أضف سؤال أو موضوع جديد          

مالحل في مشكلة الكابرس 92

up 1 down 0
khoziam 3
قبل 3 شهر و 3 أسبوع



السلام عليكم ورحمة الله وبركاته
كل عام وانتم بخير
ياشباب
عندي كابرس صابونه 92
قبل امس كنت في محطة والبنزين انقطع علي
ومالقيت الا اخضر 91
وانا اعبيها احمر 95
عبيتها اخضر ومشيت
اليوم الثاني اشغل السيارة تدق سلف بس ماتشتغل
حاولت مافي امل تدق سلف وماتشتغل
اللي مرت عليه المشكلة والا عنده حل يسعفني
والله
من كل شر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم
تقبل الله طاعاتكم
شوف فيش طرمبة البنزين يجي تحت السياره بالقرب من فحتة تانكب البنزين
كان عندي كابرس وحصل انه ما يشتغل لكن ضغطت على الفيش اشتغل


up 0 down 0
dub_r-50 351
قبل 3 شهر و 3 أسبوع



وعليكم السلام
جربت اخوي الطريقة مانفعت


up 0 down 0
khoziam 3
قبل 3 شهر و 3 أسبوع



طيب عندي لك طريقه قبل لاتشغل خذ بريال بنزين وحط بنزين فالبخاخ وروح شغل اذا اشتغل او يبغى يشتغل فمشكلتك في طرمبه البنزين


up 0 down 0
الخور قريبه 264
قبل 3 شهر و 3 أسبوع



احتمال كبير الطرمبة 
لأنها مشكلة شائعة بالصابونة 


up 0 down 0
أبو راشد 33 858
قبل 3 شهر و 3 أسبوع



روح دق ااتانكي بخشبه وخل واحد يشغل السياره بتشتغل معاك على طول ويلزمك تغير الطرمبه فبط


up 0 down 0
احمد شريف 3159
قبل 3 شهر و 3 أسبوع



السلام عليكم
سويت كل شي مانفعت ابد
باخذها بسطحه اايوم للصناعيه
والله يعين على فتاويهم


up 0 down 0
khoziam 3
قبل 3 شهر و 3 أسبوع



السلام عليكم
افحص الفيوزات
وخصوصا فيوز طرمبة البنزين


up 0 down 0
dub_r-50 351
قبل 3 شهر و 3 أسبوع



هذا طال عمرك الطرمبة مثل ماتفضلوا الإخوان والسبب إنها متعوده على الأحمر اللي هو خفيف وعبيت الأخضر واختنقت لأن الاخضر ثقيل والموديلات هذي في الأمريكي بالذات يعدم الطرمبة عليك الأخضر


up 0 down 0
أبو تمام 1 224
قبل 3 شهر و 3 أسبوع



فك قربة الهواء ودق سلف وشوف في بنزين يخرج من البخاخات او لا اذا مافي بنزين معناته طرمبه وفي فيوز لها يمكن انحرق واذا فيه بنزين يرش من البخاخات وانت تدف سلف معناته مافي شراره ف اسلاك البواجي والبواجي 


up 0 down 0
احمد الماهر 13
قبل 3 شهر و أسبوع



تدق سلف ** 
اذا مافي بنزين يخرج من البخاخات وانت تدق سلف معناته طرمبه او فيوز اذا فيه بنزين يخرج من البخاخات معناته ماعندك شراره وانت مديل 92 نظام ديلكو 


up 0 down 0
احمد الماهر 13
قبل 3 شهر و أسبوع