استشاره في كابرس مخبط بدل مع لكزس 400

مكينة الكابرس 8 سلندر تكلف أكثر من 6 الاف

لو تبي رأيي بيع موترك و زيد عليه خذ لكزس 400 موديل 98

افضل من 95 بكثير

المكينه كويلات و القير تغير و تخدم أكثر من 95

الكابرس ما خبط و مرشوش وهو 2012 الا على تفحيط

و درفت العاده الامريكي مع الكرف يمشيك بالراحه 300 ألف

هذا لو رجلك حاره عليه

لكن تستخدمه درفت و لعب ما يوصل 100 ألف

برأيي حتى لو كا تبي لكزس

شوف كابرس حتى لو 2008 نظيف أفضل من المخبط ذا

يارجال مالك ومال العنا والبلا
كابرس ومخبط بعد
اذا موترك ماشي معك زين اقضبه
واذا مالك خاطر فيه
بعه ولو تاخذ اكسنت ابرك من الكابرس واللي صنعه
نصيحه اخ

الكابرس مهلوك ومدمور تاخذه وتضيع وقتك عليه بالصناعية

خلك على موترك واذا حاب تغير خذلك موتر نظيف وجاهز للإستخدام بلاش تاخذ سيارة تطفش منها وتكرهها قبل تستخدمها

موتري مافيه شي وله معي 8 سنوات

بس من باب التغير

عشان كذا قلت اسالكم

دام انه مرشوش ومخبطه مكينته
دليل ان جايه كرف الويل، يعني كل شي فيه متهالك
لا تحسب انك بتغير مكينه وبيصير ممتاز
الامريكي اذا فتح كبوته ما عاد يسكره
خلك على موترك ابرك لك 100 مره
ولا بعه كاش ودور لك موتر نظيف

يارجال مثل ما قالولك الشباب وش بالغثا والورش يمكن يطلعلك بلاوي ثانية الافضل بيع سيارتك اذا تبي تغير وزد على فلوسها وخذلك شي نظيف

لو مكينة نظيفة و بودي بلد ما انصحك, حبيب ورش, راح تخسر فلوس تصليح كل يوم والثاني, غير وقتك و وجع راس.

هو ماتسلم منه وهو وكاله جديد كيف واحد ملعوب فيه ومخبط
افتك منه مصيحة مجرب