بيجي لك تهريب في صوفة البنيون الامامي المرتبطة مع عمود الدوارن بسبب خفة الزيت

اذا انت مشيت هالمسافة ما انصحك تغير، الونه طبيعي من 100 - 110 للتاهو الدبل،
نصحيتي لك خله زي ما هو ولا بيجي لك تهريب في صوفة البنيون الامامي المرتبطة مع عمود الدوارن بسبب خفة الزيت