أضف سؤال أو موضوع جديد          

مكيف الراكب بالكابرس حار ومكيف السايق بارد ؟

up 0 down 0
asg11 22
قبل سنه



السلام عليكم مساكم الله بالخير جميعا 
عندي كابرس ٢٠١١ وواجهت مشكلة هاليومين 
اشغل المكيف واحط درجة الحرارة للراكب وللسايق على c او ١٦ اللي هي ابرد درجة
واتفاجأ ان الراكب يطلع هوا حار كأنه بدون فريون
اما جهة السايق والمكيف الخلفي باردين الحمدلله
ف وش تتوقعون المشكلة ؟ وهل فيه احد واجه مثل المشكلة ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الفريون ناقص عبة فريون اصلي ويضبط


up 3 down 0
المناخ 614
قبل سنه



قبل تعبي فريون شيك على الدورة حقت المكيف مليون بالميه فيه تهريب يابلف ي ثلاجة يا رديتر ي مواصير ...الخ

بعدين عبيها لانك لو عبيت فريون راح ينقص بعد فتره لهذا السبب عندك ضعف بالبروده الان بوحده من الفتحات،،


up 0 down 0
panamira 1869
قبل سنه



تغيير ثلاجة حصلت لي في سيارتي مع العلم باني عبيت فريون قبل التغيير وبون فائدة


up 0 down 1
rwm001 1
قبل سنه



مرحبا صارت معي نفس مشكلتك بالظبط لكن في برادو 2005
المكيف نص حار ونص بارد واذا عبيت فريون يظبط شهر او شهرين ويرجع لنفس المشكله 
سويت فحص لمواصير ودوره المكيف طلع تهريب في ثلاجه المكيف (يشبه رديتر السياره وحجمه صغير ومكانه صعب لازم فك الطبلون الامامي كامل )
كلفني حول 1300 مع الفحص
ملاحظه:  انا اسرد تجربتي وقد تكون مشكلتك ابسط. اكشف عند اكثر من فني وربي يعينك 
بالتوفيق 


up 2 down 1
midnight_963 482
قبل سنه



يالغالي لاتخاف , هذا الفريون ناقص عندك يزيدونه ويضبط ان شاء الله .


up 1 down 0
ss0007 10
قبل سنه



فريون ناقص كثل ماقالو الشباب معروفه هالحركه


up 2 down 0
7amood1930 267
قبل سنه



حصل معي نفس المشكلة بسياره كيا تبدا البرودة تقل من جهة الراكب شوي شوي الى ان يصير المكيف يطلع هواء حار
وبالكشف عند اكثر من ورشه اتضح انه تهريب من الثلاجه وغيرتها مع تعبئة فريون جديد
فهو اللى عندك تهريب فريون اكيد لكن اهم شيء اتاكد من وين التهريب قد يكون من المواصير او الليات او رديتير المكيف او ثلاجة المكيف


up 1 down 0
toritto 348
قبل سنه



الفرررررريون نااااقص وبس صارت لنا كثير يالغالي.


up 0 down 0
rangrover666 142
قبل سنه



يبو عبدالله بالله انت وش اللي تحس فيه
حنا جالسين نقول تجارب مرت علينا بناء على وصف السائل للمشكله . يعني حنا قلنا له مثلا رح غير الثلاجه مباشره ؟ ؟ ؟ ؟
عجيب امر البعض الحقيقه
نصيحه لك صاحب المشكله تعبي فريون وتنتظر مده اذا رجعت نفس المشكله سوي فحص لدوره التكييف حول 250 ريال تقريبا وهم يطلعون لك اذا في تهريب او لا . هذا افضل حل وبالتوفيق للجميع 


up 1 down 0
midnight_963 482
قبل سنه



الله يجزاكم خير جميعا شكرا على ردودكم 
اليوم بنزل اشيك على الفريون ودورته وبفيدكم باللي حصل معي
مشكورين جميعاً 


up 0 down 0
asg11 22
قبل سنه



ابشركم المشكلة طلعت من الفريون فيه نقص عبيته وفرق معي ماشاء الله
ويقول فيه تنسيم بسيط جدا مابين معه 


up 0 down 0
asg11 22
قبل سنه