ماهو أفضل حل لهاذه الحيره

اصبر ان الله مع الصابرين والصبر مفتاح الفرج والوظايف ماهي مثل اول انت قدم على اي وظيفه حكوميه يكون فيها تقديم وخلك على وظيفتك انا كنت موظف شركه وراتب 1400 والحمدلله ترسمت لاني كنت موظف بالصحه على شركه وبعدها رفعت اوراقي الى ما ترسمت وصرت من عيال الدوله 

يارجال اطلب الله ولا تطلب خلقه

احمد ربك عندك شغل انا عاطل والرزق على الله
حاول تثبت دوامك على شفت واحد وترتاح

سعود ماقصر
ووالخور وبقيودة الاخوان
كذالك
رفيقي يداوم دوام فترتين
من 7 ونصف الى 12 الظهر
ومن 4 العصر الى 8 بالليل ونوبات يجلس ل9 جرد
غير الظغط اللي عليه
لاكن طقطق وبناء كم استراحه تدر عليه
ومنا ومنا
والان قاضب شغله وش يسوي يرقد
ماحد صارف عليه
امسك عملك والله يعينك
خاصه عندك قسط 1500

الله يفتح لنا ولك ولكل مسلم ابواب رزقه 

ما خاب من استشار والاخوان اعطوك تجاربهم وسيره مختصره 
عن اللي صاير وداير .. لكن الاستعانه بالله اولاً ثم التأني والصبر 
واخذ المشوره .. ولعل صبرك باذن الله آخره رزق لم تضرب له حساب 

السلام عليكم
يعني مو جاي تترك وظيفتك الا بهذا الوقت الصبر طيب وحمد الله

يابو الشباب
العطالة كثرت والدزلة تمر في تقشف ومشاكل دولية والاوضاع غير مستقرة
لذلك خلك فوظيفتك وسخر جهدك ووقتك عليها هي الي بتنفعك وتغنيك عن مد يدك للناس وهذي بحد ذاتها تحفظ ماء وجهك

اما شغلتك لازم تصبر عليها حتى لو طالت السنين وترى الدولة توجهت للتوظيف على اصحاب الخبرة قبل الشهادة والافضلية للاقدمية
وهذي فرصتك الي تكسب فيها خبرة
وعيش حياتك واحلامك على قد راتبك ومابقولك هالكلام من فراغ
انا 5 سنين انطقيت فيها فالشركات بداية براتب 2400 فكارفور اول مافتح فالرياض ومنها لجرير ماتعدا راتبي 3700 اكتسبت خبرة لحد مالقيت وظيفة صاحيه
وكل وظيفة بتقدم عليها اول ماتسئل عنه وش عندك من خبرة وكيف تتعامل مع مشاكل العمل والضغوطات وكل هذي الامور تكتسب من الخبرة العملية ولا تدرس او تلقن
لذلك هم يبحثون عن الخبرة ولازم تبداء من
شوف اللاعبين المحترفين بداو من اندية صغيرة لحد مااثبتوا انفسهم واخذوهم لفوق
والتجارة ترى مو كل من دخلها ربح فيها وتحتاج راس مال وتخطيط ودراسة
اصبر على وظيفتك واذا عندك عمال اجانب فلبن وغيرهم حاول تحتك وتكسب منهم لغة

وش اللي حادك عال4500 ؟؟ ياخي البيك وكنتاكي وهارديز وهالمطاعم كل ما ادخلها كاتبين الراتب 5500 و6000 ودوام ثابت عالاقل .. لاتفك مشروع الا وانت بوظيفتك لين تستقر ان شاء الله .. وانت اذا بجده وعندك انجليزي متوسط راسلني وافيدك بوظيفه محترمه اذا ربك اراد

يا كومارو28

كنتاكي و هارديز كذابين

انا سبق و قدمت عليهم قالوا الوظائف متاحه للرياض فقط رغم ان الاعلان على جميع الفروع بجده

و لو تتواصل مع الادارة بالرياض يقولون لك الجنوب او يصرفونك أي مدينة

يعني مجرد اعلانات قدام الناس و قدام مكتب العمل أننا نطلب وظائف للسعوديين ولا يجونا

يارجال اصبر لاتقتطع رزقك

لا تترك وظيفتك 
و اترك الكلام السلبي اللي يحطم الواحد ما تبدأ مشاريع الا ب 100 ولا 200 الف سلامات هذا اللي مضيع تفكير الشباب 
شوف سوق الجوالات بدايته بسيطة و الطلب كثير عليه لأن الأغلب غير متمكنين من الشغلة 
فيه دورات مجانية في الصيانة تتعلم منها و تبدأ شغلك بعد كذا يا في محل او شغل حر 
واحد من الزملاء بدأها و بسبب عدم توفر محل كان يقدم خدمته عند الزبون منها تكسب زباين 
لأن الاغلب مشغول او يتكاسل يروح المحلات و منها تترزق الله بدون لا محل و لا مصاريف زايدة 
كل اللي تحتاجه تاخذ الدورات  و تتكلف بقيمة العدة و تسوق لنفسك تمام في وسائل التواصل 
و هاذي فكرة من الف فكرة مشروع ممكن تبدأه براس مال بسيط بس انت فكر و لا تسمع للكلام السلبي 
والله يوفقك

اخوي ليه ما تشتغل في اوبر او كريم
تشتغل وقت ما تبغى ما في دوام محدد
كل اللي مطلوب منك سيارة جديدة 2014 وفوق

او انك تفتح لك محل خضار والله فيها مكسب بس اهم شي الموقع يكون فيه ناس كثير ودايم مزدحم

(عسى ان تكرهوا شيئاً وهو خيرٌ لكم)