افيدوني يأهل الخبره لومينا2001

السلام عليكم طيب اذا طفت معك تشتغل معك ولا يعني تدق سلف معك ولا اذا كانت ماتشتغل وهي حاره واذا بردت اشتغلت هذي مشكلتها من طرنبه البنزين

حتى اخوي تطفأ وتصير تدخن من الكبوت بعد ماتطفا من تحت رجلي  وتصير المكينة حاره نار لو حطيت يدي عليها وامبير
  الحراره طبيعي وأخلي المفتاح في وضع التشغيل المراوح تصير كل شوي تشتغل وتطفأ. اسحب عيار الزيت كني مولع نار داخل المكينة ولا عرفت ايش السبب

السلام عليكم ،،،
أعتقد والله اعلم ان المشكله اللي عندك كهربائيه ميه بالميه علشان كان عندي لومينا موديل 2005 وكانت مبهذلتني بهذله من هذة الناحيه مره ، اول مشكله
صادفتني فيها كانت ماتستجيب للدعسه البنزين على طول وتجلس تتاخرشوي وتنتع ، وزادت المشكله في الاخير وصارت تطفي لحالها وانا ماشي على
سرعات منخفضه حتى فشلتني كم مره توقف يا عند اشاره ياعند زحمه وعلى ذا الحال اليما بعتها وافتكيت منها الله لايردها ، وطبعاً سويت كل شي
اقدر عليه ، غيرت كويلات ونضفت فتحة الثورتل مع الحساس الفلتر وغيرت بواجي يعني شغل تصفيه كامل ولا فيه فايده وكل مارحت لمكيانكي انواع
الفتاوي وكل يقول كلام من راسه وادركت ان المشكله في الاخير مشكله ( كهربائيه بحته ) وبعتها على حالتها ،
لكن عا العموم بقولك اهم الاسباب اللي تخلي اي سياره تطفي فجئه ، وهي كاالتالي :

1ــ خلل بطرمبة البنزين ، بسبب انك تقول تشتغل بعد فتره وهذا هو الشائع لكن ماهواكيد ،
2ــ خلل في دينمو السيارة وهل هو يشحن بالفعل او لاء ، ولا اعتقد أن للبطارية علاقه بالموضوع البطاريه اذا انشحنت اول مره واشتغلت السياره
ماعاد تطفي علشان كذا يكون اعتمادها على الديمنو مهو على البطاريه أصلن ، وقد حصلي هذا الكلام كثير قبل كذا ،
3ــ وجود خلل في حساس الكرنك يصير مره يوصل الكهربا الي الكويلات ومرة قطع الكهرباء عنها وتاخذ فتره ممكن 2 اى 5 دقائق علشان تشتغل
السياره مره اخرى ،
4ــ خلل في ظفيره السياره ،
5ــ واخر شي خلل في الكبيوتر العام للسياره ، يكون مايعطي الاشارات الكهربائيه المطلوبه للمكينه مره تطفي على كيفها ومره ماتشتغل اصلن ،

طبعاً هذة اغلب الاحتمالات المتوقعه لأي سياره ، لكن بالنسبه للومينا والشفر بشكل الأغلب تكون مشاكله كهربائيه وصعب ان الواحد يجزم ،،،
اذا كنت من سكان الرياض اذكرلك ورشه على كلام واحد اسمها ( جيركو ) بالصناعيه القديمه بالرياض بمدحونه وفيه بعد ( ايروستار ) وعندك مركز
( الشامل ) وغيرهم كثير ،، رح لواحد منهم وخل السياره تنطق عنده علشان يفحص على راحته ويعلمك وش المشكله بالظبط

ان شالله اكون افدك لو بشي بسيط والله يسهلم امرك ان شالله .

نصيحة ان كان عندك امكانية تبيعها وتاخذ لك اي سيارة افضلك لان اللومينات خصوصا موديلات ال٩٨-٢٠٠٢ ال ستة سلندر هذي كثيرة خرابات  وماتخلص لو تحط فيها فلوس الدنيا كانت عندنا وحدة مطلعينها وكالة مامشت ١٠٠ الف الا وضربت المكينة وغيرنا مكينة ومشت حول ال٢٠٠ وغيرنا مكينة مرة ثانية والمرة الثالثة غيرنا مكينة وطلع فيها صوت عمود وتركناها تولي ف الصناعية الين ماشالتها البلدية (لدوجة ماهي كثيرة خرابات ابوي قال ل راعي الورشة خذها ببلاش قال ما ابيها ) 

شوف شغل السياره باشتراك و بعد ماتشغل افصل وحدة من اصابع البطارية اذا طفت معناها الدينمو ودعت و اذا ماطفت معناها مشكلة ثاني
واللومينا طبيعي تلافيها نار لانه كان عندي 2003 بعتها قبل 3 اسابيع