ماهي افضل طريقه لازاله صوت التكايات؟؟

و عليكم السلام

لا تستخدم زيت يزيل الصوت ولا شيء اذا التكتكه عاديه تسمعها وانت واقف برى السيارة بس

فهذا كثير سيارات مثلك لكزس و مرسيدس و فوردات و غيرها و تمشي معهم تمام

لو الصوت تسمعه وانت داخل السيارة هذا ما ينفع معها الا غيار التكايات مالها حل

فيه زيت موتل يخفف صوت التكايات بس ترى العلبة الوحدة ب٧٠ ريال وانت تقريبا يبيلك ٥ او ٦ علب هذا الزيت يستخدمونه في سيارات الدراق والدرفت من أفضل الزيوت نصيحة اذا ماعندك تفتفة اترك الصوت ماعليك منه ترى انا غيرت التكايات ودفعت ٤٥٠٠ ورجع الصوت نفس أول ما أستفدت شئ الأمريكي معروف بصوت التكايات خصوصا اللي كان مركب كام وفكه واللي رجولهم حارة طبيعي راح تطلع عندهم اصوات تكايات خويي يقولي الكابرس فيه اصوات تكايات من الوكالة وهو على يدك اصفار نصيحة اذا مافيه تفتفة اتركها ولا تخسر نفسك

افضل حل التوضيب
لأنه المكينة مايوصلها زيت كفاية وتسمع صوت التكايات بقوة

سعود15

اول شي احترم الناس وتكلم بإسلوب راقي
ثاني شي انا كلمت صاحب الموضوع لاتحشر نفسك في شي مايخصك لو ماعجبك كلامي
واخر شي واضح من ردك انك ورع عمرك مايعدي20 سنة ومسوي فيها فاهم في السيارات
انا اسوق قبل لاتنخلق انت وجربت كل انواع اللومينات والكوابرس
اجل تكايات بـ15 ريال هاه اخاف تحسبه فيوز
التكايات لازم يفك المكينة يورع

واتمنى من الشباب يحكمون من الغلطان انا والا انت

وعليكم السلام يمكن نوع البنزين غير مناسب ؛ احتمال

أنا بكتب لك تجربتي مع يوكن 2004

شغلت السيارة وجالس ارتبها من الداخل وفجأة صوت التكايات وصراحة للحظة الأولى اعتقدت أنه صوت الكرنك

سمعت كلام كثير من الناس ولكن سألت واحد في محل قطع الغيار وقال لي أنه فتحة تزييت التكايات صغيرة ومع مرور السنين تضيق بسبب الترسبات وأعطاني الحل وطبقته من 3 شهور والحمد لله الأمور طيبة

الحل:

شريت علبة زيت غسيل مكينة من وكالة ميتسوبيشي بـ 34 ريال 300 ملل وصبيتها مع الزيت وشغلت المكينة 10 دقائق وطفيت السيارة وغيرت الزيت والفلتر وركبت فلتر جديد وصبيت زيت اي سي ديلكو 10 - 30 وأضفت زيت هيدروليك خاص لتزييت التكايات بـ 35 ريال وشغلت السيارة والحمد لله راح الصوت والسيارة رجعت مثل أول

زيت الغسيل: Mitsubishi Engine Flush
MZ100723EX

زيت التكايات: LIQUI MOLY
Hydraulic Lifter Additive

تنبيه:

لما تصب زيت الغسيل لازم تكون الكينة حارة يعني تشغل السيارة حتى ترتفع الحرارة للمعدل الطبيعي بعدها طفي السيارة وصب الزيت وشغل السيارة 10 دقائق بدون زيادة أو نقصان وبدون ما تدعس بنزين أبداً

لما تصب زيت الهيدروليك للسيارة لازم تكون نقّصت زيت المكينة 300 ملل حتى ما يزيد الزيت

روح لمحل بنشر علشان بعد ما تعمل غسيل المكينة يتم تغيير الزيت مباشرة لأنك ما تقدر تمشي على السيارة بعد ما تضيف زيت الغسيل

الموضوع يكلفك حول 200 ريال

ابو عبادة عندي صوت في المكينة وفي واحد نصحني بالزيت LIQUI MOLY استخدمه بس كيف الطريقة افيدنا

ابو عباده لو م عليكم امر وين شريت زيت التكايات